Ntiense, Eboho Itie-oku Aaron, ye Classes eke Nkaiferi Iban
Edinam-ekem emi nnyin idisiande idahaemi edi man anwam anam edisana ndaha eke mkparawa iren ye nkaiferi iban okori ofon.
Ndima ndito-eka iren ye iban, edi inem nkpo ndifiak ndu ye mbufo ke akwa mbono. Mkpong, ema esian mbon Ufok Abasi kabanga ukpuhode edinam-uduak eke mbon emi eyomde ndinam utom nte ntiense ke mme edinam baptism ye sealing. Ami nyema ndinam nkpo ita emi anwanga.
-
Owo ekededi emi enyenede eti nwed temple ekeme ndidi ntiense kini enamde baptism eno akpa-mkpa, ke esit edide limited-use recommend.
-
Owo Ufok Abasi emi ama ekedo endowed onyung enyene eti nwed temple ekeme ndidi ntiense kini enamde sealing, eno odu-uwem ye akpa-mkpa.
-
Owo Ufok Abasi emi ama ekena baptism ekeme ndidi ntiense kini enimde odu-uwem baptism. Ukpuho-nkpo emi abanga ofuri baptism eke midaha-itie ke esit temple.
Mme ido ukpuho-nkpo emi eyeka-iso ada itie. Owo ikpuhokede akpan ikpo ukpebnkpo ye mme ediomi. Mmo enyene ukem odudu ke ofuri edinam iko Abasi. Akpana ukpuhode emi enehede anam ufokemana ebuana ke mme edinam emi.
Nko ami mmoyom nditing iko ye mbufo idahaemi man mmen edinam-ekem emi ebehede iwaad ye mme adausung mmo nwut
Mbufo eyeti ete ke ami mma nkot mme iwaad Ufok Abasi Jesus Christ eke Latter-day Saints nte eduk otu iwaad mbon-ekong Abasi man ebuana ke mkpon-nkan utom emi odude k’isong mfin emi—nditang Israel mbok. Ami nkeno ikoot emi esok iwaad nnyin koro mmo enyene akpan eno ke ndisin unwam nno mbon efen nyung mbuana se mmo enimde ka akpaniko ke ediye usung. Ntak emi etangde-ebok edi akpan ubak ke ndinwam mbenge ererimbot ye mbon owo nno Edifiak-ndi Obong Oyoho Ikaba.
Ke ward kiet-kiet,edi bishop, eti isungutom Abasi ada otu iwaad mbon-ekong Abasi usung. Akpa ye ata akpan ubiong esie edi ndikpeme mkparawa iren ye nkaiferi iban ke ward esie. Bishop ye mme onoitem esie eda usung ke utom eboho Itie-oku Aaron ye classes Nkaiferi Iban ke ward.
Edinam-ekem emi nnyin idisiande idahaemi edi man anwam anam edisana ndaha eke mkparawa iren ye nkaiferi iban okori ofon. Nnyin nko iyom ndisongo eboho Itie-oku Aaron ye classes Nkaiferi Iban idem nyung nwam mme bishop ye ikpo adausung eken ke nte mmo enamde nkpo eno obufa emana emi.
Idahaemi Elder Quentin L. Cook eyeneme edinam-ekem emi enyenede ebuana ye mkparawa irenowo. Ndien ke okoneyo emi, ke akwa ikpehe eke iban, Sisiter Bonnie H. Cordon, Akwa Adaibuot Nkaiferi Iban, eyeneme edinam-ekem emi enyenede ebuana ye nkaiferi iban.
First Presidency ye eboho Duopeba ediana kiet ke ndinyime utom edisongo iwaad nnyin idem. Oh, sese nte nnyin imade inyung ibong-akam ino mmo! Mmo edi “idorenyin Israel, mbon-ekong Zion, ndito enwongo eke mfin emi.” Nnyin imesin ofuri idorenyin nnyin ke idem mme iwaad nnyin inyung ino mmo ekom nnyin. Ke edisana enying Jesus Chrst, amen.