Sesioni i Pasdites të së Dielës
Shkrimet e Shenjta – Themelet e Besimit
Pjesë të shkëputura
Bashkëshortja ime, Meri, dhe unë, kohët e fundit pamë një bluzë me mëngë të shkurtra me figurën e një libri dhe një mesazh përpara ku thuhej: “Librat: Mjeti Fillestar i Mbajtur në Dorë”. …
Qoftë të mbajtur në dorë apo digjitale, Bibla dhe Libri i Mormonit: Një Dëshmi Tjetër e Jezu Krishtit sigurojnë udhërrëfim dhe mësime nga Jezu Krishti, Shpëtimtari i botës. …
Siç e përmenda, më la mbresë koncepti i mjetit fillestar të mbajtur në dorë – një libër. Sidoqoftë, unë e dalloj rëndësinë e pabesueshme të internetit në botë sot. … Interneti është një mjet i fuqishëm për të studiuar ungjillin. Sot, shumë njerëz shpërndajnë shkrime të shenjta te miqtë duke përdorur teknologjinë. …
Shkrimet e shenjta na mësojnë të përdorim gjykimin dhe të jemi të mençur në të gjitha gjërat. Interneti mund të përdoret në mënyrë pozitive ose në mënyrë shkatërrimtare. …
Mos merrni në shqyrtim materiale të pamoralshme, të pandershme ose të padrejta. … Mbusheni jetën tuaj me ide pozitive, të drejta; jini plot gëzim; argëtohuni por shmangiuni budallallëkut. Ka ndryshim. … Mbi të gjitha, zhyteni veten rregullisht në Librin e Mormonit, i cili do ta tërheqë Shpirtin në jetën tuaj dhe do t’ju ndihmojë që të dalloni të vërtetën nga gabimi.
Këshilla ime për ju që në njëfarë mënyre jeni shmangur nga shtegu i besëlidhjeve, është që të ktheheni te shkrimet e shenjta, udhërrëfimi profetik, respektimi i fesë në shtëpi dhe muzika plot besim. Çdo shpirt është i çmuar për Zotin. Ne kemi nevojë për ju! Zoti ka nevojë për ju dhe ju keni nevojë për Të! Do të jeni të mirëpritur përherë.