Revelación Tupaópe ğuarã, revelación ñande rekovépe ğuarã
Ára oútavape, ndaikatumo’ãi jaikove espiritualmente Espíritu Santo influencia guiadora, orientadora, consoladora ha tapiaite’ỹre.
Che hermano ha hermana-kuéra pohayhuetéva, ¡privilegio-itépiko jaguerohory Pascua de Resurrección penendive ko domingo Conferencia General-hápe. Mba’eve noiporãveichéne ñaromandu’ávo pe acontecimiento iñimportantevéva araka’eve oikova’ekuégui ko yvy’ape ári ja’adorávo pe Ser iñimportantevéva opyrũva’ekue hi’ári. Kóvape, Iglesia de Jesucristo de los Santos de los Ultimos Dias-pe, ja’adora Upévape oñepyrũva’ekue Iñexpiasiõ opave’ỹva GetsemaníJardin-pe. Oĩkuri dispuesto ohasa’asývo opavave ñande pekádo ha kangykuérare, jehasa’asy ojapóva Ha’e “tahuguy kada ipirekuárupi.”1 Ha’e oñemongurusu pe Calvario kurusúre2ha opu’ã mbohapyha árape pe peteĩha Ser resucitado ramo ñande Ru Yvagagua ra’y ha rajykuéra apytégui.¡Ahayhu Chupe ha atestifika Ha’e oikoveha! Ha’e ningo pe odirigi ha ogiáva Itupao.
Ñane Redentor Expiasiõ opave’ỹ rehe’ỹre, opavave ñande ndajaguerekova’erãmo’ãi peteĩ esperanza jahajeývo araka’eve ñande Ru Yvagagua rendápe. Ijeikovejey’ỹre, pe ñemano ha’eva’erãmo’ã ipaha. Ñande Salvador expiasiõ ojapo pe tekoveopave’ỹva ha’e peteĩ posibilidad ha pe inmortalidad peteĩ realidad opavavépe ğuarã.
Imisión trascendental ha py’aguapy Ha’e ome’ẽva Iseguidorkuérape rupive, che rembireko, Wendy, ha che oreangapyhýkuri pe 2 de Enero de 2018 pyharépe, peteĩ teléfono ñehenói oremombáyvo omombe’u hağua oréve presidente Thomas S. Monson ohasahague velo mboypýri.
¡Mba’eichaite rohechanga’u presidente Monson-pe! Rome’ẽ tributo hekove ha ilegádope. Ha’évo peteĩ gigante espiritual, oheja peteĩ pypore ojei’ỹtava opavave oikuaávape chupe ha pe tupao ha’e ohayhuetévape.
Domingo, 14 de enero de 2018, Templo de Lago Salado koty yvatépe, oñe’organiza Pe Primera Presidencia ojesegívo pe modelo sencillo ha katu sagrado Ñandejára omoĩva’ekue. Upéi, asamblea solemne-pe kuehe pyhareve, Tupaogua miembrokuéra opa ko mundo jerére omopu’ã ipo okonfirma haĝua acción Apostol-kuéra ojapo raẽveva’ekue. A’agradece humildemente pene constante apoyo.
Avei aime agradecido umi oĩva’ekue che mboyve ko llamamiento-pe. Ha’eva’ekue che privilegio aservi Quórum de los Doce apóstoles-pe 34 año aja ha aikuaa personalmente 10 umi 16 tupaogua presidente previo-pe. Aikuaa heta mba’e chuguikéra.
Avei adeve heta che ypykuérape. Umi ocho che bisabuelo ojoajuva’ekuére tupaópe Europa-pe. Ha kada uno umi ánga ipy’agusúva osakrifika heta mba’e ou hağua Sión-pe. Upevére, umi generación oúvape, ndaopavavéi che ypykuéra opyta ñemova’ỹme, ha, upévare, ndakakuaái peteĩ hogar oñemombytéva Evangelio-pe.
Che ahayhuetereiva’ekue che ru ha che sýpe; ha’ekuéra opa mba’e chéve ğuarã, ha chembo’e umi lección iñimportánteva. Ndaikatúi a’agradesepa chupekuéra pe tekove vy’ápe ome’ẽva’ekue chéve ha che hermano-kuérape. Ha katu upéicha avei, jepe che mitã’i aja,añandu peteĩ nandi che rekovépe. Peteĩ ára ajupi tranvía-pe ha aha peteĩ librería-pe aheka hağua peteĩ libro tupao rehegua. Chegustaiterei a’aprende pe Evangelio rehe.
Aikŭmbývo pe Palabra de Sabiduría, aipota che tuvakuéra ovivi upe léi, upévare, peteĩ árape che mitãmirõguare, aha che róga sótano-pe ha ajoka piso de cementorehe umi botella de licor. Aha’arõkuri che túva chekastiga, ha katu araka’eve nde’íri chéve mba’eve.
Akakuaavévo ha añepyrũvo ahechakuaa ñande Ru Yvagagua plan tuichakue, ha’e jepi chejupe: ¡“Ndaipotavéima peteĩregalo de Navidad!Ajesellasénte che sy ha che ru ndive.” Upe mba’e aha’arõitéva ndoikói che tuvakuéra oguereko peve 80 año, ha upéicha oiko. Ndaikatúi amombe’upa pe vy’a añanduva’ekue upe ára,3 ha káda ára añandu pe vy’a isellamiento-re ha ajesellahaguére hendivekuéra.
1945-pe, aĩ aja gueteri facultad de medicina-pe, amenda Dantzel White ndive Lago Salado templo-pe. Ha’e ha che rojehovasa 9 tajýra hechapyrãitereivare ha peteĩ ta’ýra ahayhuetéva. Ko árape, ore familia okakuaavénte gueteri ohóvo, ha’e peteĩ vy’a tuichavéva che rekovépe.
2005-pe, 60 año rupi romenda rire, che mborayhu Dantzel omano roha’arõ’ỹre. Peteĩ tiempo aja, pe ñembyasy añandúva ndohejáivaicha amỹi, Ha katu pe Pascua mensaje ha pe promesa de resurrección chemokyre’ỹ.
Uperire Ñandejára ogueru Wendy Watson-pe che’ykére. Rojesella Lago Salado templo-pe 6 de abril 2006-pe. ¡Mba’éichaitépa ahayhu chupe! Ha’e peteĩ kuña hechapyrãva; peteĩ jehovasa chéve, ore familia ha opa tupaópe ğuarã.
Káda uno umi jehovasa ojehupyty ojehekávo ha oñeñe’ẽrendúvo Espiritu Santo ñe’ẽmbeguére. Presidente Lorenzo Snow he’íkuri: “Upéva ha’e privilegio opavave Santo de los Ultimos Días oguerekóva…jaguereko derecho jaguerekóvo Espiritu manifestación-kuéra opa ára ñande rekovépe.”4
Peteĩ mba’e Espiritu omoĩ jey jeýva che apytu’ũme arrecibi guive llamamiento pyahu Tupaogua Presidente ramo ha’e mba’eichaitépa oĩdispuesto Ñandejára orrevela hağua Hembipota ha Ivoluntad. Privilegio ñamoğuahẽ hağua revelación ha’e peteĩva umi don tuichavéva Tupã ome’ẽva Ita’ýra ha Itajyrakuérape.
Espiritu Santo manifestación-kuéra rupive, Ñandejára ñanepytyvõta opa ñane rembipota hekojojávape. Chemandu’a sala de operación-hápe, aĩ peteĩ paciente renondépe – inseguro mba’éichapa ajapóta peteĩ intervención quirúrgica ijojaha’ỹva – ha añandúkuri Espiritu Santo ohechaukávo pe técnica che apytu’ũme.5
Amombareteve hağua che propuesta de matrimonio ha’e Wendy-pe: “Aikuaa pe revelación rehegua ha aikuaa mba’éichapa ikatu jarrecibi”. Oñe’ẽporãva hese – ha ahechakuaaháicha típiko hese – ha’e oheka ha orrecibíma irrevelación ore rehe, ome’ẽva’ekue chupe py’aguasu he’i hağua Heẽ.
Quórum de los Doce Apóstoles miembro ramo, che añembo’e meme amoğuahẽ hağua revelación ha ame’ẽ aguije Ñandejárape kada vez oñe’ẽvo che korasõ ha che apytu’ũme.
¡Peñe’imaginamína upe milagro! Oimeraẽ ha’éva ñande llamamiento tupaópe, ikatu ñañembo’e ñande Ru Yvagaguápe ha ñamoğuahẽorientación ha dirección, ñamoğuahẽ momarandu umi peligro ha distracción, ha jahupytykuaa umi mba’e simplemente ndaikatúiva jajapo ñande jehegui. Añetehápe ñamoğuahẽrõ Espiritu Santo-pe ha jahechakuaa ha ñantende Iñe’ẽmbegue, ñandegiáta umi mba’e tuicha ha michĩvévape.
Nda’aréi ambohovakévo pe tuichaite tembiapo aiporavo hağua mokõi consejero, añeporandu mba’éichapa ikatu aiporavo mokõinte umi doce kuimba’egui ahayhuete ha arrespetaitévagui.
Aikuaágui pe inspiración porã oguapyha información porã ári, ñembo’e espíritu reheve añembyaty por separado peteĩteĩ umi apóstol ndive.6 Upéi aha che’año peteĩ koty año templope ha aheka Ñandejára rembipota. Atestifika Ñandejára he’i hague chéve aiporavo hağua presidente Dallin H. Oaks ha presidente Henry B Eyring-pe oservi hağua che consejero ramo Primera Presidencia-pe.
Upéicha avei, atestifika Ñandejára oinspira hague elder Gerrit W. Gong ha Elder Ulisses Soares llamamiento oñe’ordena hağua hikuái Ijapóstol ramo. Ñamoğuahẽ porãite chupekuéra ko hermandad singular de servicio-pe.
Ñande’atýrõ Primera Presidencia ha Quórum de los Doce Consejo ramo, ñande atyha kotýgui oiko revelación koty. Pe Espiritu oĩ palpablemente presente. Rotratarõ asunto ikompléhova, peteĩ emocionante proceso ojeipyso kada póstol oñe’ẽ aja libremente hemimo’ã ha mba’éichapa ohecha. Jepe ikatu ore perspectiva ñepyrũ ndaijojái, pe mborayhu roñandúva ojuehe ijoja. Ore unidad orepytyvõ rohechakuaa hağua Ñandejára rembipota Itupaópe ğuarã.
Ore atykuérape, ¡pe hetakuéicha araka’eve noisambyhýi! Ñembo’e espíritu reheve rohendu ojupe ha roñe’ẽ oñondive rojoaju peve. Upéramo, roğuahẽvo peteĩ ñe’ẽme, ¡Pe espíritu Santo influencia oporombojoajúva nikoijelectrisánte! Roñandu profeta José Smith oikuaava’ekue ombo’érõ: “…Ñeñandu joaju rupive, jahupyty pu’aka Tupã ndive.”7 ¡Ningún miembro Primera Presidencia térã Quorum de los Doce – pegua ohejáta araka’eve ikriterio personal ha iporãvévape umi decisión Ñandejára tupao rehegua!
Hermano ha hermana-kuéra, ¿Mba’éicha ikatu oiko ñandehegui umi kuimba’e ha kuñanguéra – siervokuéra ojoguáva Cristo-pe – Ñandejára oikotevẽva? ¿Mba’éicha ikatu jajuhu ñembohovái umi porandu ñande rejáva perplejo-pe? Oĩrõ ñanembo’éva experiencia marangatu Jose Smith oguerekova’ekue Arboleda sagrada-pe, ha’e Yvaga ojepe’aha ha Tupã oñe’ẽha Ita’ýra ha tajyrakuérape.
Profeta Jose Smith omoĩ peteĩ patrón jaseguiva’erã ñambohováivo ñane porandukuéra. Ojeguerahávo Santiago promesa-re, ndajaguerekóirõ arandu ikatuha jajerure Tupãme,8 pe mitãrusu José ogueraha iporandu directamente ñande Ru Yvagaguápe. Ha’e oheka revelación personal, ha upe jeheka omoñepyrũ ko dispensación paha.
Upéicha avei, ¿mba’e omoñepyrũta peẽme ğuarã pende jeheka? ¿Mba’e arandúpa ndapeguerekói? ¿Mba’épa peikotevẽpya’eve peikuaa térã pentende? Pesegui profeta Josétembiecharã; Pejuhu peteĩ tenda py’aguapy ikatuhápe peho meme; Peñemomirĩ Tupã renondépe; Peñohẽ pene korasõ pende Ru Yvagaguápe; Tapeho Hendápe pemoğuahẽ hağua ñembohovái ha angapyhy.
Peñembo’e Jesucristo rérape pende jepy’apykuéra rehe, pende kyhyje, pene kangykue, heẽ, jepe umi mba’e pene korasõ oipotáva rehe. ¡Ha upéi, pehendu! Pe’anota umi oúva pene akãme; Pehai pene remiandukuéra ha peme’ẽ seguimiento umi mba’e he’íva peẽme pejapo haĝua. Pejapo jey jeývo ko proceso ára ha ára, mes tras mes, año tras año, “pekakuaáta revelación principio-pe.”9
¿Añetehápe piko Tupã oñe’ẽse peẽme? ¡Heẽ! “Reíta yvypórape oipyso ijyva kangy ojoko hağua rio Misuri isyrýpe….ha’etaháicha o’evita pe Todopoderoso oñohẽ kuaapy Yvága guive umi Santos de los Ultimos Dias akã ári.”10
Napeñeporanduiva’erã mba’épa añetegua.11 Natekotevẽi peñeporandu máva rehepa ikatu pejerovia manera segura-pe. Revelación personal rupive, ikatu peğuahẽpende testimonio-ite Mormón Kuatiañe’ẽ ha’eha Tupã ñe’ẽ, José Smith ha’eha peteĩ profeta, ha kóva ha’eha Ñandejára Tupao. Independientente ambuekuérahe’i térã ojapóva, avave ndaikatúi oipe’a pendehegui pe testimonio oğuahẽva pene korasõ ha pene apytu’ũme umi mba’e añeteguávagui.
Po’invita peñeha’ãve hağua jepe pende capacidad espiritual ko’agagua mboypýri pemoğuahẽhağua revelación personal, Ñandejára oprometegui: “Ejerurérõ, rereesivíta revelación tras revelación, arandu arandu ári, eikuaa hağua umi misterio ha mba’e apacible, umi oguerúva vy’a, umi oguerúva tekove ijapyra’ỹva.”12
Oh, Oĩ hetave mba’e pende Ru Yvavagua oipotáva peikuaa. Elder Neal A. Maxwell ombo’ehaguéicha: “Umi oguerekóvape ğuarã tesa ohecha haĝua ha apysa ohendu hağua, ¡hesakãporã pe Túva ha Ta’ýra omombe’u hína umi universo mba’eñemimby!”13
Mba’eve oipe’ave yvaga rokẽ pe combinación reko potĩgui, ñe’ẽrenduve, jeheka meme, ñanderoryve ára ha ára Cristo ñe’ẽme oĩva Mormón kuatiañe’ẽme14, ha jadedika py’ỹi ára templo rembiapo ha historia familiar-pe.
Oiméne oĩta ára peimo’ãtaha yvága oñembotyha, Ha katu apromete peẽme pesegiháicha peneñe’ẽrendúvo, peme’ẽvo aguije káda jehovasa Ñandejára ome’ẽva peẽme rehe, ha pejesareko paciencia reheve Ñandejára tiempo-re, oñeme’ẽta peẽme kuaapy ha komprensión pehekáva. Opa umi jehovasa Ñandejára oguerekóva peẽme ğuarã, jepe umi milagro, pemoğuahẽta. Upéva ha’e pe revelación oguerútava peẽme.
Che’optimista pe oútava rehe. Henyhẽta oportunidad-gui opavave oprogresa hağua, okontribui ha ogueraha pe Evangelio opa yvy’ape ári. Upevére, ndaha’éi peteĩ ingenuo umi ára oútava rehe. Jaiko peteĩ mundo complejo ha kada vez iñorairõvévape. Pe jeike meme redes sociales-pe ha peteĩ ciclo de noticias de 24 horas ñandeapi mensajekuéra ndoparáiva reheve. Jaguerekosérõ peteĩ esperanza ñahesa’ỹijo hağua umi hetaite ñe’ẽpu ha yvypóra filosofía-kuéra o’atakáva pe añetegua, ña’aprendeva’erã ñamoğuahẽ revelación.
Ñande Salvador ha Redentor, Jesucristo, ogueraháta a cabo umi Hembiaporã hechapyrãvéva ko’áğa guive ou jey peve. Jahecháta milagros jehechaukapy Tupã pe Túva ha Ita’ýra Jesucristo opresidiha ko tupao ári majestad ha gloria reheve. Ha katu ára oúvape, ndaikatumo’ãi jaikove espiritualmente Espiritu Santo influencia guiadora, orientadora ha consoladora’ỹre.
Che hermano ha hermana-kuéra pohayhuetéva, ajerure’asy peẽme tapembotuichave pende capacidad espiritual peğuahẽ hağua revelación. Peheja ko domingo de Pascua de Resurrección taha’e peteĩ momento decisívo pende rekovépe. Peiporavo pejapo pe mba’apo espiritual oñeikotevẽva pedisfruta hağua Espiritu Santo don-gui ha pehendu py’ỹive ha hesakãve hağua Espiritu ñe’ẽ.
Moroni ojapoháicha, ko Pascua de Resurrección-pe poro’exorta “[peju]Cristo-pe, ha [peñeha’ã] opa dádiva porã,”15oñepyrũvo Espiritu Santo don reheve, ikatúva ha omoambuétava pende rekove.
Ñande ha’e Jesucristo seguidor-kuéra; Pe añetegua iñimportantevéva pe Espiritu Santo otestifikatavagui peẽme Jesús ha’ehape Cristo, Tupã oikovéva Ra’y.¡Ha’e oikove!Ha’e ningo ñande intercesor pe Túva renondépe, ñande ehemplo ha ñande Redentor. Ko Domingo de Pascua de Resurrección-pe ñaromandu’a Isakrifisio expiatorio, Iresurrección literal ha Idivinidad.
Kóva ha’e Itupao, ojerrestaurava’ekue profeta José Smith rupive. Atestifika upévagui, che mborayhu opavave peẽme reheve, Jesucristo réra marangatúpe. Amén.