Je, Unaogopa Toba?

Jessica Zoey Strong

Majarida ya Kanisa

Kulingana na Rais Russell M. Nelson, hapa kuna sababu wewe hupaswi kuogopa.

Je, wewe unaogopa nini? Bembea? Darasa la hisabati? Kujaribu kumwelewa Isaya?

Je, Kuhusu toba? Kama wazo la kutubu linakufanya wewe utake kujificha chini ya maficho au kula chokoleti nyingi sana, makala hii ni kwa ajili yako.

“Tafadhali usiogope au kuchelewa kutubu,” Rais Russell M. Nelson alisema. Na kwa sababu nzuri. Hapa kuna mambo machache ambayo toba ni na siyo, kulingana na Rais Nelson.

Vielelezo na Corey Egbert

Toba ni: Kwa ajili ya kila mtu.

Toba SIYO: Tu kwa ajili ya watu “wabaya”.

“Je, kila mtu anahitaji kutubu?’ Jibu ni ndiyo.”

“Toba inahitajika kwa kila mtu anayewajibika ambaye anatamani utukufu wa milele. Hakuna ubaguzi. … Kutubu ni ufunguo wa kuendelea.”

Toba ni: Njia ya kuboreka kila siku.

Toba SIYO: Tukio la nadra tu kwa dhambi “kubwa.”

“Pata uzoefu wa nguvu ya kuimarisha ya toba ya kila siku—ya kufanya na kuwa bora zaidi kila siku.

“Tunapochagua kutubu, tunachagua kubadilika! Tunamruhusu Mwokozi kutubadilisha kuwa toleo zuri zaidi la sisi wenyewe.

“… Bwana hatarajii ukamilifu kutoka kwetu kwenye hatua hii katika ukuaji wetu wa milele. Lakini anatarajia sisi tuongezeke katika kuwa wasafi.”

Toba ni: Njia ya kuhisi amani na shangwe.

Toba HAIKO: Hapo kukufanya wewe uhisi aibu na woga.

“Toba … ni ufunguo wa furaha na amani ya akili. …

“Tunapochagua kutubu, … tunachagua kukua kiroho na kupokea shangwe—shangwe ya ukombozi katika [Yesu Kristo].” (Ona pia Alma 36:17–23.)

Toba ni: Baraka kutoka kwa Baba yetu wa Mbinguni na Mwokozi ambao wanatupenda.

Toba SIYO: Adhabu.

“Watu wengi hufikiria toba kama adhabu—jambo la kuepukwa isipokuwa katika hali za hatari sana. Lakini hisia hii ya kwamba unaadhibiwa inazalishwa na Shetani. Yeye hujaribu kutuzuia kumtazama Yesu Kristo, ambaye anasimama na mikono iliyonyooshwa, akitumaini na kuwa tayari kutuponya, kutusamehe, kutusafisha, kutuimarisha, kutuweka safi, na kututakasa.”

Wewe: Unahitajika katika Kanisa la Bwana.

Wewe BADO: Hujafika mbali sana kushindwa kutubu.

“Kama pengine unahisi umepotoka uko nje ya njia ya agano au kwa muda mrefu sana hauko katika njia ya agano, acha nikuhakikishie kwamba hili siyo kweli. Kupitia Upatanisho wa Yesu Kristo, siku zako zijazo zinaweza kuwa angavu—hata angavu zaidi. Zungumza na wazazi wako na askofu wako au rais wako wa tawi.… Tafadhali rudi kwenye shangwe na usalama wa njia ya agano. Sisi tunakuhitaji wewe!”

Kubali Zawadi Kamilifu ya Mungu

Basi, uko tayari kumtumaini Mwokozi ili kushinda woga wako wa toba? Hautajutia.

Rais Nelson anasema: “Kwa sababu ulimwengu ulihitaji kuokolewa, na kwa sababu wewe na mimi tunahitaji kuokolewa, [Baba wa Mbinguni] alituletea Mwokozi.

“… Acha tukubali zawadi ya Mungu iliyo kamilifu na yenye thamani. Acha tutue mizigo na dhambi zetu miguuni pa Mwokozi na tufurahie shangwe ambayo huja kutokana na toba na badiliko.”

Muhtasari

1. Russell M. Nelson, “Nguvu ya Kasi ya Kiroho,” mkutano mkuu wa Apr. 2022 (Liahona, Mei 2022, 98).

2. Russell M. Nelson, “Tunaweza Kufanya Vizuri Zaidi na Kuwa Bora Zaidi,” mkutano mkuu wa Apr. 2019 (Ensign au Liahona, Mei 2019, 67).

3. Russell M. Nelson, “Nguvu ya Kasi ya Kiroho” (98).

4. Russell M. Nelson, “Nguvu ya Kasi ya Kiroho” (67–68).

5. Russell M. Nelson, “Tunaweza Kufanya Vizuri Zaidi na Kuwa Bora Zaidi,” 67.

6. Russell M. Nelson, “Tunaweza Kufanya Vizuri Zaidi na Kuwa Bora Zaidi,” 67.

7. Russell M. Nelson, katika “Worldwide Day of Testimony: I Can Do All Things through Christ,” broadcasts.ChurchofJesusChrist.org.

8. Russell M. Nelson, Instagram, Dec. 24, 2021, instagram.com/russellmnelson.