Sakramen I Save Helpem Yumi Blong Gat Tabu Fasin
Tingting long faef fasin blong save leftemap paoa blong fasin blong stap tekpat oltaem long tabu odinens blong sakramen.
Wan long ol memori blong mi taem mi pikinini hem i blong ol sakramen miting we mifala i stap gat long hom blong mifala long Waranambul, Ostrelia. Samples 10 mo 15 pipol oli stap kam long branj blong mifala, mo papa blong mi, wan long ol trifala we oli gat prishud, i gat janis oltaem blong blesem sakramen. Mi tingbaot ol filing blong mi taem hem i stap ridim gud ol toktok blong sakramen prea wetem tingting we i stap daon. Oltaem bae voes blong hem i seksek taem hem i filim Spirit. Samtaem bae hem i stop smol blong kontrolem hemwan bifo hem i finisim prea ia.
Olsem wan pikinini blong faef yia, mi no save andastanem ful mining blong wanem oli stap talem o stap mekem; be, mi save se wan spesel samting i stap hapen. Mi save filim pis mo kamfot blong Tabu Spirit taem papa blong mi tokbaot lav blong Sevya from yumi.
Sevya i bin tijim: “Mo samting ia bae yufala i mekem oltaem long olgeta we oli sakem sin mo kasem baptaes long nem blong mi mo bae yufala i mekem samting ia blong tingbaot blad blong mi, we mi bin mekem i ron from yufala, blong mekem se yufala i save witnes long papa se yufala i stap tingbaot mi oltaem. Mo sapos yufala i stap tingbaot mi oltaem bae yufala i gat Spirit blong mi blong stap wetem yufala” (3 Nifae 18:11).
Mi invaetem yumi evriwan blong tingting long faef fasin blong save leftemap paoa blong fasin blong stap tekpat oltaem long tabu odinens blong sakramen, wan odinens we i save helpem yumi blong gat tabu fasin.
1. Rere Fastaem
Yumi save stat blong rere from sakramen bifo sakramen miting i stat. Satedei maet hem i wan gud taem blong stap tingbaot blong stap rere long saed blong spirit mo sapos yumi stap gro long saed blong spirit o no.
Fasin blong bodi we i save ded hem i wan impoten presen long rod blong yumi blong kam olsem Papa blong yumi long Heven. Hem i impoten blong rod ia i gat ol tes mo ol jalenj we i givim ol janis long yumi blong jenis mo gro. King Benjamin i bin tijim se “man we i folem fasin blong wol i wan enemi blong God, … mo bae i stap olsem, blong oltaem mo oltaem, hemia nomo sapos hem i lisin long ol gudfala toktok blong Tabu Spirit, mo i tekem aot man we i folem fasin blong wol, mo kam wan sent tru long atonmen blong Kraes we i Lod” (Mosaea 3:19). Taem yumi tekpat long sakramen odinens i givim wan janis blong yumi save givim ful hat mo sol blong yumi i go long God.
Taem yumi stap rere, ol hat blong yumi i brok taem yumi stap talemaot tangkyu from Atonmen blong Kraes, mo sakemaot ol mistek blong yumi, mo askem help blong Papa blong gohed long rod blong yumi blong kam moa olsem Hem. Afta bae yumi save lukluk fored long janis we sakramen i givim blong tingbaot sakrifaes blong Hem mo promes bakegen blong holemtaet ol kavenan we yumi bin mekem.
2. Kam Eli
Eksperiens blong yumi long sakramen i save kam moa gud taem yumi kam bifo miting i stat mo tingting hevi taem miusik bifo miting i stat, i stap plei.
Presiden Boed K Peka i bin tijim: “Miusik bifo miting i stat, taem oli plei long wan kwaet fasin, hem i kakae blong fidim spirit. Hem i invaetem insperesen” “Hemia i no taem,” Presiden Rasel M. Nelson i eksplenem, “blong stori o sendem mesej be hem i wan taem blong tingting kwaet wetem prea taem ol lida mo ol memba oli stap rere long saed blong spirit from sakramen.”
3. Singsing mo Lanem samting aot long ol Toktok blong ol Sakramen Hym
Sakramen hym hem i wan impoten pat blong sakramen eksperiens blong yumi. Miusik i leftemap ol tingting mo ol filing blong yumi. Sakramen hym i gat wan bigfala paoa taem yumi tingting strong long ol toktok blong hem mo paoaful doktrin we hem i tijim. Yumi lanem plante samting long ol toktok olsem “Kasem kil, harem nogud, mo ded from yumi” “Yumi mas tingbaot mo mekem sua se ol han mo hat blong yumi oli klin,” mo “Wea ples we i gat jastis, !lav mo sore i agri bigwan!”
Taem yumi sing wan hym blong rere blong tekpat long ol saen ia, ol toktok blong hem i save stap olsem promes blong yumi blong holem taet ol kavenan. Tingbaot, olsem eksampol, “Mifala i lavem yu, ol hat blong mifala i fulap. Bae mifala i wokbaot folem rod we yu jusum.”
4. Tekpat long Prea blong Sakramen wetem Spirit (Luk long Moronae 4–5)
I no minim se from se yumi stap harem ol toktok blong prea blong sakramen oltaem bae yumi no nid blong lisin gud long hem, yumi save lanem mo kasem plante moa samting taem yumi stap tek pat wetem spirit blong tingting long ol promes we i stap insaed long ol blesing we i stap long ol tabu prea ia.
Bred mo wota ia oli blesem mo mekem i kam tabu blong ol sol blong yumi. Oli blong mekem yumi tingbaot sakrifaes blong Sevya mo bae Hem i save mekem yumi gat tabu fasin.
The prayers explain that we partake of the bread in remembrance of the body of the Son, which He gave as a ransom to qualify all for resurrection, and we drink of the water in remembrance of the blood of the Son, which He freely shed so that we might be redeemed on condition of repentance.
Ol prea ia oli statem kavenan ia wetem ol toktok ia “blong oli wantem.” (Moronae 4:3). Hemia i wan simpol toktok we i save givim bigfala paoa long yum. ?Yumi wantem blong givim seves mo tek pat? ? Yumi wantem blong jenis? ? Yumi wantem blong wok from ol samting we yumi no strong long hem? ? Yumi wantem blong go aot mo blesem ol narafala man? ? Yumi wantem blong gat tras long Sevya?
Taem oli stap talemaot ol promes ia mo taem yumi stap tek pat, yumi stap promes long hat blong yumi se yumi wantem blong:
-
Tekem nem blong Jisas Kraes long yumi.
-
Strive to keep all of His commandments.
-
Traehad blong folem ol komanmen blong Hem.
Prea ia i en wetem wan naesfala invitesen mo promes: “Mekem se oltaem oli save gat Spirit blong hem i stap wetem olgeta” (Moronae 4:3).
Pol i bin raetem se, “Presen blong Spirit hem i lav, stap glad, pis, gat tingting we i longwan, stap gud long ol man, fet, gat tingting we i stap daon, [mo] save gat kontrol long yuwan” (Galesia 5:22–23). Ol naesfala blesing mo ol presen oli save kam long yumi taem yumi stap holem taet ol kavenan blong yumi.
5. Tingting Hevi mo Tingbaot Hem taem Oli Stap Pasem Ol Saen blong Sakramen
Ol kwaet taem ia we ol prishud oli stap pasem sakramen i save kam tabu long yumi.
Taem oli stap pasem bred, yumi save stap tingting long stamba fasin blong lav ia we Sevya i gat from yumi taem Hem i “tekem long hem ded, blong hem i save tekemaot ol rop blong ded we i fasem ol pipol blong hem” (Alma 7:12).
Yumi save tingbaot naesfala blesing blong Laef Bakegen Afta long Ded we “bae i hapen long evriwan, …ol slef tugeta wetem olgeta we oli fri, man tugeta wetem ol woman, ol nogud man tugeta wetem olgeta we oli stret; mo tu bae i no save gat wan pis hea long wan hed blong olgeta we i lus; be evri samting bae i kam bak long ol stret ples blong olgeta” (Alma 11:44).
Taem oli pasem wota, yumi save tingbaot krae blong Sevya:
“Luk, Mi, God, mi bin safa from ol samting ia, blong bae olgeta i no safa sapos olgeta i sakem sin; …
“Safaring ia i bin mekem mi, iven God, we i moa hae, blong harem nogud tumas from soa long bodi, mo blong blad i ron aot long evri hol long skin blong mi, mo blong safa long saed blong bodi mo long spirit—mo askem long Papa blong tekem aot samting ia long mi” (D&C 19:16, 18).
Yumi tingbaot se Hem i tekem “long hem ol wik samting blong [yumi], blong save mekem se insaed blong hem i save kam fulap long sore, long saed blong bodi blong mit mo bun mekem se hem i save tekem long hem ol sin blong ol pipol blong [yumi]” (Alma 7:12).
Taem yumi tingbaot eksperiens blong yumi long sakramen, maet yumi askem long yumiwan se:
-
?Wanem nao bae mi mekem long wik ia blong rere gud from sakramen?
-
? Wanem moa mi save mekem blong stap kwaet mo kasem revelesen bifo sakramen miting i stat?
-
? Wanem doktrin nao sakramen hym i bin tijim?
-
? Wanem nao mi bin harem mo filim taem mi stap lisin long prea blong sakramen?
-
? Wanem nao mi stap tingting long hem taem oli pasem sakramen?
Elda Deved A. Bedna i bin tijim: “Odinens blong sakramen hem i tabu mo i stap oltaem olsem wan invitesen blong sakem sin wetem wan tru hat mo blong fulap wetem spirit bakegen. Fasin ia blong tekpat long sakramen, hem i no klinimaot sin. Be taem yumi stap rere gud long yumiwan mo tekpat long tabu odinens ia wetem wan hat we i fulap wetem sore mo wan spirit we i rere blong kasem tijing, promes blong mekem olsem i: bae yumi gat spirit blong Lod i stap wetem yumi oltaem. Mo wetem blesing ia we i Tabu Spirit olsem fren blong yumi oltaem, bambae oltaem yumi gat fasin blong wantem sakemaot sin.”
Mi testifae long ol plante blesing we bae yumi save kasem taem yumi leftemap fasin blong stap rere long saed blong spirit blong tek pat long odinens blong sakramen. Mi testifae tu se yumi save kasem ol blesing ia from lav blong Papa blong yumi long Heven mo from sakrifaes ia we i no save finis, blong Pikinini blong Hem we yumi lavem tumas, Jisas Kraes. Long tabu nem blong Hem, iven Jisas Kraes, amen.