Mánso ha ñemomirĩ korasõme
Mansedumbre ningo peteĩ atributo orekóva Redentor ha ojehechakuaáva irreceptivida jojáre, pe sumisión oipotáva ha pe autocontrol mbaretére.
Avy’aite ko sagrada oportunidad asostenévo umi ñande Tupaogua líderes -kuérape. Che py’aite guive ame’ẽ bienvenida Cuórum de los Doce Apóstoles-pe élder Gong ha élder Soares-pe. Ko’ã kuimba’e hekojojáva ministerio ohovasáta umi tekove ha familia-kuéra ko mundo jerére, ha aime ansioso aservi ha a’aprendévo chuguikuéra.
Ajerure’asy Espíritu Santo tañanembo’e ha tañanderesape ña’aprendévo oñondive pe aspecto vital ha’éva Ñandejára naturaleza divina-gui1umi peteĩteĩ ñañeha’ãva’erã jajapyhy.
Amombe’úta heta tembiecharã ohechaukáva pe Cristo cualidad ha’e mboyve pe atributo específico upe riremi ko che mensaje-pe. Pejesarekomi peteĩteĩ tembiecharãre ha pekonsidera chendive umi ñembohovái ikakatúva ja’e umi porandu ajapótavape.
Tembiecharã nro.1. Mitãkaria’y iviruhetáva ha Amulek
Nuevo Testamento-pe, ña’aprende pe mitãkaria’y iviruhetáva oporanduva’ekue Jesús-pe: “Mbo’ehára marangatu, ¿mba’e iporãva ajapóta areko hağua tekove ijapyra’ỹva?”2. Ñandejára omanda raẽve chupe tojapo umi mandamiento-kuéra. Pya’ete, pe Mbo’ehára ome’ẽ pe mitãkaria’ýpe peteĩ requisito adicional ohóva umi ha’e oikotevẽvare ha icircunstancia específica-re.
“He’i chupe Jesús: Reimesérõ perfecto, tereho, evende erekomía ha eme’ẽ imboriahúvape, ha erekóta tesoro yvágape; ha eju, che rapykuéri.
“Ha ohendúvo pe mitãkaria’y ko ñe’ẽ, oho ñembyasýpe, orekógui heta mba’e”3.
Pembojojami ko mitãkaria’y iviruhetáva ñembohovái Amulek experiencia-re, he’iháicha Libro de Mormón-pe. Amulek niko peteĩ kuimba’e omba’apóva ha imba’e hetáva orekóva heta hogaygua ha amigo-kuéra4. He’i ijehe ha’eha peteĩ kuimba’e oñehenoiva’ekue heta jey ha nohenduséiva; peteĩ kuimba’e oikuaáva umi Tupã mba’éva ha katu ndoikuaaséiva5. Ha’évo peteĩ kuimba’e ipy’aporãva, Amulek hesaho umi jepy’apy mundoguáre, pe mitãkaria’y iviruhetávaicha oñemombe’úva Nuevo Testamento-pe.
Omohatã raẽvérõ jepe ikorasõ, Amulek iñe’ẽrendu peteĩ ángel he’ívare, omoğuahẽ profeta Alma-pe hógape ha ome’ẽ chupe tembi’u. Opáy espiritualmente Alma visita aja ha oñehenói opredika hağua Evangelio. Amulek ohejarei “opa hi’óro, plata ha imba’e hepykuéra…Tupã ñe’ẽ rupi; ha [oje] rechasa umi yma iñamigova’ekuére, ha avei itúva ha hogayguakuérare”6.
¿Mba’ére iñambue pe mitãkaria’y iviruhetáva ha Amulek ñembohovái?
Tembiecharã nro. 2. Pahorán
Peteĩ peligroso ára ñorairõ aja oñemombe’úva Libro de Mormón-pe, oiko peteĩ kuatiañe’ẽ intercambio jave Moroni, ejército nefita capitán, ha Pahorán, juez superior ha yvygua gobernador apytépe. Moroni, ijehérsito opadeséva pe gobierno ñemopyenda’ỹre, ohai Pahorán-pe “por vía de reprobación”7 ha o’akusa chupe ha ambuekuéra líder-pe jehejarei, ate’ỹ, ñangareko’ỹ ha avei traidor ramo8.
Pahorán niko ikatúkuri ipochy pya’ete Moroni ndive umi acusacion vaíre, ha katu ndaipochýi. Ombohovái poriahuvereko reheve ha omombe’u peteĩ gobierno-re ñemopu’ã Moroni oikuaa’ỹva’ekue. Ha upéi Pahorán he’i:
“Péina ápe, Moroni, che ha’e ndéve ndavy’aiha pende jehasa’asy tuicháre, heẽ, ko’ãva ojopy che ánga …
“…reñe’ẽvaíkuri cherehe nde kuatiañe’ẽme, ha katu péva ndaha’éi mba’éve; che ndachepochýi, ha katu avy’a ne korasõ tuicha haguére”9.
¿Mba’érenepa pe ñembohovái py’aguapy ome’ẽva Pahorán umi Moroni acusación-kuérape?
Tembiecharã nro. 3.Presidente Russell M. Nelson ha presidente Henry B. Eyring
Pe conferencia general-hápe ojapo sei mése, presidente Russell M. Nelson omombe’u iñembohovái presidente Thomas S. Monson invitación-pe ja’estudia, ñañeakãngeta ha jajapo umi añetegua oĩva Libro de Mormón-pe. He’i kóicha: “…añeha’ã cheñe’ẽrendu imomarandúre. Ambue mba’e apytépe, ajapo peteĩ lista peha’évaLibro de Mormón, pe o’afirmáva, pe or refutáva, pe okumplíva, pe omyesakãva ha pe orreveláva Ñamaña Libro de Mormón umi perspectiva guive ha’e peteĩ ejercicio omohesakãva ha ñane’inspiráva. Arrekomenda peteĩteĩ peẽme”10.
Presidente Henry B. Eyring ojapo hincapié pe importancia orekóva ko presidente Monson mba’e jerure hekovépe. Ha’e he’i:
“Amoñe’ẽ Libro de Mormón opa ára 50 áño aja, Upévare aimo’ãva’erãmo’ã umi presidente Monson ñe’ẽ ambue tekovépe ğuarãha. Upeichavérõ, heta peẽicha, añandu upe profeta exhortación ha promesa che’invitaha añeha’ãve hağua. …
“Pe resultado iporãvéva chéve, ha heta peẽme ğuarã, ha’e pe profeta opromete’akue”11.
¿Mba’érenepa umi ñembohovái pya’ete ha añete umi mokõi Ñandejára tupaogua líderes-gui pe presidente Monson invitación-pe?
Nda’éi hína umi ñembohovái espiritualmente imbaretéva Amulek, Pahorán, presidente Nelson ha presidente Eyring mba’éva ouha peteĩ Cristo cualidad añóguinte. Añete, heta atributo ha experiencia ohóva oñondive ogueraha madurez espiritual ojehechávape ko’ã irundy noble siervo rekovépe. Upeichavérõ, Ñandejára ha Iprofetakuéra odestaka peteĩ cualidad esencial opa ñande ñaikotevẽva ñamyesakã porãve ha ñañeha’ã ñamoinge ñande rekovépe.
Mansedumbre
Pehechamína umi Ñandejára característica oipuru’akue oñe’ẽ hağua ijehe ko Escritura pasaje-pe: “Pegueraha che yugo pende ári ha pe’aprende chehegui, che chemánso ha chemirĩ che korasõme,ha pejuhúta pytu’u pene ángape ğuarã”12.
Hesakã niko mba’érepa Ñandejára oiporavo pe mansedumbre opa umi atributo ha virtud ikatuhágui oiporavo.
Ojehechakuaa peichagua modelo peteĩ revelación oñeme’ẽ’akue profeta José Smith-pe 1829-pe. Ñandejára he’i: “Pe’aprende chehegui ha ehendu che ñe’ẽ ; eguata che Espíritu rekomarangatúpe, ha chendie eguerekóta py’aguapy”13.
Mansedumbre niko peteĩ atributo orekóva Redentor ha ojehechakuaáva irreceptivida jojáre, pe sumisión oipotáva ha pe autocontrol mbaretére. Pe cualidad oservi hesakã porãve hağua ñandéve umi reacciones orekóva Amulek, Pahorán, presidente Nelson ha presidente Eyring.
Tembiecharã, presidente Nelson ha presidente Eyring ombohovái joja ha pya’ete pe presidente Monson invitación ñamoñe’ẽ ha ja’estudia hağua pe Libro de Mormón. Umi kuimba’e oservi ramo jepe puesto importante ha ojehecháva Tupaópe ha avei o’estudia ramo jepe umi Escritura-kuéra ipukukuépe década aja ohechauka iñembohováipe ndovasilái ha ni ndorekoiha peteĩ sentimiento de importancia personal.
Amulek oñemoĩ Tupã voluntad guýpe, o’acepta pe ñehenói opredika hağua Evangelio ha oheja tapykue umi circunstancia porãite ha relaciones familiares. Ha Pahorán ojehovasa perspectiva ha autocontrol atãre o’actua hağua orreaccionarãngue omombe’u aja Moroni umi desafío osẽva pe gobierno rebelión-hágui.
Mundo ko’ağaguápe hesakã vai jepi pe mansedumbre, cualidad Cristo orekóva. Mansedumbre ningo imbarete, naikangýi; oñemomýi, ndopytái; ipy’aguasu, nohi’otĩri; ojejoko, ndojehasái; imirĩ, noñembotuichái; ha ipy’aporã, nahova’atãi. Peteĩ tekove imánsova ndaipochy reíri, ndojejapói ni ndoporodominái ha ohechakuaa pya’e ambuekuéra jehupyty.
Pe ñemomirĩ ohechauka ramo jepe dependencia Tupãre ha tekotevẽmeme I-guía ha apoyo-re, peteĩ característica distintiva mansedumbrerehegua niko pe receptividad espiritual particular ña’aprende hağua Espíritu Santo-gui upéicha avei ambue tapichágui ha’etéva ikatupyry’ỹvéva, experimentada terã iñarandúva, térã oreko peteĩ puesto importante, térã ha’etévaicha ndorekóiva heta ome’ẽ hağua. Penemandu’ápa mba’éicha Naamán, pe rey de Siria ejército-pegua capitán, oñemotenonde ijorgúllore ha o’acepta mansamente umi isiervokuéra consejo iñe’ẽrendu hağua profeta Eliseo-pe ha ojejohéi hağua Jordán ysyrýpe siete vece14. Mansedumbre niko protección principal pe orgullo jehechave’ỹgui osẽva pe prominencia-gui, posición-gui, pu akágui, jereko hetágui ha adulación-gui.
Mansedumbre, peteĩ Cristo atributo ha don espiritual
Mansedumbre ha’e peteĩ atributo ojehupytýva tembipota rupi, albedrío moral ejercicio jojágui, ha ñañeha’ãvo akóinte jajoko ñande pekadokuéra remisión15.Ha’e avei peteĩ don espiritual ikatúva ñañeha’ã porã jahupyty16.Ha katu, ñanemandu’ava’erã umi propósito-re oñeme’ẽvare tovasapy, térã, ou porã hağua ha oservi hağua Tupã ra’ykuérape17.
Jajúvo Ñandejárape ha jasegui chupe, ñañemoağuivéta ha ñandekatupyryvéta ñağuahẽ hağua Ha’éicha. Espíritu ñanemonde pokatúpe jareko hağua autocontrol disciplinado ha peteĩ actitud firme ha py’aguapýpe Upévare, ñağuahẽ taha’e mánso Mbo’ehára discípulo-icha ha ndaha’éi peteĩ mba’e jajapónteva.
Moisés “oñehekomb’e…egipcio-kuéra arandupýpe, ha imbarete iñe’ẽ ha hembiapópe”18Upeichavérõ, “ipy’aporã, hetave umi kuimba’ekuéra yvy ariguágui”19. Ijeikuaa ha kapasida ikatu oñemyenyhẽ orgullo-gui, Ha katu upéva rãngue, pe mansedumbre atributo ha don espiritual ojehovasávare omomichĩ pe arrogancia hekovépe ha oñembotuicha peteĩ Tupã propósito-kuéra rembiporúicha.
Pe Mbo’ehára ha’e peteĩ Mansedumbre tembiecharã
Umi mansedumbre tembiecharã tuichavéva ha he’isevéva oĩ Ñandejára rekoveitépe.
Pe Redentor tuichaitéva, upe “oguejyva’ekue opa mba’e guýpe” 20 ha osufri, huguy ha omano ikatu hağuáicha “ñañemopotĩopa mba’e añágui” 21, py’akyrỹime ojohéi umi Idiscípulokuéra py ijyvytimbóva22. Peichagua mansedumbre ha’e peteĩ característica ohechaukáva Ñandejárape siervo ha líder-cha.
Jesús ome’ẽ tembiecharã tuichavéva receptividad joja ha sumisión oipotáva osufri jave agonía pypuku Getsemaní-pe
“Ha oğuahẽvo upe tendápe, he’i [Idiscípulokuérape]: Peñembo’e ani hağua pe’a tentación-pe.
“ha oñesŭvo oñembo’e,
“He’ívo: Túva, reipotárõ, embohasa chehegui ko kópa; ha katu ani ajejapo che rembipota, sino nemba’éva”23.
Ñandejára tekomarangatu ha’e pe experiencia eternamente esencial ha hasyetéva ohechaukáva ñandéve peteĩteĩme pe Tupã arandu importancia ñamoĩvo opa ñane arandu ári.
Pe consistencia orekóva Ñandejára sumisión jaipotáva ha autocontrol atã niko inspirador ha ñembo’e opa ñandéve ğuarã. Peteĩ compañía armada umi guardia-kuéra templo-pegua ha soldados romano oğuahẽvo Getsemaní-pe ajagarra ha ojokua hağua Jesús-pe, Pedro oipe’a ijespada ha oikytĩ pe sumo sacerdote siervo nambi akatuagua24. Ñandejára opoko upémarõ pe siervo nambi ha omonguera25. Pereko en cuenta Ha’e ome’ẽha pytyvõ ha ohovasa upe kuimba’e oñapytĩva’ekue chupe ha oipuru pe poder celestial ikatuva’erãkuri o’evita toñeñapytĩ ha oñemongurusu.
Ahecha avei mba’éichapa Mbo’ehára oje’akusa ha oñekondena Pilato renondépe oñemongurusu hağua26. Oñentregávo, Jesús he’i: “¿Peimo’ã piko ndaikatuiha añembo’e che Rúpe ko’áğa, ha Ha’e nome’ẽmo’ãiha chéve hetave ángeles doce legiones-gui?”27. Ha katu, pe “Juez Eterno oikovéva ha omanóva mba’éva”28 paradójicamente ojehuzga peteĩ político suplente provisional renondépe.“Ha katu Jesús nombohovái chupe ni peteĩ ñe’ẽ, upévare pe gobernador tuicha oñemaravilla29. Ñandejára tekomarangatu ojehechauka pe Iñembohovái disciplinado-pe, pe autocontrol atã ha noĩrigui dispuesto oipurúvo Ipoder infinito ijupe ğuarã.
Promesa ha testimonio
Mormón he’i pe mansedumbre ha’eha pe ñemopyenda osẽhágui opa aptitud ha dones espirituales.
“Upévare, peteĩ yvypóra ojeroviáramo tekotevẽ oguereko ñeha’arõkuaa; jerovia’ỹre ndaikatúigui oĩ ñeha’arõkuaa.
“Ha avei, péina ápe che ha’e peẽme yvypóra ndaikatuiha oguereko jerovia ni ñeha’arõkuaa, naimánsoiramo ha noñemomirĩramo ikorasõme.
“Ndaupéichairamo, ijeroviaha iñeha’arõ ndaha’éi mba’eve, avave noñemoĩ porãiguiTupã ndive, ha’e’ỹramo umi ipy’aguapy ha oñemomirĩva ikorasõme; ha okonfesaramo Espíritu Santo pu’akarupi Jesús ha’eha upe Cristo, tekotevẽ oguereko karida; ndoguerekóiramo karida, ndaha’éi mba’eve; upévare, tekotevẽ oguereko karida”30.
Ñandejára he’i: “Bienaventurado umi imánsova, ha’ekuéra ojapyhýtagui yvy hereda ramo”31. Mansedumbre ha’e peteĩ aspecto esencial naturaleza divina rehegua ha ikatu ñamoğuahẽ ha ñañotỹ ñande rekovépe Ñandejára expiación-reha upéva rupi.
Atestifika Jesucristo ha’eha ñane Redentor oikove jeýva ha oikovéva. Ha apromete Ha’e ñandeguerahataha, ñanemo’ãta ha ñanemombaretéta jaguatakuévo jahávo Ijespíritu mansedumbre-pe. Ame’ẽ che testimonio seguro ko’ã añetegua ha promesa-re Ñandejára Jesucristo réra sagrado-pe Amén.