Pe Tupã profeta
Pe profeta noñemoĩri peẽ ha pe Salvador mbytépe. Ha’e uvei oĩ pende ykére ha ohechauka pe tape Salvador gotyo.
Ambojoapy che maitei Elder Gerrit Gong ha Elder Ulisses Soares-pe ko ijojaha’ỹva fraternidad-pe ha’éva Quórum de los Doce Apóstoles.
Ñasostenévo Presidente Russell M. Nelson Ñandejára profeta ramo ha Presidente de la Iglesia de Jesucristo de los Santos de los Últimos Días ramo, ñande ha’ékuri parte peteĩ asamblea solemne divinamente decretada-gui —solemne ja’e ko’ã evento última hora gua oñemotenondégui yvágape mundo oĩ mboyve guive. Ñandejára Jesucristo, omboguatáva Hi’obra, opresentákuri ko ára, Presidente Eyring rupive, Iprofeta, I’líder unhido, ñande rovake, Ipueblo del Convenio, opermitívo públicamente ñamanifesta ñane disposición ñasostene ha jasegui haĝua ikonseho.
Umi millones de miembro noĩriva ñanendive ko Centro de Conferencias-pe, aipota peikuaa pe Ñandejára Espíritu ko edificio-pe oñesostene aja presidente Nelson, ha’ékuri peẽ peha’arõtaháicha: henyhẽ poder espiritual-gui; ha katu ñane asamblea yvágagui oñesãmbyhýva ndaha’éi ko Centro de Conferencia-pe añónte, ha katu opa mundo jerére: capilla Asia, Africa, ha Norteamérica-pe; ogapy Centroamérica, Sudamérica ha Europa-pe; patio ñemo’ãpyre Pacífico ha umi islas del mar-pe. Ko asamblea oiko oimeraẽ parte del mundo peimehápe, peñekonectáramo jepe peteĩ teléfono inteligente audio rupive. Ñande po ñemopu’ã ndoipapáikuri ñande obispo-kuéra, ha katu añetehápe ojehaíkuri yvágape, ñane konvénio ha’égui Tupã ndive, ha ñanerembiapo ojehai libro de la vida-pe.
Ñandejára oiporavo Iprofétape
Pe profeta jeiporavo Ñadejaraite ojapo. Ndaipóri kampaña, ndaipóri debate, ndaipóri kárgope guarã jepostula, ndaipóri disensión, desconfianza, confusión térã conmoción. Che akonfirma avei pe yvága poder oĩhague orendive templo sala superior-pe, ñembo’épe rojerévo guare Presidente Nelson-re ha roñandu pe ñanegakuaa’ỹva Ñandejára aprovasiõ hi’ári.
Presidente Nelson selección oservi haĝua Tupã profeta ramo aréma ojejapohague. Ñandejára ñe’ẽ Jeremías-pe ojeporukuaa avei presidente Nelson-re: “Rojapo mboyve tyepýpe roikuaamava’ekue; ha nereñói mboyve rosantifikava’ekue; romoĩ tetãnguéra profeta ramo”.1 Ojapo tres arýnte, élder Nelson, noventa ary reheve, ha’ékuri cuarto en antiguedad, ha mokõi umi mbohapy apóstol ha’e mboyvegua imitãvekuri chugui. Ñandejára, okontroláva vida ha muerte, oselecciona pe Iprofeta. Presidente Nelson, noventa y tres ary orekópe, hesãieterei. Ñaha’arõ toĩve ñanendive diez térã veinte años más, ha katu ko’ãgaite roñeha’ã hina rokonvence chupe anive haĝua oho pista de esquípe.
Ñasostenéramo jepe pe profeta Ñandejára unhido ramo, tahesakãporãke Tupã añoite ja’adoraha, ñande Ru Yvagagua, ha Ta’ýra marangatúpe. Pe ñande Salvador Jesucristo mérito, misericordia ha grásia rupive ikatujeýta jaha Hendapekuéra peteĩ ára.2
Mba’ére piko jasegui Profeta-pe
Upevére, Jesús ombo’e’akue avei peteĩ imba’eguasúva añetegua umi siervo Ha’e omboúvare ñandéve. “Oimeraẽ penemoĝuahẽva,” Ha’e he’i, “chéve chemoĝuahẽ; ha oimeraẽ chemoĝuahẽva, omoĝuahẽ chembouharépe.”3
Imba’egusuvéva Ñandejára profeta rembiaporã ha’e ñanerekombo’e pe Salvador rehegua ha ñande guia Hendápe.
Oĩ heta mba’ére jasegui haĝua Presidente Russell M. Nelson-pe. Umi ha’e’ỹva ñande fe rehegua jepe ohero chupe brillante. Ha’ékuri doctor médico orekópe 22 ary, peteĩ cirujano cardíaco oñemomba’eguasúva, ha herakuãporãva pionero en el desarrollo de la cirugía a corazón abierto.
Heta tapicha ohechakuaáta hi’arandu ha ihuisio porã: nueve décadas oikuaávo jeikove ha ñemano rehegua, oikóva oha’arõ’ỹme mba’eve ijupe guarã, ohayhu ha ohekombo’évo Tupã ra’y ha rajykuéra opa ko yvy’apére, ha omaduráva experiencia oguerúva rupi diez hijos, cincuenta y siete nietos, ha ciento dieciocho bisnieto (ko útimo número py’ỹinte hetave ohóvo; peteĩ bisnieto onacékuri pe miércoles paha).
Umi oikuaaporãva chupe he’íta Presidente Nelson ombohovakehague umi tekovepegua mba’evai jerovia ha py’aguasu reheve. Cáncer orahávo guare tajýra rekove de 37 áño, Emily, ohejávo hapykuere peteĩ ména ohayhúva ha cinco mitã tavy, ahendu’akue chupe he’i: “Che ha’ékuri itúva, peteĩ médico, ha peteĩ Apóstol del Señor Jesucristo, ha katu añakãitýkuri ha aacepta: ‘Ani oiko cherembipota, nerembipota uvei.’”4
Peteĩ ñangarekohára tórrepe
Ñamomorãramo jepe opa ko’ã teko porãite, mba’ére jasegui Presidente Nelson-pe? Mba’ére jasegui profétape? Ñandejára Jesucristo ohenóigui chupe ha omoĩkuri chupe Iñangarekohára ramo pe tórrepe.
Carcasona ha’e peteĩ hechapyrãva tavaguasu amuralláda Francia-pe oñemantenéva época medieval guive. Umi torre ijyvatéva opu’ã imúro oñemo’ãva guive, ojejapo’akue ñangarekohárape guarã oĩva upépe ára ha pyharekue, omaña’atã mombyrýva hina ohecha haĝua pe enemigo. Umi ñangarekohára ohechávo pe enemigo hi’ãgui, isapukái momarandu rehegua omo’ã jepi Carcasona tavayguakuérape, peligro oúvagui ha ndaikatúiva ohecha hikuái.
Peteĩ profeta ha’e peteĩ ñangarekohára tórrepe ha ñanemo’ã umi peligro espiritual-gui ikatúva ndajahechái.
Ñandejára he’i Ezequiel-pe, “Che romoĩkuri Israel róga ñangarekohára ramo; upévare nde rehendúta ñe’ẽ che jurú[gui], ha remomarandúta chupekuéra cherehe.”5
Py’ỹinte ñañe’ẽ necesidad jarekóvare jasegui haĝua pe profeta, ha katu jahechami pe karga pohýi Ñandejára omoĩva Iprofeta ári: “Ha nereñe’ẽirõ remomarandu haĝua hekovaívape…, [ha] upe hekovaíva… omano hembiapovaípe; …huguykue che ajeruréta ndepógui.”6
Testimonio personal tuichavéva
Ja’apoja Presidente Nelson-pe ja’apojataháicha Pedro térã Moisés-pe jaikóramokuri hi’árape. Tupã he’i Moisés-pe, “Che aĩta ndejurúpe, ha rombo’éta ereva’erã guive.”7 Ñahendu pe Ñandejára profeta jaroviágui umi iñe’ẽ ouha [Ñandejára] juruguiete.”8
Ha’épa péva fe ciega? No, ndaha’éi. Enterove jaguereko peteĩ testimonio espiritual pe Restauración del Evangelio de Jesucristo añeteha. Ñande jaipotágui ha jaiporavógui, ñamopu’ã ñande po ko pyhareve, ja’évo deseo jarekóva ñasostene haĝua Ñandejára profeta ñane “confianza, fe, ha ñembo’e” rupive”9 ha jasegui pe ikonseho. Santo de los Últimos Días háicha jareko privilehio jarrecibi haĝua peteĩ testimonio personal presidente Nelson ñehenói ouha Tupãgui. Che rembireko Katty, oikuaáramo jepe personalmente Presidente Nelson-pe ojapo haimete treinta ary ha ndorekói mba’eveichagua duda imanto divino-gui, oje’aparta rire chupe, ha’e oñepyrũ oleé opa umi idiscurso Conferencia General gua 34 ary paha pukukue, oñembo’évo oreko haĝua peteĩ kuaaporã imbaretevéva pe ikargo profeta háichagui. Apromete ko testimonio tuichavéva outaha peẽme humilde ha dignamente pehekáramo.
Mba’ére ñaime tan dispuesto jasegui haĝua ñande profeta ñe’ẽ? Umi ohekávape diligentemente pe vida eterna, pe profeta ñe’ẽ ogueru seguridad espiritual umi ára iñipytũvape.
Javivi peteĩ planeta osapukáiva a mil vóce. Pe internet, umi ñane teléfono inteligente, umi ñande caja de entrenamiento henyhẽmbaitéva, opa ko’ãva ojerurejoa ñane atención ha omoĩ hi’influencia ñande ári, oha’ãrõvo jajogua umi iproducto ha ñamoporã umi he’íva.
Hetaite información ha opinión ha’ete ku opakuaa’ỹva ñanemomandu’a umi Escritura momarandu he’íva “jajereraha ágotyo ha pégotyo,”10 “yvytu reraha reíre”,11 ha ipua’aka ñanderehe umi “katupyry ha japu” rupi “oha’arõva opombotavy” haĝua.12
Ñamoĩ’atã haĝua ñane ánga Ñandejára Jesucristo-re tekotevẽ ñahendu umi Ha’e omboúvape. Jasegui pe profeta peteĩ mundo oĩvaietévape ha’e ñañeañuãrõguáicha manta aku’asy porãme ára ro’y jave.
Javivi peteĩ mundo de razón, debate, discusión, lógica ha explicación-pe. Ñakuestiona “mba’ére?” ipositivo heta hendáicha ñande rekovépe, ohejágui pe ñaneapytu’ũ pu’aka oguia hetaite umi elección ha desición ára ha ára ñambohovakéva.
Ha katu Ñandejára ñe’ẽ py’ỹinte ou explicación’ỹre.13 Heta ary pe mundo académico ostudia mboyve pe mba’evai oguerúva infidelidad omendáva ha mitãkuéra henyhẽvape confianza-gui, Ñandejára he’iakue, “Nderejapomo’ãi adulterio.”14 Más allá pe intelecto añónte, ja’atesora pe don del Espíritu Santo.
Ani peñemondýi
Pe profeta ñe’ẽ, horýramo jepe, py’ỹinte ha’éta peteĩ ñe’ẽ ojeruréva ñakambia haĝua, ñañearrepenti ha jahajey haĝua Ñandejárape. Tekotevẽ jave corrección, aníke ñamoha’arõ; ha ani peñemondýi pe profeta ñe’ẽ momarandu rehegua okontradecíramo umi opinion popular del momento. Umi incrédulo ipochýva ñembohory rata rendy akóinte oñemombo pe profeta oñepyrỹ jave oñe’ẽ. Pene humilde-ramo pesegui haĝua Ñandejára profeta konseho, apromete peẽme peteĩ bendición adicional de seguridad ha paz.
Ani peñemondýi sapy’ánte umi pende perspectiva personal, iñepyrũme, noĩmbáiramo en armonía pe profeta del Señor mbo’epykuéra ndive. Ko’ãva ha’e momento de aprendizaje, de humildad, ñañesũ jave ñañembo’e. Jaguata tenonderã fe reheve, jajeroviávo Tupãre, jaikuaávo ára ohasávo jarrecivivetaha tesakã Ñande Ru Yvágagui. Peteĩ profeta odescribi pe ijojaha’ỹva don del Salvador ha’éramo pe “Ta’ýra rembipota oñemoĩva Túva rembipotáicha.”15 Ñamoĩ ñanerembipota Tupã rembipotáicha ningo he’ise, ndaha’éi ñañentrega, ha katu peteĩ gloriosa victoria moñepyrũ.
Oĩta máva ohesa’ỹijo demáva pe profeta ñe’ẽ, ojeliáva oikuaa haĝua mávapa pe iñe’ẽ profético ha mávapa pe hi’opinión personal.
Mokõi ary oñehenói mboyve Autoridad General ramo, 1982-pe, hermano Russell M. Nelson he’iakue: “Araka’eve nañeporandúiva: ‘Araka’épa oñe’ẽ profeta háicha ha araka’épa nahániri?’ Pe chéve che’interesáva ha’e: ‘mba’éicha ajoguakuaave chupe?”’ Ha he’ive: “Che [filosofía ha’e] anive haĝua amoĩ signo de interrogación pe profeta ñe’ẽre ha amoĩ guei umi signo de exclamación hendaguépe.”16 Péichakuri peteĩ kuimba’e humilde ha espiritual oiporavo omoĩ hekove en orden. Ko’ãga, treinta y seis ary upe rire, ha’e pe Ñandejára profeta.
Ñambotuichave jerovia Salvador rehe
Che vida personal-pe, ajuhúva pe astudiáramo ñembo’épe Tupã profeta ñe’ẽnguéra ha cuidadosamente, paciencia reheve, amoĩramo espiritualmente cherembipota umi hekombo’e inspirado rehe, che jerovia Ñandejára Jesucristo-re akóinte tuichave.17 Jaiporavóramo jaheja a un lado ikonseho ha ja’e jaikuaaporãveha, ñande fe oguejy ha ñande perspectiva eterna nahesakãi. Apromete peẽme, peime aja firme pesegui haĝua pe profeta, pende fe en el Salvador tuichavéta.
Pe Salvador he’i, “Opa umi profeta…otestifikava’ekue chehegui.”18
Pe profeta noñemoĩri peẽ ha pe Salvador mbytépe. Ha’e uvei oĩ pendeykére ha ohechauka pe tape Salvador gotyo. Tuichevéva profeta rresponsabilidad ha don hepyvéva ñandéve guarã ha’e pe itestimonio firme, ikuaapy añete, Jesús ha’eha pe Cristo. Pedro ymaguaréicha, ñande profeta he’i: “[Ha’e] ningo pe Cristo, Tupã oikovéva Ra’y.”19
Peteĩ ára tenonderã, ñañepy’amongetávo ñande vida mortal anterior rehe, javy’áta jaguatahague yvy’apére peteĩ profeta viviente ára. Upe ára, ajerure ikatu haĝua ja’e:
Ñahenduhague chupe.
Jaroviahague chupe.
Jastudiahague iñe’ẽ paciencia ha fe reheve.
Ñañembo’ehague hese.
Ñadefendehague chupe.
Ñane humilde hague jasegui haĝua chupe.
Jahayhuhague chupe.
Ame’ẽ peẽme che solemne testimonio Jesús ha’eha pe Cristo, ñande Salvador ha Redentor, ha Presidente Russell M. Nelson ha’eha Iprofeta unhido ko yvy’ári. Jesucristo rérape. Amén.