Fakatatau kia Palesiteni Lāsolo M. Nalesoní, ko e ʻuhinga ʻeni ʻoku ʻikai totonu ke ke ilifia aí.
Ko e hā e meʻa ʻokú ke ilifia ki aí? Lolakousitaá (Rollercoasters)? Kalasi fiká? Ko e feinga ke mahino ʻa ʻĪsaiá?
Fēfē ʻa e fakatomalá? Kapau ʻoku hanga ʻe he fakakaukau ʻo e fakatomalá ʻo ʻai koe ke ke fie toitoi ʻi ho loto kafú pe ke ke kai e sokoletí ʻo fuʻu tōtuʻa, ko e fakamatala ko ʻení maʻau.
Naʻe pehē ʻe Palesiteni Lāsolo M. Nalesoni, “Kātaki ʻoua naʻa manavasiʻi pe fakatoloi ʻa e fakatomalá.” Pea ʻoku ʻi ai ha ʻuhinga lelei. Ko ha ngaahi meʻa ʻeni ʻe niʻihi fekauʻaki mo e fakatomalá ʻoku moʻoni mo ʻikai moʻoni, fakatatau kia Palesiteni Nalesoní.
ʻŪ tā fakatātā ʻa Corey Egbert
Tali e Meʻaʻofa Haohaoa ʻa e ʻOtuá
Ko ia, ʻokú ke mateuteu nai ke falala ki he Fakamoʻuí ke ikunaʻi hoʻo manavahē ʻi he fakatomalá? He ʻikai te ke fakaʻiseʻisa ai.
ʻOku pehē ʻe Palesiteni Nalesoni: “Koeʻuhí naʻe fiemaʻu ke fakahaofi ʻa e māmaní, pea koeʻuhí ʻoku tau fiemaʻu ʻa e fakahaofí, [naʻe] fekauʻi mai ai [ʻe he Tamai Hēvaní] ha Fakamoʻui.
“… Tau tali muʻa ʻa e meʻaʻofa haohaoa mo mahuʻinga ʻa e ʻOtuá. Tau tuku ʻetau ngaahi kavengá mo e angahalá ʻi he toʻukupu kelekele ʻo e Fakamoʻuí pea aʻusia ʻa e fiefia ʻoku maʻu mei he fakatomalá mo e liliú.”