Sokwack Ohiyac luhn God Insiacsr
Sel Rosemary M. Wixom
Prestuhn Luhlahp ke U luhn Tuhlihk Srihsrihk
Kuht tuhkuh nuh facluh se inge in karihngihn ac sokwack fihtac ke ohiyac wolacna ma oasr in kuht uh.
Tahmtahel, nga luhngse kowos! Nga fahkwack luhlahlfongi lah moul uh pa sie mwe sang. Oasr plwacn luhn God nuh sesr kais sie, ac srihpac luhn kais sie sesr muhtwacwacack emet likina kuht tuhhkuh nuh ke facluh se inge.
In pacl inge nga muhtwacwacack in akihlen lah isuslac luhn ahwowo nuh facluh uh pa ip ke plwacn luhn Leum. Kais sie sesr kapwack in mahno lun insiacn ninac kiacsr uh ke luhlahlfongi ke mahlwem puhs lun mahnol in karihngihn kuhtyang. In pacl, tuhsruhk, ohiyac luhn isus uh—upac nuh sin kwewana ninac ac tuhlihk—orekuhtwelihk.
Ke sie ahwowo tuhkuh nuh ke facluh se inge, eklac luhn luhpan fol ac kahlwem ac sa wacngihnlac luhn toasr luhn iniwac uh oruh ahwowo sacn in oruh momong se emet la uh. Mwe momong srihsrihk ingacn ac sana nwekyucklac ke eng pacl se emet, koanon insiac uh muhtwacwacack in orekma, ac ahwowo sacn muhtwacwacack in momong. Ke foht la an kapihri, moul in inmahsrlon ninac ac ahwowo sacn ac orekwelihk ma pahtpaht, ac moul luhn ahwowo sacn fin facluh muhtwacwacack.
Job el fahk, “Ngun lun God pa oreyula, ac ase nu sik moul.”1
Kuht tuhkuh nuh ke facluh se inge “us wi kuht kuhtuh wolacna inkuhsrao ah.”2 “Sucu: Sie Mwe Fahkwack nuh fin Facluh” luti muh kais sie sesr “pa wen kuh acn nguhn wolacna nuhtin pahpah ninac lucng uh,” ac “kais sie sesr oasr ohiyac wolacna ac fuhfahsryucsr la.”3 Pahpah Lucng El insekuhlwacng in akacsruhi sie ip ke wolacna Lal yohrohsr. Ma wolacna se ingacn tuhkuh oacna sie mwe sang Sel me ke luhngse ma sie pahpah ninac muhkwena kuh in puhla.
Kuht tuhkuh nuh ke facluh se inge in karihngihn ac sokwack fihtac ke ohiyac wolacna ma oasr in kuht uh.
Kuht Etuh Lah Efuh
Elaine Cannon, sie prestuhn luhlahp luhn Muhtwacn Fuhsr met ah, el fahk, “Oasr lwen yohk srihpac luo ke moul luhn sie muhtwacn: Lwen se el isuslac ah ac lwen se el sokwack lah efuh ah.”4
Kuht etuh lah efuh. Kuht tuhkuh in kahsruh muhsaheack tohkohsrahi Lal fin facluh se inge ac in ahkolah nuh ke Tuhkuh Ahkluo luhn Wen Nahtuhl, Jisus Kraist. Ke momong nuh kwewa kuht eis, kuht kampare in Ukwacl, Ohiyac wolacna lun kais sie sesr uh ac ahkwoyeyucklac ac ahkyohkyelihk ke kuh kuht oraclah in fototoeni nuh yurin Pahpah tuhmasr ac Wen Nahtuhl.
Oraclah wo, ma kuht ahkfahsrye, lusen kahsruhsr lasr, kuh eye ac woiyacsr sifacna uh ac wacngihn srihpac nuh ke ohiyac wolacna lasr uh. Ma wolacna lasr uh tuhkuh sin God me. Ma inge oreklac ke oasr lasr met liki kuht isuslac nuh facluh ah ac fah kalweni na nuh ke ma pahtpaht.
Kuht Luhngseyuck.
Kuht mukwikwi fal nuh ke ohiyac wo lasr ke kuht puhla ac sang luhngse luhn Pahpah tuhmasr Inkuhsrao. Oasr sukohsohk in sulaclah lasr in karuhnganwacng, liyacacng wo, ac kahsruh in kapwack. Peter el fahk lah utuckuh nuh sesr “olwelah sacohk” ma kuht “kuh in ipeis ke ohiyac wolacna uh.”5 Ke kuht kahlwem kac lah suc kuht uh—acn nuhtin God uh—kuht muhtwacwacack in puhla olwelah sacohk ingacn.
Lohacng nuh ke mwet sahyac uh, likina nuh sesr muhkwena, kahsrwe kuht in etuh lah kuht pa tuhlihk muhtwacn Nahtuhl. Kuht kwacna ngwet nuh Sel ke pruhe, ac kuht rahrah in riti kahs Lal ac in oruh kena Lal. Kuht kuh in eis puhla lasr ke yohk srihpac lasr sifacna Sel suc oasr inkuhsrao, likina sin mwet fin facluh ma raunikuhtlac kuh mwet ke Facebook kuh Instagram.
Kom fin ke etuh lah oasr ohiyac wolacna sacn in kom, sikuck muhtuhnte in pruhe ac siyuck sin Pahpah Lucng, “Yac nga acn Nuhtum na pwacye, ac yac Kom luhngse nga?” Elder M. Russell Ballard el fahk, “sie sin pweng wowo emet Nguhn fah fahk nuh sum uh pa lah fuhkah puhla luhn Leum keim uh.”6
Kuht ma Lal. Paul el fahk, “Ngun lun God sifacna kupasrme nu ke ngunasr, in akkalemye lah kut tulik nutin God.”7 Kwacna on soko emet kuht lotwelah ke U luhn Tuhlihk Srihsrihk uh pa “Nga Tuhlihk nuhtin God.”8 Ingena pacl in eislac pohloh kahs wowo sacn “Nga tuhlihk nuhtin God” ac sang kahs “Ke ma inge, meac?” Kuht kuh pac in siyuck kihsen siyuck inge: “Meac nga fah oruh in oruh moul luhk oacna sie tuhlihk nuhtin God?” “Ngwac ahkyohkye fuhkah ohiyac wolacna ma oasr in nga uh?
Prestuhn Dieter F. Uchtdorf el fahk, “God El suhpwekom me in ahkolah nuh ke sie pacl fahsruh wolacna yohk liki kuhtwena ma kom kuh in motko.”9 Pacl fahsruh se ingacn, lwen se ke pacl se, eklac pwacye nuh sum ke kom ac oruh yohk likina in moul uh; ac tuhkuh pacl se ke kom moulkihn moul lom in ahkfalye srihpac ma kom oreklac nuh kac uh. Ma inge suli Leum nuh in moul lom, ac kom fah muhtwacwacack in lwelah kena Lal in eklac ma lom.
Kuht Lotwelah Ke Srihpen Ohiyac Wolacna Lasr
Ohiyac wolacna uh ahkyohkye insiacsr in kena in etuh ma pwacye ma pahtpaht inge nuh sesr sifacna.
Sie muhtwacn fuhsr inel pa Amy el tuhfahna lutiyuc lesin se inge ke el suhmuhslah: “Arulacna upac in sie mwet fuhsr in lwen inge. Inkacnek uh ohsrihksrihkweni. Setuhn el srihke na pwacye. Ma nuh kwewa ac kwewana pwacye kuh stuhuh; wacngin ma infulwac.
El kalweni: “Kawuck wowo uh kuhtuh pacl uh upac in sukokyak. Finne ke kom nuhnkuh muh oasr kawuck wo emet ma ac fah tiac som, ma kuh in eklac ke kuhtwena srihpac. Pa oruh nga tarilacna na pwacye lah oasr sucu luhk uh, Pahpah Lucng, Jisus Kraist, ac Nguhn Muhtahl suc kuh in mwe asruoki luhk ke pacl kuhtwena ma uh koluk yurin kawuck uh.
Amy el sifilpac in fahk, “Sie fong ah nga sun elyah, ac nga fahk nuh sin tahmtahel se wiyuck ah lah nga nihkihn ma in oruh.”
Tok kuhtuh ke fong sac tahmtahel se wiyacl ah suhpwaclah sie text ac suhmuhslah kahs lal Elder Jeffrey R. Holland ke el fahk: “Nikmet fuhlweack. … Nimet na kom tui. Kom in fahsrna. Kom in srihke na. Oasr kahsruh ac engan metoh. … Ac fah wona ke sahflahiyac ah. Luhlahlfongi ke God ac luhlahlfongi ke ma wo ac tuhkuh uh.”10
Amy el ahkuhtweyac, “Nga esam ke ritiyen ma ingacn ac pruhe na tuh ngan kuh in puhla luhngse sin God fin pwacye na El wiyuc oasr in sac.”
El fahk: “Ke pacl se na ma nga siyuck ac luhlahlfongi lah El oasr we ah, nga puhlakihn puhla wolacna, fucsrfucsr, se emet uh. Kahs uh tiac kuh in ahkuhtweyac. Nga etuh lah El oasr we ac lah El luhngse nga.
Ke srihpen kom tuhlihk Nahtuhl uh, El etuh lah suc kom kuh in eklac nuh kac uh. El etuh sahngweng lom ac mwemwe lom uh. El engankihn kuh lom uh. El sanwe kom in tuhkuh nuh Sel ke pruhe. Ke srihpen kom tuhlihk Nahtuhl uh, kom tiac enenwacl muhkwena, tuhsruhk El enenwe kom pac. Mwet rauni komlac ingena ke miting se inge enenwe kom. Facluh enenwe kom, ac ohiyac wolacna lom lwelah kom in mwet tuhma lutlut luhlahlfongiyuck Lal nuh sin tuhlihk nuh kwewa Nahtuhl. Ke kuht muhtwacwacack in liye wolacna lasr sifacna uh, kuht kuh in liye ke mwet sahyac uh.
Kuht Kuhlwacnsap Ke Srihpen Ohiyac Wolacna Lasr
Ohiyac wolacna use nuh insiacsr kena in kuhlwacnsapuh mwet sahyac uh.
Pacl fototo tari ah, Sharon Eubank, director luhn Humanitarian Services ac LDS Charities, sruhmuhn sie ma puhlakihnyuck ma akacsruhiyuck sel Elder Glenn L. Place. Oasr paholah luhn acn ac masrinsrwacl na yohk se fin acn Ethiopia nohfohn ke infulwacn (1980 ah. In sang kahsruh, acn in kihte kof ac mongo uh oreklac nuh selos suc koflah eis ma inge. Sie mukul mahtuh suc masrinsrwacl el fahsr inkacnek uh ke acn loeslac me nuh ke acn kihtakat mongo sac. El ahluhkwelah sie mura ke el lohng tuhng luhn sie ahwowo. El suk nuh ke el sokwack ahwowo se muhta infohk ah sisken ninac misac se kiyacl ah. Sruhkwack ahwowo sac, mukul sac kalweni in fahsr mael 25 (40 km) nuh ke acn in kihtakat mongo sac. Ke el tui we ah, kahs se emet lal tiac pa “Nga masrihnsrwacl” kuh “Kahsrweyuc.” Tuh pa “Meac kuh in orek nuh sin ahwowo se inge?”11
Ohiyac wolacna in kuht uh okasack kena lasr in kahsruh mwet sahyac uh ac mokle kuht in mukwikwi. Pahpah Lucng ac Jisus Kraist kuh in kahsrwe kuht sokwack kuh in oruh oacna. Yac Leum El kuh in siyuck sesr, “Meac kuh in oreklac nuh sin acn se inge, tamuhlwel se inge, pahpah se inge, kuh kawuck se inge?”
Ke mahmah luhn Nguhn pa ohiyac wolacna luhn sie mwet tahfuhluo, tukun srihke na upac in eis luhlahlfongi, ac eis mihs fal in sifilpac eis luhlahlfongi.
Ke mwet pahluh uh sramsram, kahs lal uh mokle ohiyac wolacna lasr uh ac use nuh sesr kuh in ukwe.
Ipeis ke kuhfa luhn Leum kais sie wik sang finsrak nuh ke ma luhn God lun insiacsr, ac kuht esam Mwet Lahngo lasr, Jisus Kraist.
Nga olwelah lah ke kowos suk in sokwack loaliyen ohiyac wolacna ma oan in kowos uh, kowos fah muhtwacwacack in sifilpac ahkyohkye mwe sang sacohk lowos. Lwelah in kol kowos in eklac acn Nahtuhl, fahsr fohlohk ke innek nuh Yohrohl—yen kuht fah “fohlohkihnyucklac nuh sin God suc sang [nuh sesr] momong.”12 Ke inen Jisus Kraist, amen.