Наманчлахаас айж байна уу?

Жэссика Зөүи Стронг

Сүмийн сэтгүүл

Ерөнхийлөгч Нэлсон бидэнд яагаад айх хэрэггүйг ийн тайлбарласан.

Та нар юунаас айдаг вэ? Галзуу хулгана уу? Математикийн хичээл үү? Исаиагийн бүлгүүдийг ойлгохгүй байхаас уу?

Наманчлахаас уу? Хэрэв наманчлах бодол таныг хөнжилдөө шургалан нуугдахад эсвэл маш их шоколад идэхийг хүсэхэд хүргэж байгаа бол энэ нийтлэл танд зориулагдсан гэсэн үг юм.

Ерөнхийлөгч Рассэлл М.Нэлсон “Наманчлахаас бүү ай, бүү хойшлуул” гэж хэлсэн. Наманчлах олон сайн шалтгаан бий. Ерөнхийлөгч Нэлсоны хэлснээр наманчлалын тухай үнэн ба худал ойлголтуудыг энд авч үзье.

Зураг

Олон янзын залуучууд

Зураг чимэглэлийг Кори Эгбэрт

Зураг

Том хуанлийн урд зогсож буй залуу эрэгтэй

Үнэн: Наманчлал бол өдөр бүр өсөж хөгжих арга зам.

Худал: Наманчлал бол зөвхөн “ноцтой” гэм нүгэл үйлдэх үед ховорхон хийдэг үйл.

“Өдөр бүр арай илүү сайныг үйлдэж, сайн байснаар өдөр тутмын наманчлалын хүчирхэгжүүлэгч хүчийг мэдэр.

Бид наманчлахыг сонгохдоо өөрчлөгдөхийг сонгож байна гэсэн үг! Бид Аврагчид өөрсдийг маань хамгийн сайн хувилбараар өөрчлөх боломжийг олгодог.

Их Эзэн мөнхийн өсөлт хөгжлийн энэ шатанд биднээс төгс төгөлдөр болохыг шаарддаггүй. Гэхдээ Тэр биднээс урьд урьдынхаасаа илүү цэвэр ариун байхыг шаарддаг.”

Зураг

Баярлан үсэрч буй хүү, охин хоёр

Зураг

зүрхэн дүрс барьсан охин

Үнэн: Наманчлал бол биднийг хайрладаг Тэнгэрлэг Эцэг, Аврагч хоёрын өгсөн адислал юм.

Худал: Наманчлал бол шийтгэл.

“Маш олон хүн наманчлалыг шийтгэл буюу хамгийн ноцтой нөхцөлөөс бусад үед аль болох зайлсхийх ёстой зүйл гэж үздэг. Гэхдээ шийтгэгдэнэ гэсэн мэдрэмж Сатанаас ирдэг. Биднийг эдгээж, өршөөн, цэвэршүүлж бас хүчирхэгжүүлэн, ариусгахыг хүсэж, найдаж байдаг Есүс Христийг мутраа дэлгэн байгааг харах харааг маань халхлахыг тэр оролддог”.

Зураг

Цуглааны байр луу алхаж буй хүмүүс

Үнэн: Их Эзэний Сүмд та хэрэгтэй.

Худал: Наманчлахад хэтэрхий оройтсон.

“Магадгүй та нарт гэрээний замаасаа хэт холдож, хэтэрхий урт замыг туулсан мэт санагдаж болох юм. Гэхдээ энэ нь худал гэдгийг би баттай хэлж байна. Есүс Христийн Цагаатгалаар дамжуулан та нарын ирээдүй гэгээтэй бүр илүү гэрэл цацарсан байх боломжтой. Эцэг эх, бишоп эсвэл салбарын ерөнхийлөгчтэйгөө ярилц. … Баяр баясалтай, аюулгүй гэрээний зам дээрээ эргэн ирээрэй. Та нар бидэнд хэрэгтэй.”

Зураг

Есүс Христтэй хамт алхаж буй залуу эрэгтэй

Бурханы төгс бэлгийг хүлээн ав

Тиймд та нар наманчлалын айдсаа даван туулахын тулд Аврагчид итгэхэд бэлэн үү? Та харамсахгүй.

Ерөнхийлөгч Нэлсон хэлэхдээ: “Дэлхийд, та бидэнд аврал хэрэгтэй байсан учраас [Тэнгэрлэг Эцэг] бидэнд Аврагчийг илгээсэн.

“… Бурханы төгс хийгээд үнэ цэнтэй бэлгийг хүлээн авцгаая. Ачаа дарамт, гэм нүглээ Аврагчийн өлмийд орхиж, наманчлал, өөрчлөлтөөс ирдэг баяр баясгаланг мэдэрцгээе.”