E tusa ai ma saunoaga a Peresitene Russell M. Nelson, o le mafuaaga lenei e le tatau ai ona e fefe i le salamo.
O le a le mea e te fefe ai? Masini mo tietiega lea e taavilivili? Vasega matematika? O le taumafai e malamalama i le Isaia?
Ae faapefea le salamo? Afai o le mafaufau i le salamo e o’o mai ai ia te oe le lagona e te fia lafi i lalo o lou ieafu pe ai le tele o sukalati, o lenei tusiga e mo oe.
“Faamolemole, aua ne’i fefe pe faatuai ona salamo,” na saunoa mai Peresitene Russell M. Nelson. Ua tuuina mai ai ma se mafuaaga lelei. O ni nai vaega nei ua tusa ai le salamo, ma e le tusa ai, ma le saunoaga a Peresitene Nelson.
O ata na tusia e Corey Egbert
Talia le Meaalofa Atoatoa a le Atua
O lea la, ua e sauni e faalagolago i le Faaola e faatoilalo lou fefe i le salamo? O le a e le faanoanoa ona o le faia o lena mea.
Ua saunoa Peresitene Nelson: “Ona sa manaomia e le lalolagi le laveaiina, ma ona e manaomia e oe ma au le laveaiina, na auina mai ai [e le Tama Faalelagi] ia i tatou se Faaola.
“… Ia tatou taliaina le meaalofa atoatoa ma le taua a le Atua. Ia tatou lafoai a tatou avega ma agasala i aao o le Faaola ma lagonaina le olioli lea e sau mai le salamo ma le suia.”