Sesioni i Paradites të së Shtunës
Jetoni në Lartësinë e Privilegjeve Tuaja
Pjesë të shkëputura
Ordinancat e priftërisë dhe premtimet e besëlidhjeve e lejojnë Perëndinë që të na shenjtërojë dhe më pas kryejnë mrekulli në jetën tonë. Por si ndodh kjo?
Së pari, me qëllim që një ordinancë të shfaqë fuqinë e Perëndisë në jetën tonë, ajo duhet të bëhet me autoritet nga Biri i Perëndisë. …
Së dyti, ne nuk bëjmë thjesht premtime besëlidhëse – ne duhet t’i mbajmë ato. …
Ndërkohë që Profetit Jozef po i jepej mësim për çelësat, detyrat, ordinancat dhe se si të ndihmonte në shërbimin e priftërisë, Zoti Vetë, nëpërmjet profetit të Tij, i dha Emës një zbulesë. …
Nëse lexojmë te seksioni 25 me kujdes, ne zbulojmë një përparim të rëndësishëm që po ndodhte. Ema do të kalonte nga të qenit një bijë në mbretërinë te një “zonjë e zgjedhur”, te një mbretëreshë. Ordinancat e Priftërisë Aarone dhe Melkizedeke të ndërthurura me mbajtjen e premtimeve të besëlidhjeve të saj, do ta shtonin bashkëshoqërimin e saj me Shpirtin dhe me engjëjt, duke i dhënë fuqi të manovronte përgjatë jetës me udhërrëfim hyjnor. …
… Kjo është diçka që dëshiroj që ta kuptojë secila vajzë në mbretëri.
“[Jetoni në lartësinë e privilegjeve] tuaja.”
Mësoni se si ordinancat e priftërisë dhe premtimet e besëlidhjeve do ta lejojnë fuqinë e Perëndisë të rrjedhë në jetën tuaj me efektshmëri më të madhe, duke vepruar brenda dhe nëpërmjet jush, duke ju fuqizuar e pajisur që të arrini qëllimin dhe potencialin tuaj të plotë. …
Ne të gjithë kemi të drejtën e përdorimit të dhuratës së fuqisë së Perëndisë.
Sa herë që e marrim sakramentin.
Sa herë që e kalojmë pragun e një tempulli.
Ky është çasti kulmor i Shabatit tim. Kjo është arsyeja pse e kam të shtrenjtë rekomandimin tim të tempullit.
“Në ordinancat e saj, fuqia e perëndishmërisë manifestohet” [Doktrina e Besëlidhje 84:20].