Sau, Mulimuli Mai ia te A’u

Faaaoga Tatau Ou Aso

Saunia e David A. Edwards

O Mekasini a le Ekalesia

Pe e te moomoo ea maimau pe ana e ola i le taimi ua tuanai? Ia, ’aua.

Ata

lima o loo uuina se polo susulu

Ata na tusia e Alyssa Petersen

Pe na i ai se taimi na e manatu ai o le a faigofie atu pe sili atu lou olaga pe afai e te fanau mai i se taimi ua mavae atu? Na i ai lagona faapena o isi i le taimi muamua—e oo lava i se perofeta, i se tasi o taimi.

Sa vaai le perofeta o Nifae (i le tusi a Helamana) i le finauvale o lona nuu ma alaga atu: “E, maumau pe a na mafai ona ou ola ai i aso na muai alu a’e ai lo’u tamā o Nifae mai le laueleele o Ierusalema … — … po ua olioli lo’u agaga” (Helamana 7:7–8).

Sa faigata tele ia te ia le ola ai i lona vaitaimi. Ioe, i le iuga, sa tatau ai ona ia saga’i atu i le mea moni: “Ae … o o’u aso nei” (Helamana 7:9).

O Ou Aso

O ō outou aso nei. E mafai ona latou tuuina atu ni luitau, ae latou te ofoina mai foi ni avanoa. Mo se faataitaiga, i o outou aso , e mafai ona e:

Faapotopotoina Isaraelu i itu uma e lua o le veli. O lenei faapotopotoina “o le mea aupito sili lea ona tāua o loo tupu i le lalolagi i le taimi nei.” E tele auala e te faasoa atu ai le talalelei ma valaaulia isi e faalatalata atili atu ia Iesu Keriso ma Lana Ekalesia. E mafai ona e fesoasoani ia iloa tuaa i auala ofoofogia ma fesoasoani ia i latou o e ua maliliu ia maua sauniga i le malumalu.
Faaaoga tekinolosi i auala lelei. Ua saunia faapitoa oe e faaali atu i le lalolagi le auala e mafai ai ona faaaoga tekinolosi faaonapo nei mo le lelei.
Tetee atu i le le fiafia, inoino, ma le fevaevaeai. A o faaleagaina lo tatou lalolagi i nei mea leaga, e mafai ona e faaali atu se auala sili atu—le ala a le Faaola o le agalelei, agaalofa, faatupu filemu, ma le alofa.
Ia faifai pea i se lalolagi fesuisuiai. A e faamaoni ia Iesu Keriso, Lana talalelei, ma Lana Ekalesia, o le a faamanuia oe e le Alii, ma o le a vaavaai atu isi i au faataitaiga ao i ai i afa o le olaga.

O Au Vavega

Sa le faigofie i taimi uma mo Nifae, ae sa i ai o ia i le nofoaga (ma le taimi) sa manaomia ai o ia e le Alii. Sa faamaoni o ia. O se taunuuga, sa ia vaaia vavega ma mea ofoofogia i ona aso ma sa tausia o ia e le Alii. (Tagai i le Helamana 7–16.)

E mafai ona e vaai i au lava vavega ma mea ofoofogia a o e faamaoni i ou aso.