Forlah nuh Sel ac Kom ac Fah Eis Top nuh Kac.
Sel Elder James B. Martino
Ke Mwet Itngucul
Akostwen na, esam ke pacl kom puhlah ke Nguhn ke pacl somlah ah, ac siyuck in luhlahlfongi.Top lop ac fah tuhkuh.
Ke nga sie mukul fuhsr, pahpah tuhmuhk ac ninac kiyuck tuh welah Alu luhn Jisus Kraist luhn Mwet Luhlahlfongi Lal ke Lwen-sahflah. Kuht etuh lah misineri lotwelos, tuhsruhktuh pahpah tuhmuhk ac ninac kiyuck muhkwena lutlut yurin misineri.
Tukun mwe fahkwack ahklut se inge, tamuhlwel srihsrihk wiyuck ac nga muhtwacwacack in luhng sin misineri pac, ac tamuhlwel fuhsr wiyuck elos kais sie eis pweng ke Fohlohkyak ke enganlacna. Ne ohinge nga fohswack lah efuh nga tiacna puhla kena loal se in ekuhlah moul luhk. Nga oruh, tuh, insese ke suli in pruhe fin Puk luhn Mormon pa kahs luhn God, tuhsruhk nga tiacna eis top kac.
Sahp kom fah siyuck lah efuh Pahpah Lucng el tiacna topuk pruhe sacn; nga nuhnkuh yohk kac. Nga lotwelah ke pacl sacn lah wuhlwelah se oreklac sel Moroni pa pwacye. God El topuk pruhe lasr ke ma pwacye ke wosasuc, tuh El topuk kuht ke pacl “inse pwacye, kena in etuh na pwacye.”1 El tiac topuk mwena in tohpohklah ma kuht kena sa etuh kac.
Sahp oasr ma se ke moul lom kom ke siyuck kac. Sahp oasr elyah se ma kom tiac etuh na pwacye lah fuhkah topukyac. Mihsenge nga fah luhngse akacsruhi ke kuhtuh nuhnak ma fah kahsrwe kom in eis top kac kuh kahsrwe kom suc suk kac. El muhtwacwacack ke eklac ke wosasuc luhn Jisus Kraist.
Fahk kac ac Nuhnak luhn insiyacsr sang Nguhn in Fwackyuck.
Nga nuhnkuh kihn ke ma sihmlac ke kais sie mwet ke ma suhmuhslah. Nuhnak kac, sie ke mwe srihke kac, Laman ac Lemuel. Oacna Nephi, elos “isuslac nuh sin ninac ac pahpah wo” se ac lutlut “ke etwacack nuhkwewa luhn pahpah [tuhmwacl].”2 Tuhsruhktuh elos tohrkahskahs mweyen pahpah tuhmwaclos el mukul ararama se. Ke kalmac selos an, sulaclah lal an tiacna yohk srihpac, mweyen Laman ac Lemuel tiacna etuh ke ma luhn God, ac pwacnwacng elos fah tiac luhlahlfongi.3
Sie ma pwacr in akihlen lah sulaclah lalos ahkfihsracsrye inkacnek ke ohiyacn ahkkapye luhlahlfongi lalos. Elos som liki lohm selos ac mwe kahsruhp lalos. Elos ongaiyac ke fuhfahsryucsr lalos yen mwesis. Elos ke kuhtuh tukun pacl kahsruh muhsahi oak sac, ac elos insese in fuhfahsryucsr nuh ke sie acn nihkihnyuck.
Nephi el pahselah ke ohiyac sac pacna. Tuhsruhk kuh mukwikwi inge muhsahelah luhlahlfongi lalos? Luhlahlfongi lal Nephi oreklac fokoko, tuhsruhk Laman ac Lemuel kapkapwack yohk ke ahkkoluk ac sruhnga. Tamuhlwel se inge oacyacpac liye ac lohng sin sie lihpufacn, tuhsruhk, ke sie mwe fahk ahsor ac koluk, ke elos kalweni na in tahfuh luo.4
Moul in ikoac uh tiac na fihsrwacsr nuh sin oacna sie sesr. Kuht fihliyucki fin facluh in srihke ac in srihkeyuck. Top lasr nuh ke ohiyacn moul fah ahkkahlwemye yohk fahkwack lasr. Nuhnkuh ke kuhtuh atac lal Laman ac Lemuel: Elos tohrkahskahs ke pacl pahpah tuhmwaclos fahk nuh selos in oruh orekma upac.5 Elos srihke in eis ke puhlwet pras, tuhsruhk ke elos tiac kuh in orwaclah, elos fuhlweack finsrak. Ohiyaclos pa “Kuht srihke; meac pac yohk kuht kuh in oruh?”6
Oasr pac sie pacl ke pacl elos ahsorlac na in oruh ma koluk ac siyuck ke nuhnak muhnahs.7 Elos pruhe ac nuhnak an faclos. Tuhsruhk ma suhmuhslah sihmlac muh tok elos fohlohk in tohrkahskahs ac tiac luhngse in pruhe. Elos tuhkuh nuh yohrohl Nephi ac fahk muh elos tiac “kuh in kahlwem ke kahs ma pahpah [tuhmwacl] el sruhmuhn [tari].”8 Nephi el siyuck selos fin elos “siyuck sin Leum.”9 Ac elos fahk nuh sel Nephi: “Kuht soenna; tuh Leum El tiac ahkkahlwemye kuhtwena ma inge nuh sesr.”10
Kalweni Ahkostwen Lwelah Nuh Sesr in Eis Top
Top lal Nephi nuh sin tamuhlwel lal sie mwe kahsruh nuh sesr in eis top ke kalweni in pruhe:
“Fuhkah tuh kowos tiacna liyacacng masap luhn Luem? Fuhkah tuh kowos ac fah misac, ke srihpen upaciyacn insiowos?
“Yac kowos tiac esam ma suc Leum El fahk ah?—Kowos fin tiac ahkkwekweye insiowos, ac siyuck Sihk ke luhlahlfongi, luhlahlfongi lah kowos ac fah eis, in oaru in liyacacng masap Luhk, pwacyena lah ma inge ac fah ahkkahlwemyeyuck nuh suwos.”11
Nga etuh kuht misineri fohlohk suc eis mukwikwi luhn nguhn kuh, tuhsruhktuh tiac arulacna wo in pahlah ke ma luhn nguhn elos in muh kuh in muhlkuhnlah ke pacl God El sramsram nuh selos. Nuh sin misineri inge and nuh sin kuht nuh kwewa, kom fin “puhlakihn ayaol luhn insiac, ac kowos fin puhlakihn in onkihn on ke luhngse moliyucklac, ngwac siyuck, yac kowos kuh in puhla inge?”12 Kom fin tiac puhla ingena, kom kuh in sulpac puhla, tuhsruhktuh motko ke mwe luti luhn Nephi. Oruh in ahkostwen, esam pacl kom puhla Nguhn ke pacl tari ah, ac siyuck ke luhlahlfongi. Top lom ac fah tuhkuh, ac kom ac sulpac puhla luhngse ac mihslac luhn Mwet Lahngo. Sahp ac tiac tuhkuh sa kuh ke ohiyac kom luhngse, tuhsruhktuh top ac fah tuhkuh. Tiac fuhlweack! Wacngihn pacl fuhlweack!
Lwelah kuht in kapsrwacl Laman ac Lemuel nuh sin wen nahtuhl Mosiah. Kwewana u in mukul inge kapwack yurin sucu suwohs, tuhsruhk kwewana fahsr liki wosasuc. Kwewana pahng in auliyak sin sie lihpufacn, tuhsruhk meac se siena lac ke ohiyacn wen nahtuhl Mosiah?
Ma Upac Fah Muhsahelah Luhlahlfongi Lasr
Fihsrwacsriyacn misin luhn wen nahtuhl Mosiah tiac muhlkihnyucklac. Tausin mwet forlah nuh ke inkacnek luhn Leum. Tuhsruhk, kuht muhlkuhnlah kuhtuh ke pacl elos muhtwacwacack ke misin lalos “[insiaclos] suhpwacr, ac [elos] apkuhran in fohlohk, [tuhsruhk] Leum El ahkinsewowoye [elos].” Elos kahsrweyuck sin Leum in “muhtweng ke mongfihsrwacsr ke kweok [lalos] .”13
Mwe Lutlut ke Ma Suhmuhslah Fahk Nuh Sesr ke Wuhlweacng luhn God
Efuh kuh ma upac nuh sin wen nahtuhl Mosiah ahkkweye luhlahlfongi ac wuhlwelah lalos sahyacn na in wakrwaclos in mungulngul, kuh tahfuh luo? Sie ip yohk nuh kac an pa “elos fokokoi ke etwacack luhn ma pwacye; tuh elos mwet suc yohk kahlwem la ac elos oaru in lutlutkihn ma suhmuhslah, tuh elos in kuh in etuh kahs luhn God.”14 Kuh ac sun ma upac ac oasr kihsensiyuck lasr, tuhsruhk esam lah kuht enenuh in “lihksrweni sruokyac osra uh.”15 “Kahs luhn Kraist fah fahk nuh suwos ma nuhkwewa ma kowos enenuh in oruh.”16 Kuht enenuh in orek lutlut ke ma suhmuhslah lwen nuh kwewa in pa sie ip ke moul lasr mweyen pa sie sruhngucl nuh ke fwackyuck.
Pruhe, Tuhkweni Wi Lalo, Sang Inkacnek nuh ke Fwackyuck
Tuh wen nahtuhl Mosiah, “tiac pa inge nohfohn; elos eisaclosyang sifacna nuh ke pruhe, ac lalo yohk; ke ma inge elos eis nguhn in pahluh, ac nguhn in fwackyuck.”17 Pruhe ac lalo fah ahkfihsracsrye nuh sesr in oruh ke nguhn in kolyuck. Sramsram nuh sin Pahpah Lucng ke mongo ac mwe nihm, lwelah nuh sesr in “tulalosla su kapir ke nununku sesuwohs, ac aksukosokye mwet su kowos akkeokye.”18 Pruhe, orekweni ke lalo, fah use oruh ke kuht “pang, … [Leum] fah topuk” ac ke kuht tuhng, el fah fahk, Nga Inge.19
Forlah nuh Sel
Ohiyacn pahlah in oruh luhlahlfongi se inge—ahkostwen, luti ma suhmuhslah, pruhe, ac lalo—ahkkweye wen nahtuhl Mosiah. Srihklac luhn ohiyacn pahlah in oruh oacna luhlahlfongi se inge pacna pa sie srihpac yohk ma Laman ac Lemuel fahsr liki nuh ke mwe sruhf ke tohrkahskahs ac tahfuh luo.
Fin srihfeyuck kom in tohrkahskahs, fin oasr sum tahfuh luo se ma ac uskomlac in suhlahlahlfongi, fin ma upac sikyak yohk liki na kom kuh in sang, forlah nuh Sel. Fin kom pa sie suc forlah nuh ke ohiyom sifacna, forlah nuh Sel. Kuh kom kuh in esam ke El oruh sramsram mihs na insiyom… ? Meac pac mwe fahkwack wo sahyac kom kuh in fahkwack sahyacn wolacna luhn God?20 Siyuck sum sifacna “Kuh nga apkuhran in moul oacna Kraist ingena oacna nga met ah? Nuhnakmuhnahs forlah nuh Sel.
Kuh nga kuh in fohlohk nuh ke sramsram luhk sifacna. Tukun puhluhn pacl, nga eis kena pwacye se. Nga esam misineri se suc lutiyuc siyuck fin nga ahkolah in pacptaislac. Nga topuk muh srwackna oasr kuhtuh kihsensiyuck luhk. Misineri lahlmwetmwet se inge fahk nuh sihk muh el kuh in topuk kihsensiyuck luhk tuhsruhk nga enenuh in topuk kihsensiyuck luhn misineri se inge met. El siyuck fin Puk Luhn Mormon el pwacye ac fin Joseph Smith el mwet pahluh se. Nga fahk nuh sel muh nga nihkihn, tuhsruhk nga ke etuh.
Nga suk na pwacye. Nuh sihk, top uh tiac tuhkuh sikyak pacl se fanna, tuh ke atac se. Nga akihlen lah ke nga oruh “srihke nuh ke kahs [uh]” ac muhtwacwacack in “oruh sie ipin luhlahlfongi,” Puk Luhn Mormon tuhkuh “ yuc nuh sihk” ac oruh “tohlwack etatwen luhk” ac pwacyena oruh “ahkyohkye nguhnihk.” Tukun pacl tok nga puhla mwe srihkasrak se ma sihmlac ahkkahlwemye muh sie yohkwaclihk ke iniwomtacl.21 Kena ip se inge nga kena pacptaislac ac sang moul luhk nuh sin Jisus Kraist.
Nga etuh na pwacye lah Puk Luhn Mormon el kahs luhn God.Nga etuh lah Joseph Smith el mwet pahluh se. Ma na pwacye se lah srwackna oasr ma nga tiac suhmuhslah, tuhsruhk mwe fahkwack luhk ke ma pwacye usyuclac fototo nuh yurin Mwet Lahngo ac muhsahelah luhlahlfongi luhk.
Tamuhlwel ac tahmtahel, esamuhl Nephi ac wen nahtuhl Mosiah, suc puhlah mwe srihkasrak ke nguhn ac mukwikwi in luhlahlfongi tuh top kac an in tuhkuh ac luhlahlfongi lalos kapwack. Kapsra nuh sel Laman ac Lemuel, suc tahfuh luo ac tohrkahskahs. Ne ohinge kuhtuh pacl uh elos mukwikwi ke inek wo, tuhsruhk elos tiac orekma ke luhlahlfongi. Kuht enenuh in sang luhlahlfongi in orekma in eis top kac.
Nga finsrak ke kom luhng ke lotutacng se inge lah Nguhn el sramsram nuh sum ke nuhnak ac puhla kuhtuh ma kom enenuh in oruh in eis topukyacn kihsensiyuck lom kuh sokwack sie kena in ahkwoyelah elyah se ma kom puhla. Nga fahkwack ke mwe loh lah Jisus pa Kraist. Forlah nuh selac pruhe lowos fah topukyucklac. Ke inen Jisus Kraist, amen.