Ngaahi Lea ke Moʻui ʻAkí
Kāinga ʻia Kalaisi
Toʻo mei ha lea ʻi he konifelenisi lahi ʻo ʻOkatopa 2023.
ʻŪ tā fakatātā ʻa Adam Nickelv
ʻOku akoʻi mai ʻe he ongoongolelei ʻo Sīsū Kalaisí ko e ngaahi foha mo e ngaahi ʻofefine fakalaumālie kotoa kitautolu ʻo ha ongomātuʻa fakalangi ʻokú na ʻofa moʻoni ʻiate kitautolu. ʻOku tau maʻu kotoa ha natula, tukufakaholo mo ha ivi malava fakalangi.
ʻI heʻetau hoko ko e kau ākonga ʻa Kalaisí, ʻoku fakaafeʻi kitautolu ke fakatupulaki ʻetau tuí, mo e ʻofá ki heʻetau feohi fakatokoua fakalaumālié.
Ko e maama ko ia ʻo ha ʻaho foʻoú ʻoku maamangia ia ʻi heʻetau moʻuí ʻi heʻetau vakai mo fakahoko ki hotau kāingá ʻa e fakaʻapaʻapá mo e anga fakaʻeiʻeikí pea ʻi heʻetau hoko ko e kāinga moʻoni ʻia Kalaisí.
Naʻe fakahaaʻi haohaoa ʻe Sīsū ʻa e tefitoʻi moʻoni ko ʻení lolotonga ʻEne ngāue fakafaifekau ʻi he māmaní.
ʻOku ʻikai ha potu ki ha fakakaukau pe tōʻonga laulanú ʻi he Kāingalotú.
ʻOku fakaafeʻi kitautolu ke tau ʻaʻeva fakataha, ʻi he melino, ʻo fonu hotau lotó ʻi he ʻofa ki he ʻOtuá mo e kakai kotoa pē.
ʻOfa ke tau fiefia lahi ange ʻi hotau pīkinga fakalaumālié pea fakamahuʻingaʻi ʻa e ngaahi ʻulungaanga mo e meʻafoaki kehekehe ʻoku tau maʻú.