![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F82%2Fbe%2F82be50112462c8f408113e5f57d3a681c7bab542%2F82be50112462c8f408113e5f57d3a681c7bab542.jpeg/full/!250,/0/default)
¿Mba’épa jajapóta?
Ñamopu’ã pe Reino ñañangarekóramo ñande rapichakuérare, ha avei ñamopu’ã ñadefendéramo pe añeteguáva ha jatestifika umívagui.
Nda’aréi Jesús oikoveje’y ha ojupi rire Yvagápe, apóstol Pedro ombo’e: ¨Toikuaa…añetehápe opa Israel róga, ko Jesús peẽ pekrusifiva’ekuépe, Tupã ojapo Ñandejára ha Cristo¨. Umi ohenduva’ekuépe ojopy ikorasõ ha oporandu hikuái Pedro ha ambuévape: ¨Hermano kuimba’ekuéra, ¿Mba’épa jajapóta?”1. Ha uperire iñe’ẽrendu hikuái Pedro rekombo’e rehe vy’ápe.
Ko’ẽrõ domingo de Pascua, ha aha’arõ avei ñande tañanekorasõjopy jahechakuaa haĝua pe Salvador-pe, ñañe’arrepenti ha ñaneñe’ẽrendu vy’a reheve.
Ko conferencia General-pe ñahendúta tupaogua liderkuérape, kuimba’e ha kuña, ome’ẽramo ñandéve guía inspirada. Aikuaávo iñe’ẽnguéra opokotaha ñane korasõnguérare, aporandu peẽme ko pyharépe: ¨Kuñanguéra ha hermanakuéra, ¿Mba’épa jajapóta [ñande]?¨
Presidenta General Sociedad de Socorro-gua, Eliza R. Snow, he’i hermanakuérape ojapo 150 año rupi: ¨Ñandejára ome’ẽ ñandéve tuicha responsabilidakuéra”2. Atestifika, pe ha’e he’iva’ekue upéramo añetegua gueteri ko árape.
Ñandejára tupao oikotevẽ kuñanguéra ojeguiáva Espíriture oipurúvo idonkuéra hechapyrãva onutri haĝua umi Evangelio añetegua, oñe’ẽ ifavórpe ha odefende chupe. Pe inspiración ha intuición oñeikotevẽ ñamopu’ã haĝua Tupã reino, upéva añetehápe he’ise jajapo ñande parte jagueraha haĝua pe salvación Tupã rajy ha ta’yrakuérape.
Ñamopu’ã pe Reino ñeñangareko kyrỹi rupive
Ñamopu’ã pe Reino ñañangarekóvo ñande rapichakuérare. Upevére, peteĩha Tupã rajy ñamopu’ãva’erãha evangelio restaurado-pe ha’e ñandete voi. Emma Smith he’i: Aguerekose pe Tupã Espiritu ajeikuaa ha añentende porãve haĝua chejupe, aguerohasa haĝua oimeraẽ jepokuaa terã carácter obstáculo ndachegueraháitava che exaltación-pe”3. Jadesarrollava’erã peteĩ jerovia oñemova’ỹva pe Salvador Evangelio-re ha jaha tenonde gotyo, jajejaho’ívo umi templogua konvenio pu’aka reheve, exaltación gotyo.
¿Mba’épa oikóne ñande jepokuaa nahendáiramo pe Jesucristo evangelio restaurado-pe? Jaheja haĝua umíva ikatu ñaikotevẽ apoyo emocional ha ñangareko ambuévagui, oikohaguéicha chendive.
Che anacévo, che ru ha che sy oñotỹ peteĩ magnolia yvyramáta oĩ haĝua magnolia che ñemendápe, oikova’erãha che ypykuekuéra tupao protestante-pe. Upevére, che ñemenda árape, che sy ha che ru noĩrikuri che ykére ha ndaipórikuri magnoliakuéra, ahagui Salt Lake city, Utah’pe, arrecibi haĝua che investidura témplope ha ajessella David, che novio ndive akumplirire peteĩ año de konversa tupaópe.
Asẽvo Luisiana-gui ha aĝuahe potávo Utah-pe, chejagarra peteĩ temiandu ndaguerekoiha peteĩ óga. Oĝuahẽ aja pe ñemenda ára, apytáta David jarýi ndive, oñehenóiva Tia Carol.
Aĩ Utah-pe, peteĩ tenda che ndaikuaáiva, ha apytáta peteĩ persona che ndaikuaáiva rógape, ajesella mboyve eternidad-re peteĩ familia che apena aikuaáva ndive. ( Por suerte ahayhu ha ajerovia che menarãre ha Ñandejárare).
Ajetopa vove Tia Carol rokẽ principal-pe, akañyse. Pe okẽ ojepe’a ha che apyta añembo’y upépe peteĩ tapiti okyhyjévaicha, ha Tia Carol, he’i’ỹre mba’eve, oipyso ijyva ha cheñañuã. Ha’e, ndoguerekóiva imembytee, oikuaa – ikorasõ mborayhu oikuaákuri – che aikotevẽha peteĩ tenda apertenece haĝua. ¡Ha’e peteĩ momento kyrỹi ha chemoangapyhy’etereíva! Che kyhyje oho ha aguereko temiandu aimeha peteĩ anclada peteĩ tenda espiritualmente seguro-pe.
Jehayhu ha’e jajapo tenda ñande rekovépe ambuévape ĝuarã, Tia Carol ojapohaguéicha chéve ĝuarã.
Sykuéra literalmente ojapo tenda hetépe onutri haĝua peteĩ mitãmíme naheñóiva gueteri, ha peteĩ tenda ikorasõme omongakuaávo; ha katu nutrir ndaha’éi jaguerekónteva mitã. Eva-pe oñehenói ¨sy¨ imemby mboyve4; aguerovia “sy” he’ise “ome’ẽva tekove”. Pepensa heta mba’éichapa peme’ẽ tekove. Ikatu he’íse peme’ẽ tekove emocional pe ndoguerekóivape esperanza terã tekove espiritual upe odudávape. Espiritu Santo pytyvõ reheve ikatu jajapo peteĩ tenda oñemonguerahápe emocionalmente pe oñediscriminávape, pe ojerrechazávape ha pe desconocido-pe. Umícha, kyrỹi ha katu mbaretépe, ñamopu’ã Tupã reino. Hermanakuéra, opavave ñande jaju ko yvy’apére ko’ã don maternal reheve, ñame’ẽ haĝua tekove ha jahayhu haĝua, upéva ha’égui Tupã plan.
Jasegui Iplan ha oiko ñandehegui peteĩ omopu’ãva Ireino oikotevẽ sacrificio desinteresádogui. Elder Orson F. Whitney ohai: ¨Opa mba’e jahasa’asýva ha opa mba’e jagueropu’akáva, particularmente jagueropu’akáramo paciencia reheve…omopotĩ ñane korasõ…ha ñanemosensible ha karitativove…Ha’e pe ñeha’ã ha jehasa’asy rupive jahupytýva pe ñehekombo’e…ojapótava tajajoguave ñande Ru ha Sy Celestial-pe”5. Ko’ã prueba purificadora, ñandegueraha Cristo-pe, ikatúva ñanemonguera ha ojapo ñandehegui ojepurukuaáva Salvación rembiapópe.
Ñamopu’ã pe Reino ñañe’ẽ ha s
Avei ñamopu’ã pe Reino ñañe’ẽ ha jatestifikáramo pe añeteguágui. Jasegui pe Ñandejára modelo. Ha’e oñe’ẽ ha ombo’e Tupã pu’aka ha autorida reheve. Hermanakuéra, ñande ikatu avei jajapo upéicha. Jepive, kuñanguérape ogusta ijaty ha oñe’ẽ. Ñamba’apóramo según pe sacerdocio autorida ojedelega ha oñeme’ẽva ñandéve, ñande’aty ha ñañe’ẽ oñekonverti peteĩ medio ñambo’e haĝua pe evangelio ha ha’e haĝua peteĩ guía.
Hermana Julie B. Beck, ha’eva’ekue Presidenta General Sociedad de Socorro-gua, ombo’e: ¨Pe katupyry jaguereko haĝua umi oñeikotevẽva jahupyty haĝua revelación personal ha ja’actua haĝua hese rupive ha’e pe aptitud iñimportantevéva ikatúva jaguereko ko tekovépe…[Oñei]kotevẽ peteĩ ñeha’ã consiente”6.
Pe Espiritu Santo revelación personal ñanemokyre’ỹta ña’aprende haĝua ha ñañe’ẽ haĝua pe añetegua apyraỹvagui, pe Salvador añeteguágui, ha avei ja’actua haĝua hese rupive. Jaseguivéramo Cristo-pe, ñañanduvéta Imborayhu ha Iguía; ñañanduvéramo Imborayhu ha Iĝuía, ñañe’ẽseve ha ñambo’esevéta pe añetegua Ha’e ojapohaguéicha, ñambohovakéramo jepe oposición.
Ojapo heta áry, añembo’e aguereko haĝua umi ñe’ẽ adefende haĝua pe maternidad arrecibívo peteĩ llamada anónima.
Pe máva ohenóiva oporandu: “ ¿Nde piko ha’e Neill Marriott, peteĩ familia guasu sy?”
Vy’ápe ambohovái : ¨¡Heẽ¡, aha’arõvo he’i chéve : ¨ ¡Iporãitépa¡¨.
¡Ha katu ndaupéichai!. Araka’eve ndacheresaraimo’ãi iñembohovái ahendúvo iñe’ẽ ipu pe teléfono-pe: ¨!Añeñandu ofendidaiterei nde regueruhaguére mitãnguéra ko planeta superpoblado-pe!”.
¨Ah¨, atartamudea, “aguerovia antendeha pe reñandúva”
Pochy reheve he’i : ¨Nahániri, ¡nerentendéi!¨.
Upéramo, chepyahẽ’imívo, ambohovái: ¨Gueno, ikatu nahániri¨.
Oñepyrũ oñe’ẽ’api aiporavo vai haguére ha’ehaĝua sy. Ha’e osegui aja, añepyrũ añembo’e ajerure haĝua pytyvõ ha peteĩ pensamiento apacible oĝuahẽ che apytu’ũme: ¨ ¿Mba’épa he’íne chupe Ñandejára?¨. Upéi añandu añembo’yha hína yvy’atãme ha chepy’aguasuve apensávo Jesucristo-re.
Ambohovái: “Avy’a ha’ehaguére sy ha apromete ndeve ajapotaha opa ikatumíva amongakuaaporã haĝua che membykuérape ojapo haĝua hikuái ko mundo-gui peteĩ tenda iporãvéva”.
Ha’e ombohovái: ¨¡Aha’arõ taupéicha!¨, ha okorta.
Ndatuicha mba’éi; ipahápe, che aime a salvo che kosináme. Ha katu pe che aikatumiháicha, añe’ẽ adefendévo pe familia, sykuéra, ha umi edificadora-pe, mokõi mba’e rupi: (1) akomprende ha agueroviágui Tupã doctrina familia rehegua, ha (2) añembo’e ajerure haĝua umi ñe’ẽ otransmitiva’erã umi añetegua.
Ha’évo diferente ko mundo-gui oguerúta ñe’ẽ’api, ha katu jajejokova’erã umi principio eterno-re ha jatestifika chuguikuéra, oimporta’ỹre mba’épa ko mundo ombohovái.
Ñañeporandu vove “ ¿Mba’épa jajapóta?”, ñapensami ko porandu rehe: ¨ ¿Mba’épa ojapo meme Ñandejára?¨. Ha’e omongakuaa ha o’crea; omokyre’ỹ jekakuaa ha py’aporã. Kuñanguéra ha hermanakuéra, ñande ikatu jajapo avei umi mba’e. Mitãkuña’ikuéra Primaria-gua, ¿oĩ pende familia-pe oikotevẽva pene mborayhu ha py’aporã? Peẽ pemopu’ã avei pe Reino pehayhúvo pende rapichakuérape.
Pe Salvador ojapohague ko Yvy, Itúva dirección guýpe, ha’ékuri peteĩ tuicha mborayhu rembiapo. Ome’ẽ ñandéve peteĩ tenda ikatuhápe jakakuaa ha ñañotỹ pe jerovia Ipu’aka expiatorio rehe. Pe jerovia Jesucristo ha Ijexpiación rehe ha’e pe tenda supremo ñemonguera ha esperanza, kakuaa ha propósito rehegua. Opavave ñaikotevẽ peteĩ tenda de pertenencia espiritual ha físico. Ñande, hermanakuéra opa edad rehegua, ikatu jajapo upe tenda, ha’éva peteĩ tenda santo jepeve.
Ñande responsabilida tuichavéva ha’e toiko ñadehegui kuñanguéra oseguíva pe Salvador-pe, omongakuaáva inspiración reheve ha ovivíva umi añetegua kyhyje’ỹ reheve. Jajerurévo ñande Ru Yvagaguápe tojapo ñandehegui Ireino omopu’ãva, Ipu’aka osyrýta ñande gotyo ha jaikuaáta mba’éichapa ñanutriva’erã, ha ipahápe, ha’eta ñande Ru ha Sy celestial-cha. Jesucristo rérape. Amén.