តើអ្វីទៅជា ភាពពេញលេញ នៃដំណឹងល្អ ?

ព្រះយេស៊ូវគ្រីស្ទគង់នៅក្នុងសួនច្បារគែតសេម៉ានី

ព្រះអម្ចាស់បានមានបន្ទូលថា ភាពពេញលេញនៃដំណឹងល្អគឺជា « សេចក្ដីសញ្ញាដ៏អស់កល្បអស់កាលជានិច្ច » ដែលទ្រង់បាន « ចាត់ឲ្យចេញទៅដល់កូនចៅមនុស្ស » ( គោលលទ្ធិ និងសេចក្តីសញ្ញា ៦៦:២ ) ។ វារួមបញ្ចូល គ្រប់យ៉ាង ដែលចាំបាច់សម្រាប់កូនចៅរបស់ព្រះ ដើម្បីចូលទៅក្នុងទំនាក់ទំនងនៃសេចក្តីសញ្ញាជាមួយទ្រង់ ហើយទទួលបានសេចក្ដីសង្គ្រោះ និងភាពតម្កើងឡើង ។

ដំណឹងល្អគឺជា « ដំណឹងដ៏ល្អ » អំពីព្រះយេស៊ូវគ្រីស្ទ ។ វាគឺជា « ផែនការនៃសេចក្ដីសង្គ្រោះរបស់ព្រះ ដែលធ្វើទៅបានតាមរយៈដង្វាយធួននៃព្រះយេស៊ូវគ្រីស្ទ ។ ដំណឹងល្អមានរួមទាំងសេចក្ដីពិតដ៏នៅអស់កល្បជានិច្ច ឬក្រឹត្យវិន័យ សេចក្ដីសញ្ញា និងពិធីបរិសុទ្ធទាំងប៉ុន្មានដែលត្រូវការ ដើម្បីឲ្យមនុស្សលោកចូលទៅឯវត្តមានព្រះវិញ » ( សេចក្ដីណែនាំដល់បទគម្ពីរទាំងឡាយ « ដំណឹងល្អ » ) ។ ការណ៍ជាច្រើនទាំងនេះត្រូវបានបាត់បង់ ។ ប៉ុន្តែឥឡូវនេះ តាមរយៈវិវរណៈទៅកាន់ព្យាការី ដោយចាប់ផ្ដើមពី យ៉ូសែប ស្ម៊ីធ នោះព្រះអម្ចាស់កំពុងស្ដារឡើងវិញនូវ ភាពពេញលេញ នៃដំណឹងល្អរបស់ទ្រង់ ។

ជាមួយនឹងការស្ដារឡើងវិញនូវ ភាពពេញលេញ នៃដំណឹងល្អរបស់ទ្រង់ ព្រះយេស៊ូវគ្រីស្ទ « អញ្ជើញយើងទាំងអស់គ្នាឲ្យមករកទ្រង់ និងសាសនាចក្ររបស់ទ្រង់ ដើម្បីទទួលព្រះវិញ្ញាណបរិសុទ្ធ ពិធីបរិសុទ្ធនៃសេចក្ដីសង្គ្រោះ និងដើម្បីទទួលបានអំណរដ៏ខ្ជាប់ខ្ជួន » ( « ការស្ដារឡើងវិញនៃភាពពេញលេញនៃដំណឹងល្អរបស់ព្រះយេស៊ូវគ្រីស្ទ ៖ ការប្រកាសដល់ពិភពលោកនៃខួបលើកទីពីររយឆ្នាំ » បណ្ណាល័យដំណឹងល្អ ) ។