Fesili ma Tali
“E faapefea ona ou ‘faasusulu atu lo’u malamalama’ pe afai e le o a’u o se tagata e fiafia e fegaegaleai ma isi?”
“Ia avea ma ou lava tagata moni. Mo se faataitaiga, ’aua le nanaina le mea moni e faapea, e te faitauina au tusitusiga paia, tatalo, pe alu i le lotu. O le faia o nei mea ma le avea moni ma i tatou lava, tatou te faasusulu atu ai lo tatou malamalama e sili atu nai lo le mea tatou te mafaufau i ai! E te le tau faasoaina atu se kopi o le Tusi a Mamona i aso uma—tau lava o le faasusulu atu o lou malamalama e ala i le avea ma se uo moni ma se soo o Keriso. O le a maitauina e tagata le susulu o lou malamalama!”
Angel D., 17, Oregon, ISA
“E mafai ona ou faasusulu atu lo’u malamalama e ala i a’u faatinoga pe a feagai ma tulaga faigata. O le onosai, avea ma se e faatupuina le filemu, ma faamagalo atu ia i latou o e faatiga mai ia i tatou, e mafai ai ona tatou faasusulu atu lo tatou malamalama o ni soo o Iesu Keriso.”
Emile M.,17, Bahia, Pasila
“O se tatalo faamaoni e mafai ona fesoasoani ia te oe e susulu atu i le Malamalama o Keriso. Ou te manatua se gaoioiga auauna atu faafaifeautalai lea na matou o ai e faasoa atu le talalelei. Sa ou fefe i le taimi muamua, ae sa ou faia se tatalo patino ma maua le lototele e faasoa atu ai le talalelei.”
Gerardine S., 14, Haut-Katanga, Ripapelika Temokarasi o Congo
“Ou te taumafai i le mea sili e faasoa atu le talalelei i a’u uo e le auai i le Ekalesia, ae e tele ina ou le manuia i taimi uma ona ou te matamuli Pe a ou tatalo, e fesoasoani mai le Alii ia te a’u e tautala atu.”
Gustavo A., 13, Paraná, Pasila
“O se mea e faigofie e pei o le ataata i tagata ma faauo atu pe a e fegalegaleai ma isi e mafai ona avea ma se malamalama sili.”
Lily W., 17, Iuta, ISA