ភ្ជាប់
អ៊ីវ៉ាន ប៊ី
អាយុ ១៧ ឆ្នាំ ហ្សាគ្រែប ប្រទេសក្រូអាស៊ី
រូបថតដោយ អាសលី ឡារសិន
ខ្ញុំជាសមាជិកសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយតែម្នាក់គត់នៅក្នុងសាលារបស់ខ្ញុំ ។ មានម្តងនោះ នៅពិធីជប់លៀងខួបកំណើតមួយ មិត្តភក្តិរបស់ខ្ញុំបានចាប់ផ្ដើមផឹកគ្រឿងស្រវឹង ។ ខ្ញុំមានអារម្មណ៍មិនស្រណុកចិត្តសោះ ហើយបានត្រឡប់ទៅផ្ទះវិញ ។ នៅពេលដែលពួកគេបានសួរថា ហេតុអ្វីបានជាខ្ញុំចាកចេញមុនគេ ខ្ញុំបាននិយាយថា ខ្ញុំមិនផឹកគ្រឿងស្រវឹងទេ ហើយមិនស្រណុកចិត្តទេ ។ ពួកគេមិនចូលចិត្តចម្លើយនោះទេ ហើយគិតថាចម្លើយរបស់ខ្ញុំចម្លែកណាស់ ។ ប៉ុន្តែមួយរយៈក្រោយមក មិត្ដភក្ដិរបស់ខ្ញុំបានទទួលយកវា ។
ពេលមួយទៀត គ្រូរបស់ខ្ញុំបានសុំឲ្យខ្ញុំចែកបទបង្ហាញ PowerPoint អំពីសាសនាចក្រ ។ មិត្តរួមថ្នាក់របស់ខ្ញុំជាច្រើនមានសំណួរ ហើយខ្ញុំមានអារម្មណ៍ថា ព្រះយេស៊ូវគ្រីស្ទកំពុងបង្រៀនតាមរយៈខ្ញុំ ។ នៅពេលដែលបងប្អូនចែកចាយទីបន្ទាល់របស់បងប្អូន នោះបងប្អូនមិនចាំបាច់ខ្លាចអ្វីដែលអ្នកដទៃគិតនោះទេ ។ ប្រសិនបើបងប្អូនទុកចិត្តលើព្រះអម្ចាស់ នោះទ្រង់នឹងជួយបងប្អូនឲ្យដឹងពីអ្វីដែលត្រូវនិយាយ ។
ខ្ញុំចង់ទៅបម្រើបេសកកម្ម ដើម្បីខ្ញុំអាចនាំមនុស្សដទៃមកកាន់ព្រះគ្រីស្ទ ។ ខ្ញុំជឿថា ព្រះអង្គសង្រ្គោះបានយកអំពើបាបរបស់លោកិយដាក់លើអង្គទ្រង់ ។ យើងអាចប្រមូលសាសន៍អ៊ីស្រាអែល ហើយអញ្ជើញមនុស្សគ្រប់គ្នាឲ្យមករកទ្រង់ ។