Mba’e michĩ ha isensíllova
Tekotevẽ ñanemomandu’a ko’ã mba’e ha’etévaicha michĩ ha isensillova, ára pukukué,ohasávo ojapo toiko tuicha mba’e.
I.
Che hermano ha hermana-kuéra pohayhuetéva, peẽicha avei, añeñandu conmovido, edificado ha inspirado umi mensaje, música ha temiandu oĩva ko’áğa rehe, ñaime jave oñondive. Aime seguro añe’ẽha avei pende rérape ame’ẽvo aguije ñane hermano ha hermana-kuérape, umi Ñandejára pópe tembiporu ramo, ome’ẽva ñandéve ñemombarete oúva ñaimerõ sapy’aite oñondive.
Che aguije ikatúre añe’ẽ ko audiencia-pe domingo de Pascua de Resurrección-pe. Ko árape jajoaju ambue cristiano-kuéra ndive jaselebra hağua Ñandejára Jesucristo jeikovejey. Iglesia de Jesucristo de los Santos de los Últimos Días miembro-kuérape ğuarã, Jesucristo jeikovejey literal ha’e peteĩ pilar ñande jeroviápe.
Jagueroviágui umi ñemombe’u Biblia ha Mormón kuatiañe’ẽme oĩva Jesucristo jeikovejey literal rehe, jaguerovia avei, umi heta mbo’epy rupi oĩva escriturakuérape, peichagua jeikovejey outaha opavave oikova’ekue ko yvy ape áripe. Upe jeikovejey ome’ẽ ñandéve pe apóstol Pedro ohenoiva’ekue “peteĩ esperanza viva” (1 Pedro 1:3). Upe esperanza viva ha’e ñande jeroviaite ñemano ndaha’eiha ñande identidad paha, ha katu ha’e peteĩ paso oñeikotevẽvante ñande Ru Yvavagua poriahuverekoite plan-pe Ita’ýra ha Itajyrakuéra salvasiõrã. Upe plan oikotevẽkuri toĩ peteĩ jehasa mortalidad-gui inmortalidad-pe. Pe jehasa oiko hağua oñeikotevẽ katuete oĩ pe ñemano pytũmby ha pe pyhareve mimbikue ikatúva oiko Ñandejára ha Salvador jeikovejey rupive, jaselebráva ko domingo de Pascua de resurrección –pe.
II.
Peteĩ himno porã Eliza R. Snow ohaiva’ekuépe, ñande japurahéi:
Oñemopyenda hağua upe plan ha upe ñembojoaju yvagagua, ñande’aty reunión-kuérape, jepe ko conferencia-pe, ñañehekombo’e ha ñañemokyre’ỹ hağua ojupe.
Ko pyharevépe, añandu che mensaje-pe ğuarã aipuruva’erãha Alma ñehekombo’e ita’ýra Helamán-pe, oĩva Mormón Kuatiañe’ẽme: “mba’e michĩ ha mba’e ndaha’éivaicha mba’eve rupive ojejapo tuicha mba’e”. (Alma 37:6)
Jesucristo evangelio-pe ñanerekombo’e heta mba’e michĩ ha isensíllovare. Tekotevẽ ñanemomandu’a ko’ã mba’e ha’etévaicha michĩ ha isensillova, ára pukukué, ohasávo ojapo toiko tuicha mba’e. Umi Autoridad General ha ambue mbo’ehára ojeikuaaporãva oñe’ẽmakuri ko témagui. Ha’e peteĩ mba’e iñimportánteva añandúvare añe’ẽ jeyva’erã.
Peteĩ mba’e ahechava’ekue aguata aja pyhareve chemomandu’a pu’aka oguerekóvare umi mba’e michĩ ha isensíllova. Kóva ta’anga aguenohẽva’ekue. Pe hormigón capa iñanambusu ha hatãva verédapegua ojekáma hína. ¿Ha’éne piko peteĩ ñemyatã mbarete omyañávahína yvýguio? Nahániri, pe vereda ojeka hína peteĩ yvyramata rapo oĩva upépe okakuaágui hína mbeguekatu ha ojekuaa’ỹre. Ko’ápe peguereko ambue tembiecharã upeichagua ahechava’ekue ambue tapére.
Pe mbarete ojokáva ko’ã vereda hormigón pohýiguigua michĩeterei, ndojekuaáiva ára ha ára ni mensualmente; upevére, ára ohasávo oguerekókuri peteĩ efecto tuichaiterei ijerovia’ỹva.
Upéva ha’e efecto poderoso oguerekóva umi mba’e michĩ ha isensíllova ára ojasávo, jaikuaaha’ãicha escritura ha profetakuéra oikovévagui. Pekonsiderami estudio de las escrituras ñamoingeva’erãha ñande rekove diario-pe, ñañehekombo’eháicha. Térã pekonsiderami umi oración personal ha familiar jajapóva ñañesũvo, ha’éva práctica común Santos de los Últimos Días hekojojáva apytépe. Peconsiderami asistensia umi imitãva Seminario-pe ha umi imitã kakuavéva instituto-pe. Ikatu ko’ã actividad ha’ete michĩ ha isencilloha, ha katu tiempo ohasávo ogueru peteĩ ñembotuicha mbarete ha ñemongakuaa espiritual. Upéva oiko opavave umi mba’e michĩ ha isensíllova oinvita haguére pe Espiritu Santo ñemoiru, pe testifikador, ñanembohesapéva ha ñandegiáva añeteguápe, he’iháicha President Eyring.
Ñañe’arrepenti memévo, jepe ha’erõ transgresión ha’etévagui michĩva, ha’e ambue ñembotuicha ha ñemongakuaa espiritual ykua. Jajapóvo auto-evaluación ñañandúva ohechaukáta ñandéve mba’épepa ñanekangy ha mba’éichapa ikatu jajapoporãve. Ko arrepentimiento ojejapova’erã japarticipa mboyve Santa Cena-pe. Himno “¿En el mundo he hecho bien?”-pe oje’e ambue mba’e ikatúva ñakonsidera pe arrepentimiento proceso-pe:
¿En el mundo acaso he hecho hoy
a alguno favor o bien?
¿Le he hecho sentir que es bueno vivir?
¿He dado a él sostén?
¿He hecho ligera la carga de él
porque un alivio le di?
¿O acaso al pobre logré ayudar?
¿Mis bienes con él compartí?2
Oiméne ko’ãva mba’e michĩva, ha katu, jarovia hağua, ha’e tembiecharrã iporãva Alma ombo’eva’ekuégui ita’ýra Helamán-pe: “ Ha Tupã Ñandejára omba’apo mba’e michĩ reheve ojapo hağua hembipota tuicha ha ijapyra’ỹva; ha mba’e michĩetereíva rupi Ñandejára …ojapo heta ánga salvasiõ” (Alma 37:7).
Presidente Steven C. Wheelwright, oñe’ẽvo audiencia renondépe Universidad de Brigham Young – Hawaii-pe ome’ẽ ko inspirada descripción Alma mbo’epyre: “Alma okonfirma ita’ýrape pe Ñandejára modelo osegíva añete ha’e, jaiporurõ jerovia Hese ha jasegi Iñemomarandu umi mba’e michĩ ha isensíllovape, Ha’e ñanderovasa milagrokuéra michĩva reheve ára ha ára, ha ára ohasávo, tembiapo hechapyrãva reheve.”3
Presidente Howard W. Hunter ombo’e: “Py’ỹi umi tembiapo jepivegua jajapóva oguerekove efecto porã tuichavéva ambuéva rekovépe, ñambohovakévo umi mba’e ko mundo ombojojáva tuicha mba’e reheve.”4
Peteĩ ñehekombo’e secular ha ñanemokyre’ỹva upe principio-gui ha’e pe ome’ẽva Senador Dan Coats, Indiana-gua, ohaíva: “Pe ñembosako’i año ikatúva jajapo peteĩ decisión pypuku omoambuétava ñande rekovépe ğuarã, ha jepe peteĩ tetãme, ha’e umi cientos ha miles cision’kuéra ha’etévaicha vyrorei, jajapóva ñaneaño, nañañeme’ẽivo en cuenta, ha katu ñanedefiníva ohóvo.”5
Ko’ã decisión ñaneañohápe “ha’etévaicha vyrorei” apytépe oike mba’éichapa jaiporu ñande ára, mba’épa jahecha televisión térã internet-pe, mba’épa jalee, umi manifestación artística ha música-kuéra ñandeaho’íva ñande rógape ha ñane mba’apohápe, mba’éichagua entretenimiento-pa jaheka ha mba’eichaitépa ñaneañete ha ñandejoheipyre. Ambue mba’e michĩ ha isencíllovaicha ha’e ñandepy’arory ambuekuérandi ha ñanemba’eporã ñande relación personal-kuérape.
Ni peteĩ umi mba’e michĩ ha isencíllova nañanemopu’ãmo’ãi tuicha mba’e gotyo, ndajajapo meméirõ umíva. Ojehai presidente Brigham Young he’ihague: “Ñande rekove ojejapo umi jehasa michĩ ha isensíllovagui, ojoajúvo oñembohetáva ha oemopeteẽ peteĩ kuña térã kuimba’e rekovépe.”6
Ojere ñanderehe umi medio influencia ha pe deterioro cultural, ha ndajagueropu’aka meméiramo, umíva ombotyryrýta ñande valor-kuéra yvy gotyo. Jaha hağua tenonde gotyo corriente contra-pe ñane meta eterna rapykuéri, ñarrema memeva’erã japyta’ỹre. Hasy’ỹve ñaimerõ peteĩ equipo orremáva oñondivépe, peteĩ equipo de remo omba’e’apóvaicha. Jahavévo ko analogía reheve, umi corriente cultural hatãiterei, ha nañarremavéiramo, pe corriente ñanemyañát yvy gotyo peteĩ destino ndajahekáivape ha katu ndaikatumo’ãivéivagui jajehekýi nañañeha’ãirõ jaha meme tenonde gotyo.
Omombe’u rire peteĩ jehasa isencíllovaicha ha katu oguerekova’ekue tuicha consecuencia, Nefi ohai: “Ha péicha jahecha mba’e michĩ rupive Ñandejára ikatuha ojapo tuicha mba’e” (1 Nefi 16:29). Antiguo Testamento oguereko peteĩ tembiecharã porã upévagui. Ñamoñe’ẽ Israelita-kuéra ojeipy’ajopýkuri umi mboi hendýva rehe. Heta hente omano ijeisu’ukuéra rupi (tojehecha Números 21:6). Moisés oñembo’e ojerure hağua pytyvõ ha oñe’inspira chupe ojapo hağua “peteĩ mboi bronce-gui ha [tomoĩ] peteĩ yvyra ári”. Upéicha, “peteĩ mbói oisu’úramo peteĩme, ha upéva omaña pe mbói bronce-guigua rehe, oikove” (versículo 9).¡ Peteĩ mba’e isencilloitéva ogueru resultado milagrosoite! Upevére, he’i haguéicha Nefi ombo’erõ upe ehémplore umi oñemoĩva hína Ñandejárare, jepe Ñandejára ombosako’íkuri peteĩ medio isencíllova ha’ekuéra oñemonguera hağua, “ha ndaha’éigui mba’eve pe ojapova’erã hikuái, térã ndahasýigui, oĩ heta omanóva” (1 Nefi 17:41).
Upe tembiecharã ha upe ñehekombo’e ñanemomandu’a isencillo haguére, térã ndahasýi haguére upe tembiapo oñeme’ẽva ñandéve, nde’iséi naiñimportanteiha jahupyty hağua umi ñande potapy ijojáva.
Upéicha avei, jepe umi michĩ mba’e nañaneñe’erendúivape ha umi jejavy michĩva ñande rekojoja ñeha’ãme ñanemyaña peteĩ ñembopaha oje’évape ñandéve ja’evitava’erãha. Palabra de Sabiduría ome’ẽ ñandéve peteĩ tembiecharã upévagui. Ndaikatuichéne ñamedi mba’épa ogueru ñande retépe peteĩ cigarrillo año, térã peteĩ trago de alcohol térã peteĩ droga dosis añónte; ha katu ára ohasávo, pe efecto imbareteve ha ikatu noñemyatyrõkuaavéi. Penemandu’ake pe yvyra rapo kakuaa mbegue ha ojehechakuaa’ỹva ojokaha pe veréda. Peteĩ mba’e añete, ikatuha ja’evita umi consecuencia vai oúva japarticipávo oimera’ẽ mba’e ikatúvagui ogueru jepokuaavai, umi droga-icha ombyaíva ñande rete térã umi material pornográfico ombyaíva ñane pensamiento-kuéra, ikatu ja’evita nañatanteáiramo umi mba’e, ni peteĩ jey.
Ojapo heta ary, Presidente M. Russell Ballard omombe’u peteĩ conferencia general audiencia-pe mba’éichapa “mba’e michĩ ha isimpleva ikatu avei ivai ha ohundikuaa peteĩ persona salvación”. Ha’e ombo’e: “Umi fibra kangy ojapoháicha peteĩ hilo ha upéi peteĩ hebra ha ipahápe peteĩ sã, umi mba’e michĩva ojoaju vove hatãiterei ndaikatúiha peve oñemondoho. Jahechakuaa meméva’erã pu’aka oguerekóva umi mba’e michĩ ha isensíllova ñande espiritualidad ñemopu’ãme”, he’i ha’e. “Upéicha avei jaguerekova’erã presente Satanás oipurúta umi mba’e michĩ ha isensíllova ñandegueraha hağua desesperación ha tormento-pe.”7
Presidente Wheelwright ome’ẽ peichagua momarandu BYU – Hawaii audiencia-pe: “Ndajajapóigui umi mba’e michĩ ha isensíllova, pe jerovia ikangyve, milagrokuéra opara ha ñande progreso Ñandejára ha Irreino gotyo opyta; ha upéi oñepyrũ oho tapykue gotyo, umi mba’e temporalvéva potapy ha ko mundogua ambicion omboyke aja ohóvo Tupã reino jeheka.”8
Ñañemo’ã hağua umi efecto vai ñembyaty ombyaíva ñande progreso espiritual, jasegiva’erã pe modelo espiritual ohóva umi mba’e michĩ ha isensíllovare. Elder David. A. Bednar odescribi ko principio peteĩ Kuñanguéra Conferencia BYU-hápe: “Ikatu ña’aprende heta upe patrón espiritual naturaleza ha importancia-gui [ñamañáramo] pe técnica…ñamyakỹvo pe yvy ñamondykývo y michĩmi”, ñambo’yheta rãngue pe yvy térã ñañohẽ heta y noñeikotevẽiva.
Ha’e omyesakã: “Pe y otyky meméva oike pypuku yvyguýpe ha ome’ẽ yvýpe peteĩ he’õngue, umi planta ikatuhápe okakuaa. “Upéicha avei, peẽ ha che ñañemombytévo ñamoğuahẽ hağua sustento espiritual otyky meméva, upéicharõ Evangelio rapo ikatúta oñembohapo pypuku ñane ángape, ikatu oñemoĩ ha oñemopyenda hatã ha ikatu ome’ẽ yva hechapyrãva ha hetereíva.
Ohovévo, ha’e he’i: “Pe patrón espiritual umi mba’e michĩ ha isensíllova ogueraháva tuicha mba’épe, ome’ẽ ñemohatã ha perseverancia, peteĩ devoción tuichavéva ha peteĩ conversión Ñandejára Jesucristo ha Iñevangélio-pe ikompletovéva.”9
Profeta José Smith ombo’e upe principio ñe’ẽ reheve ko’áğa oĩva Doctrina y Convenios-pe: “Ani avave okonsidera ko’ã mba’e michĩramoguáicha, oĩgui heta mba’e…umi santo rehegua, odependéva ko’ã mba’e rehe”. (D. y C. 123:15)
Oñe’ẽvo umi ñeha’ã peteĩháre oñemoĩ hağua pe tupao Misuri-pe, Ñandejára omomarandu Santo-kuérape oguereko hağua paciencia “opa mba’e oikova’erã hi’hora-pe” (D. y C. 64:32). Ha upéi, ome’ẽ ko ñehekombo’e guasu: “Upévare, ani penekane’õ pejapo haguére iporãva, pemoĩgui hína pyenda tuicha tembiapópe ğuarã. Ha umi mba’e michĩvagui ou tuicha mba’e” (D. y C. 64:33).
Apensa opavave jaseguise desafio ome’ẽva’ekue ñandéve presidente Russell M. Nelson jasegui hağua tenonde gotyo “konvenio rapére.”10 Ñamombarete ñane cometido jajapo hağua kóva jasegívo umi “mba’e michĩva” Jesucristo evangelio ha Itupaogua lider-kuéra ñanembo’éva. Atestifika Chugui ha ahenói Ijehovasa opaite umi oñeha’ãvape ğuarã opyta Ikonvenio rapépe. Jesucristo rérape. Amén.