Operseveráva ipahaite peve ojesalváta
Ñanderekojojákena umi jaguerovíava´ekuépe ha jaikuaávape
Che hermano ha hermanakuéra ahayhuetéva, che aguijevete ikatuhaguére ambohasa peēme mbovymi añandúva
Ojapo mbovymi ary, che rembireko ha che roimehague ceremonia oñe´inaugura haguépe Exhibición mitânguérape guarâ Museo Historia Tupâogua Salt Lake City-pe Opa rire, presidenteThomas Monson ohasa ore ykére, ha ombohasa aja oréve ipo he´i: “pe persevera ha pe triunfáta”. Peteî ñehekombo´e iprofundoitereíva, oiméva´erâ opavavéva ñamonei añeteguáha
Jesucristo oasegura ñandéve, Pe oñehaʼãmbaitéva ipahaite peve, péva ojesalváta.”
Perseverar he´ise “Japyta firme ñan compromiso ñanderekojojávoTupâ mandamiento-kuérape, jepe oîro tentación, oposición térâ adversidad”
Jepe oî tekove oguerekóva tembiasakue espirituales imbaretéva ha ome´êva servicio tekojojápe, ikatu, sapy´ánte, ojedesvia, terâ ho´a inactividad-pe ndoperseverairô ipahaité peve. Iporâva´erâ, opaite árape ñamoî ñane akâ ha ñane korazôme ko ñe´ê: “upéva ndojehumo´âi chéve”.
Jesucristo oporohekombo´erô guare Capernaúm-pe, “heta umi hendive oikova´ekue, ko’ágã ojeheja chugui ha ndoikovéi hendive”.
“Jesús oporandu umi hemimbo’ekuérape: ¿Peẽ piko pehose avei?”
Che aguerovia, ko´agâ, opavavépe jajapóva´ekue konvenio sagrado Jesucristo ndive, ha´e oporandu avei ñandéve: “¿Peẽ piko pehose avei?”.
Arroga opavavépe, jajepy’amongetávo añetehápe, eternidad ñanera´arôvare, tañambohovái Simón Pedroicha: “Ñandejára, máva rendápe piko rohóta? Ne ñe’ẽ niko umi oporomoingovéva opa árape ĝuarã”
Ñanderekojojákena umi jaguerovíava´ekuépe ha jaikuaávape. Oimérõ ndajaikói hina ñane arandu jekuaaháicha, ñañemo´ambuékena. Pekador ho´a ha ho´ava ipekádo-pe, ha noñe´arrepentíriva, ára ha ára oikeve ohovo mba´evaípe, Satanás ojapyhý peve chupe, ha omoî pelígrope iñoportunida oñe´arrepentívo, oñeñyróvo ha ojehovasávo chupe opaite jehovasakuéra eternidad- pegua reheve.
Ahendúma heta mba´e ojehustifikávo umi noĩvéiva activamente tupâope, ohundíva ijehecha mba´érepa ñaime sapy´ami ko yvy ‘ape ári. Ajerure peême, pejepy’amongeta haguâ ha peju jey. Che aguerovia ndaipórimo´âiha avave ikatúva omoĩ ni peteî exkusa Ñandejára Jesucristo renondépe.
Jajebautisávo, jajapo konvénio, ndaha´éi peteî tekove yvy’ape árigua ndive. Jajapo konvenio Salvador ndive, ja´aceptávo “Jajapyhy [ñande ári ], Jesucristo réra, ha ñañekompromete jaservívo[chupe] ipaháitépeve”.
Ñane asistencia reunión sacramental-pe ha´e peteî mba´e jahecha haguâicha ñande servicio, ñande fortaleza espiritual ha ñande Jerovia Jesucristo rehe.
Santa Cena ha´e mba´e iñimportántevéva día de reposo-pe. Ñandejára ohesaỹijo ko ordenanza ijapóstolkuérape omano mboyvete. Upéi, avei ojapo continente amerikano-pe. He´i ñandéve, japarticipárô upe ordenansagui, upéicharô ha´éta peteî testimonio ñande Rúpe, ára ha ára ñanemandu´ataha hese, ha ha´e opromete ñandéve upéicharô ijespíritu oîtaha ñanendive.
Alma hijo ñehekombo´e ita´ýra Shiblón-pe, jajuhuKonsejo iñarandúva ha advertencia ñanepytyvôva japyta haguâ tekojojápe ñande konveniokuérape.
“Eñehaʼãke ani eñembotuicha pe orgúllope; heẽ, eñehaʼã ani ejerovia ne arandúre, ni nembaretetereígui”.
“Eiporu pyʼaguasu, ha katu ani ñembotuicha; ha eñehaʼã avei ejejoko opa nerembipotápe, nerenyhẽ hag̃ua mborayhúgui; eñehaʼã emombia ateʼỹ.”
Ojapóma heta ary, peteî vacación aja aikose Kanóa- (kayak) pe, primera ves-ha. A’alkila peteî, ha entusiasmo rehe, ajepoi mar-pe.
Sapy´aitépe, che kanóa, oñe tumba. Heta ñeha´âme, aguerekóvo remo peteî che pópe, ha che kanóa ambue pópe, apyrũ y rugua che pýpe.
Añeha´â jey, ha sapy´aitépe, che kanóa, ojere jey chehegui. Añeha´â hese heta vese; Upéi peteî tapicha oikuaáva umívaguigua, he´i chéve oiméneha che kanóa otiri, ha upévare hyepýpe oiméne henyhẽ ýgui, upévare ndaikatúi oguapy porâ ha ndaikatúi che akontrola chupe. Agueraha che kanóa y rembe´ýpe, ha añetehápe, aipe´a rire tapón, osê heta y hyepýgui
Apensa ñande rekovépe, sapy´ante jahasaha pekádore, pe jetirihaícha, ndohejái ñandéve progreso espiritual jaipotaitéva.
Ndajahejáirô upe pekado, ñanderesarái konvénio jajapóva´ekue Ñandejára ndive, jepe heta vese ñañetumba desequilibrio umi pekado ojapóva ñanderekovépe rupi.
Pe Kanoa otiríva oñemyatyrôva´erâháicha, jetiri ñande rekovépegua oñemyatyrôva´erâ. Oî pekádo oikotevêva hetave ñeha’â arrepentimiento-râ ambuévagui.
Upévare ñaporandúva´erâ, ¿moôitépa aime hina Salvador ha hembiapo renondépe? ¿Ñaimépa Pedro situación-pe onegárô guare Jesucrístope? ¿Térâ katu jahasáma jaguereko peve pe determinación oguerekóva´ekue ha´e Salvador ocomisiona rire chupe?
Ñañeha´âva´erâ ja´obedece haguâ mandamientokuéra ha ñañangarekove umi hasyvévare ñandéve ñakumpli haguâ. Ñandejára oî ñande ykére, ha´e oñangareko ñande nesesida ha ñande kangykuére, ha jahechaukárô chupe deseo añetegua ha jaikove umíva rekávo, upéicharô “ha´e ojapóta umi mbaʼe ikangýva taimbarete chupekuéra.”
Obediencia ome´êta ñandeve mbarete jaikuaahaguâ mba´eichapa ñaiméta pekádo renondépe. Avei ñaikumbýva´erâ sapy´ante prueba jerovía rehegua ojerure ñandéve ja´obedece haĝua jahecha´ỹre resultado.
Ambe´uta peême peteî fórmula ñanepytyvôtava japersevera haguâ ipahaite peve:
-
Ára ha ára ñañembo´e ha ñamoñe´e escriturakuéra.
-
Semanalmente japartisipa Santa Cena-gui, peteî korasô qebrantádo ha espíritu contríto reheve.
-
Japaga ñande Diezmo ha ñande ayuno mensual.
-
Kada mokôi ary, ha kada ary karia´ykuérape guarâ, ñambopyahu ñande recomendación témplo-pe ĝuarã.
-
Opaite ñande rekove aja, jaservi Ñandejára rembiapópe.
Añetegua tuicháva evangélio-pe gua, tahatâ ñane akâme, ha ta´ikatu ñamantene ñande conducta jetiri´ŷre, ndohejáiva ñandéve ñanavega tekovére seguridápe.
Éxito Ñandejára resápe, oguereko hepy, ha ndaipóri ambue hendáicha ikatuha jahupyty, ndaha’éirõ jahepy´me´êvo, jaguereko haguâ.
Che aguyjeterei Salvador Jesucristo opersevera haguére ipahaite peve, okumplívo sacrificio expiatorio tuichaitereíva.
Ha´e osufri ñande pekádokuérare, ñane mba´asýre, ñane depresiones-re, ñande jehasaasýre, mba´asý ha jekyhyjére, upéicha rupi ha´e oikuaa mba´éichapa ñanepytyvôta, ñaneconsoláta ha ome´êta ñandéve mbarete japersevera haguâ ha jahupyty pe corona ojehupíva umi noñevenséivape guarâ.
Ñande jaikove ko´agâ ñande realidad-pe. Opavavete oguereko itiempo ojeprovaha, ovvy´aha, decisiones ojapyhyva’erãha, obstáculos ohasáva´erâ, ha oportunidades o´aprovecha haguâ.
Taha´e ha´éva ñande desición, atestifika ñande Ru Celestial, manterei oimeha he´ívo ñandéve: “Rohayhu, rosostene, aime nendive. Ani reñeme’ẽ. Eñe´arrepenti ha epersevera tape ojehechaukáva´ekue ndévepe. Upéicharô a asegura ndéve jajohecha jeýtaha Ñande róga yvagaguápe”. Jesucristo rérape, Amén.