Eka-iso Ekpeme ke Akam (Alma 34:39; Moroni 6:4; Luke 21:36)
Eyom ukpeme ke ofuri ini man ekan nkari ye idiok unomo.
Ami nehede mbenge nyom unwam eke Edisana Spirit nno mbufo ye ami ke nte nnyin idarake inyung ituak-ibuot otokiet.
Ke Ofiong April isua 1976, Elder Boyd K. Packer eting sanga-sanga ono mme iwaad Ufok Abasi ke akwa mbono. Ke inem etop esie emi ibuot edide “Mme Ofiom nkpo Spirit,” enyeemen owut nte ikade ubiong-utom ke Africa ke enye okokut mme ofiom emi eyede eti-eti nte ebetde ndimum mme unam eke mibemke idem. Enye ndien ada ofiom odomo ye Satan, emi omumde mme iwaad eke mikpemeke idem oto ke ndikpuhore idiok uduot eke idioknkpo.
Ami nkedi isua Edip-ye-ita kini Elder Packer eketingde iko oro, ndien ami ye Susan ikebet edimana akpa eyen nnyin ke esisit usen kiso. Nnyin ima ikop inem ke etop emi kabanga ndifep idioknkpo ye eti usung emi enye adade ata edu eke unam ekpeb akpan ukpebnkpo iko Abasi.
Ami ye Susan nko imeka Africa ke ediwak ini ubiong-utom. Ndien nnyin inyenede ifet ndikut mme ikpo unam emi edungde ke akamba-idut oro. Ke nditi odudu eke iko Elder Packer ke uwem nnyin, nnyin imedomo ndise nyung mbo ukpebnkpo otode edu unam-ikot eke Africa.
Ami nyom ndiwut ido ye mbufiok cheetahs iba eke ami ye Susan ikesede nte emumde udia mmo inyung idomo ubak nkpo emi nnyin ikekutde ye odu-uwem gospel Jesus Christ.
Cheetahs ye Topis
Cheetahs edi unam obot emi osopde-itok akan ke isong onyung efehe osop ekesim nte 75 mph (120 km/h). Ndiye unam emi ekeme nditongo-itok nte adade-da efehe osop ekesim nte 68 mph (109 km/h) ke ekpride akan ubak minit ita. Cheetahs edi unam-nnwo emi edebide okomum udia esie onyung efehe ke ibio-ibio usung man ebine onyung anwana.
Ami ye Susan ima ibiat hour iba ndise mme cheetah iba nte ebumere akamba eboho topis, nwak-nkan edop emi odude ke Africa. Anyan, nsat ikong eke African savanna ekedi nsang-nsang onyung edipmme unam-nnwo emikini mmo eyiride eboho edop emi. Mme ekpe emi ekebahare ekpong kiet eken ke nkpo nte 100 yards (90 meters) edi enam utom otokiet.
Kini cheetah kiet adade anyan-anyanke mbiet inyung isangake, enyen eken osuhore-adiana ke isong ndien onyoni sung-sung ekpereedop eke mikpengke idem. Ekem cheetah enye emi akadade-da osop ke mbietke ukem ini enye eken enende etie. Usung ukpuhore eke cheetah kiet ndisuhore ndiana ye ndinyoni nka iso kini enye eken enende etie ke mbiet ama aka iso ke anyan ini. Nkari usung edinam emi ekedi man obiongo onyung abianga mme edop ndien okpuho mmo okpong ndikut afanikongemi edide kiso. Ke ime ye miyokke, mme cheetah iba enam utom nte eboho man enyene udia mmo.
Ndida ke ufot eboho edop kiet ndien cheetahs iba emi esikde-ekpere ema enehede ekpon ndien mkposong edop eda nte ukpeme ke mbot ebu-nkakat. Ndikut ukpa mbiet ami anade ke ekpri mbot anwam mme edop-ukpeme emi ndikut idongo afanikong ekedide.
Ndien iwiwa, nte mme cheetahs emi ebiongore ke nsan-nsan, ofuri eboho edop emi ewongore enyung efehe. Ami mfiokke edieke mme danga edop-ukpeme esineme yeakamba eboho, edi nte ededi,ema eno ikpan, ndien ofuri edop efehe eka itie uboho.
Ndien nso ke cheetahs emi ekenam ediana? Ke mibiatke ini, cheetahs iba emi etongo usung ukpuhore emi cheetah kiet adianade ke isong onyung onyoniaka iso kini enye eken enende etie ke mbiet. Usung ediyire emi ama aka iso. Mmo iketreke. Mmo ikeduokke odudu mme nditre. Mmo ema enwana ke nditiene usung mmo eke edifep ye ediwongore-mkpong. Ami ye Susan ise nte cheetahs iba esopde ke nsan-nsan, ofuri ini esangade ekpere eboho edop oro.
Okoneyo oro ami ye Susan ime inyene nneme editi kabanga se nnyin ikekut inyung ikpeb. Nnyin nko ima ineme ifiok-ukpeb emi ye ndito ye ndito-ndito nnyin inyung ikut ediwak ntiukebnkpo. Idahaemi ami nyewut nkpo ita ke ukpebnkpo oro.
Akpa Ukpebnkpo—Efiok Abianga Nkari eke Andidiok
Eke mi, mme cheetahs edi nkari, mbukpek, ye ebuka unam. Uto-uto idem kesim ntotongo-afai idem ye mbubit ntoi edi nte ediye abianga emi anamde ekusop ekut mme unam emi ke nte mmo emumde udia mmo ke akpa-inwang mbiet eke Africa.
Keukem usung oro, ekikere ye edinam afanikong nkpo Abasi esisop ndibiet nte eye, ofon,mme ndinem. Ntre, ke ererimbot nnyin emi, ana nnyin kiet-kiet ifiok idiok abianga emi ebietde nte kedi nti. Nte Isaiah akpande ete,“Ifonke fon ino mmo ekedohode ebanga idiok, ete, Eti, ebanga eti, ete, Idiok: eke, enimde ekim ke unwana, enim unwana ke ekim; ekeenimde idot ke ininge, enim iningeke idot!”
Ke idiok eyo emi edarake ndibiat nsana-mma uwem owo nte edinen nkpo ndien eda ndutime nte uworo-ufin, nnyin imefon iso ke ndidu emana edem-usen emi unwana mfiak-nda-ndi gospel enehede ayama ke uwem nnyin onyung anwam nnyin ke ndifiok abianga ekim nkari ye mkpeng eke andidiok.
“Koro mmo emi enyenede ibuot enyung ebode akpaniko, enyung ebode Edisana Spirit nte ndausung mmo, inyung ibiangake mmo—ke akpaniko ami ndoho mbufo nte, owo idisibeke mmo ifep iduok ke ikang, edi eyesuho ke usen oro.”
Udiana Ukpebnkpo—Edemere enyung Edu ke Mbenge-idem
Eke edop, esisit ini ndue-idem ye edifeb-enyin ekeme ndikot mbuari oto ekpe-ikot kiet. Ukem oro, unana mbenge idem ye iseri ke nkpo Abasi ekem ndinam nnyin idi udia ino ntabi eke andidiok. Unana edikere mbanga nkpo spirit eyedat akwa afanikong esin ke uwem nnyin.
iStock.com/Angelika
Nephi emen owut danga kini ukpere edem nte Stan edidomode ndisuhore nyung mkpek ndito Abasi nkesin ke “nsu-nsu ekikere eke idiok ukpeme, emi mmo editingde ete: Kpukpru nkpo ofonke Zion; ihn, Zion enyene nkori, kpukpru nkpo ofon—ndien ekem andidiok eyip ukpong mmo, onyung ada mmo sung-sung ekesin ke hell.”
Eyom ukpeme ke ofuri iniman ekan nkari ye idiok mbukpek. Ndikpeme edi ndaha mme utom eke nditing-enyin nse man okut afanikong mme idioknkpo ekedidide. Ndien nditing-enyin nse owut utom eke nditabi-idap man ebem onyung ekpeme. Kenditing nte nkpo Abasi, ana nnyin itabi-idap inyung ibenge idem ino ntim Edisana Spirit ye idiongo emi otode mme isungutom Abasi ekedude ke ebiet ukpeme.
“Ihn, ndien ami nko nteme mbufo … nte mbufo eka iso ekpeme ke akam, mbak mbufo edidudo etoke idomo andidiok, … koro sese, enye idinoho mbufo baba eti nkpo ndomokiet.”
Ndiwuk enyin nse uwem nnyin yeke Andinyanga ye ke gospel Esie eyenwam nnyin ndikan udong ata owo emi idikunide inyung idi-ifu ke nkpo Abasi. Nte nnyin inyenede enyin ndikut ye utong ndikop, Edisana Spirit ekeme ndinam ukeme nnyin okoriman ise inyung ikpang-utong kini nnyin mitimke ikere ke imenyene ndise mme ndikop mme kini nnyin mikereke ke imekeme ndikut nyung nkop nkpo ndomokiet.
“Ekpeme, ke ntre, tman mbufo ekpedu ke mbenge idem.”“Watch, therefore, that ye may be ready.”“Watch, therefore, that ye may be ready.”
Ukpebnkpo Oyoho Ita—Efiok se idi Ekikere-esit Owo-usua
Ekpe-ikot edi unam-nkari emi esimumde mme unam efen. Kpukpru usen, ofuri usen, ekpe-ikot edi unam-nkari.
Satan “edi asua edinen-ido ye mbon emi eyomde ndinam uduak Abasi.” Kpukpru usen, ofuri usen nkokure udong ye akpan ntak esie edi ndinam ndito iren ye iban Abasi ebo ndutuhore ukem nte enye.
Ekenam uduak inemesit erinyanga eke Ete man ononditoEsie ndausung, man anwam mmo ebonsinsi idara, onyung ada mmo sung-sung ebine Enye ye eriset, ubong ikpokidem. Andidiok anwana man anam ndito iren ye iban Abasi etimede enana inemesit man obiongore nsinsi nkori mmo. Andidiok esi-ifikanam utom man anwana ye nkpo-utom eke uduak Ete emi enye enehede asua.
Satan inyeneke ikpokidem, ndien ema etre nsinsi nkori esie. Ukem nte edade dam etre mmong andifehe ke enyong-mmong, ntre ke eketre nsinsi nkori eke andidiok koro enye inyeneke ikpokidem. Oto ke ntak enwan esie, Lucifer ama atabi idem esie ke ofuri edidiong ye ifiok obukidem emi edide oto idem obuk ye okpo. Ewut kiet kotu okposong iboro nwed Abasi kabanga iko emi ndisua-nno ke unana ukeme esie ndika iso nkori nyung nkabare mbiet Ete nnyin ke Heaven.
Koro obukidem enyene akpan ufon ke uduak inemesit eke Ete ye nkori spirit nnyin, Lucifer oyom ndibiat nkori nnyin ke ndidomo nnyin man ikam idem nnyin ke usung eke mifdotke. President Russell M. Nelson ekekpeb ete ke ndiboho ke nkpo Abasi okongo ke “nditre ndinam akpa idiok udong nkesim ebiet emi mbufo mikpikaha inyung inamke se mbufo mikpinamke.’ … Nte mme owo ofuri nnyin imenyene mme udong [obukidem] emi anade ida idu uwem. ‘Mme udong emi enehede enyene akpan-utom man uwem atara aka iso Ntem, nso ke andidiok anam? Enye anwana ye nnyin oto ke mme udong nnyin. Enye odomo nnyin ndi-dia se nnyin mikpidiaha, ndiwong se nnyin mikpiwongke, ye ndima se nnyin mikpimaha!’”
Kiet kotu akpatre nsahi eke nsinsi edi koro andidiok, emi enehede edi owo-ndutuho koro enyen inyeneke obukidem, okoot onyung ekpek nnyin ete ibuana ke ndutuho esie oto ke ndikama idem nnyin ke usung eke midotke. Ata nkpo-utom emi enye minyeneke idinyung idaha inam-nkpo edi ndien ata nkpo-utom emi enye odomode ndiyiri nnyin man abiat obukidem ye spirit nnyin.
Ndifiok ekikere-esit eke owo-usua edi akpan nkpo ke ndibenge-idem nno enwan emi edidi-de. Ntem koro Etubom Moroni ama ofiok ekikere-esit mbon Lamanite, enye ama ebenge idem man osobo ye mmo kini mmo edidi-de onyung akan mmo. Ndiennukem ukpeb ye enwongo oroodu ono owo nyin kiet-kiet.
“Edieke mbufo ebengeke-idem, mbufo idikopke ndik.
Ikoot, Enwongo, ye Iko-ntiense
Ukem nte ekemede ndibo mme akpan ukpebnkpoke ndise edu-uwem eke ekpe-ikot ye mme edop, ntre nnyin kiet-kiet inyene ndise nyom mme ukpebnkpo ye ikpan emi odude ke ndimem edinam ke uwem usen uwem. Nte nnyin iyomde ekikere ye esit man ibo ndausung eke heaven oto ke odudu Edisana Spirit, ekem ubak ikpo item emi nnyin ikemeke ndibo ye ediwak ikpo ikpan emi ekemede ndikpeme nnyin edi-to ke ata ifiok-ukpeb eke idem nnyin. Mkposong mbuk-nke odu ke nwed Abasi ye ke ofuri usen uwem nnyin.
Ami mmewut ukpebnkpoita kpot kotu ediwak ukpebnkpo emi ekemede ndikut ke isang eke Susan ye ami ikenyenede ke Africa. Ami mmekot nyung nsongo mbufo nte ekere ebanga uwutnkpo emi ye ekpe-ikot ye edop enyung ekut ukpebnkpo efen eno idem mbufo ye ufokemana mbufo. Mbok kpukpruini eti ete ke ufok mbufo edi akpan itie ndikpeb nyung nam iko Abasi.
Nte mbufo enamde iikoot emi ke mbuotidem, nti ekikere eyeduk esit mbufo, ekikere nkpo-Abasi eyeyoho esit mbufo, ndien mbufo eyefiok mme edinam emi edinamde mme eke edikade iso man mbufo ekeme “ndida [ata] oyoho mkpo-ekong [Abasi] man mbufo edikeme ndinwana ye idiok usen, ke eme ekenam ofuri nkpo, man mbufo edikeme ndisongo nda”
Ami nnwongo nte ke edidiong ata mbenge-idem ye ukpeme Abasi eyefioro odukuwem mbufo ke nte mbufo ekade iso eting-enyin ekpeme ke akam.
Ami nno iko ntiense nte ke ndka iso nsin-ifik ke usung ediomi onono uboho onyung ada nsinsi idara esin ke uwem nnyin. Ndien ami ndi ntiense nte ke eriset ye odu-uwem Andinyanga eyekpeme onyung osongo nnyin idem ke eti ye idiok ini. Kabanga mme akpaniko emi ke ami nting iko-ntiense mbanga ke edisana enying Jesus Christ, amen.