Ndikut Idara ke Ndibuana Gospel
Nnyin imenyene edima Ete ke Heaven, emi ebetde nnyin ndifiak ntiene Enye man odiong uwem nnyin ye uwem mbon emi ekperede nnyin.
Kiet kotu ikwo Primary emi mmade-nkan otongo ye mme iko emi:
Nso ndimem ye inem iko akpaniko emi nnyin inimde!
Nte mbon Ufok Abasi Jesus Christ eke mme Latter-day Saints, nnyin imediongo owo eke nnyin idide. Nnyin imediongo ite ke “Abasi edi Ete eke spirit nnyin. Nnyin idi … ndito Esie, ndien Enye amama nnyin. Nnyin ima idung [ye Enye ke Heaven] mbemiso nnyin [idi] ke isong.”
Nnyin imediongo uduak uduak Abasi. Nnyin ima idu do ye Enye kini Enye okowutde uduak oro owut. “Ofuri ntak eke Ete nnyin ke Heaven—utom ye ubong Esie—edi ndinam nnyin kiet-kiet idara ofuri edidiong Esie. Enye … ama ono eti uduak man inam ekikere Esie oworo ada. Nnyin ima ifiok inyung inyime uduak emi … eke inemesit, … ufak, ye … erinyanga-ukpong” mbemiso nnyin idi isong.
“Jesus Christ edi akpan-ndaha ono uduak Abasi. Otode ke Erisio-isop Esie, Jesus Christ anam ekikere Ete Esie oworo-osu onyung anam emem ononyin owo kiet-kiet ndinyene ikpokidem unana-mkpa ye nkori ubong. Satan, mme andidiok, edi asua ye uduak Abasi” ndien ekedi tongo ke editongo.
“Unen-ndimek, mme ukeme ndimek, edi kiet kotu mkpon-nkan eno emi Abasi onode ndito Esie. Ana nnyin imek mme iditiene Jesus Christ mme iditiene Satan.”
Ndimem akpaniko eke nnyin ikemede ndibuana ye mbon efen edi emi.
Yak ami nting nno fi mbanga ini kiet emi eka mi akabuanade oruk ndimem akpaniko oro ke ndineme anwa-anwa nyung ke ndida ufang kiet.
Ediwak isua emi ebede, eka mi okonyong Argentina edi emi akakakde ndise owo ye eyeneka mi eren. Koro eka mi ikineheke isima ndiduk ubom-ofim, enye odoho ete yak eyeneren mi kiet ono enye akam ndongesit ye ukpeme. Enye obo-ntuuk-spirit ndidiong eka-eka esie ye asanga-asanga ukpeme ye ndausung emi otode Edisana Spirit man osongo onyung otuk esit ediwakowo emi eyomde ndikpeb iko Abasi.
Ke anwa ubom-ofim eke Salt Lake, eka ye eyeneka eren mi esobo ye ekpri eyen-anwan isua itiaba emi okonyongde isang skiing ye ufokemana esie. Ini emi ete ye eka esie ekutde danga enye ebighide ke nneme ye eka ye eyeneka eren mi, mmo ebiere ndibuana ye eyen-anwan mmo. Mmo eyarade idem mmo ye eyen-anwan mmo nte Eduardo, Maria Susana, ye Giada Pol. Inem ye eti ebuana ama edisim inem ufokemana emi.
Ufokemana mbiba ema edara ndisanga otokiet ke ukem ubom-ofim nkesim Buenos Aires, Argentina. Nte nneme mmo akade iso, eka mi okut ete ke mbemiso idaha ini oro akananam ke mmo ikekopke ibanga mfiak-nda-ndi Ufok Abasi Jesus Christ.
Kiet kotu akpa mbume Susana okobupde ekedi, “Nte afo eyeting ono mi abanga ediye museum ye uyama mbot-ndot ke etingi esie?”
Eka mi anam anwanga ke ediye ndise oro idighe museum edi kedi temple Abasi emi nnyin inamde ediomi ye Abasi man nnyin ikeme ndifiak nkodung ye Enye ke usen kiet. Susana ayarare ono eka mi ete mbemiso uka-isang mmo nkesim Salt Lake imo ima ibong-akam iyom nkpo emi edisongode spirit esie.
Kini isang oro, eka mi non ndimem edi osongo iko-ntiense esie kabanga iko-Abasi onyung odoho Susana ete okut mme missionaries ke obio mmo. Susana obup eka mi ete, “Ndinam didie nkut mmo?”
Eka mi oboro ete, “Afo ukemeke nditre ndikut mmo, ekeme ndidi mmo mkparawa iba emi esinede mfia ofongidem ye mbobo-itong, mme nkaiferi iban iba ke isong-ofong, ndien ofuri ini mmo ekongo idiogno emi owutde enying mmo ye nko ‘Ufok Abasi Jesus Christ eke mme Latter-day Saints.’”
Ufokemana emi ema ebo phone numbers kiet ekenenyung ekom unyong ke Buenos Aires. Susana, emi ama akakabare edi eti ufan mi tongo do, esiting ono mi ke ediwak iniete ke imo ima ikop mfuho ndidainagare mkpong eka mi keanwa ubom-ofim. Enye odoho ete, “Eka fo ayayama. Ami nkemeke nditing oro, edi enye enyene uyama akanare enye okuk eke ami miyomke ndidaha mkpong enye.“
Ibighike nte Susana ekesimde obio esie, enye ye eyen-anwan esie, Glada, ema eka ndibuana ifiok-ukpeb emi eka Susana, emi okodungde ke esisit ebiet okpong ufok mmo. Nte mmo ewatde eka, Susana okut mkparawa iba nte esangade esuhore ke efak esine ofong emi eka mi eke ekemende owut enye. Enye etre moto esie ke ufot usung, oworo aka, onyung obup mkparawa iba emi ete, “Nte mbufo eto Ufok Abasi Jesus Christ?”
Mmo eboro, “Ihn”
Enye obup ete, “Mme okworo iko Abasi?”
Mmo mbiba eboro ete, “Ihn nnyin kedi!”
Enye ndien ete, “Ebe eduk moto mi;mbufo edi ufok man edikpeb mi nkpo.”
Ke ufang ofiong iba, Maria Susana ama oduok-mmong. Eyen-anwan esie, Glada, nko ama oduok-mmong kini eismde isua usukkiet. Nnyin isuk inam-utom ye Eduardo, emi nnyin imade ke nte ekpedide.
Tongo kini oro,Susana akabare edi akwa okworo-iko emi akananam nkwe. Enye ebiet ndito iren Mosiah, ke ada ediwak ukpong osok Christ.
Kini nneme nnyin kiet, ami mbup enye nte, “Nso itibe ye afo? Didie ke afo esibuana gospel ye mbon efen?”
Enye odoho mi ete, “Edi mmem-mmem. Ofuri usen mbemiso ami nworo ke ufok mi, ami mbong-akam nno Ete ke Heaven mbenge Enye nte owut mi owo kiet emi oyomde iko-Abasi ke uwem esie. Usukini ami mmesida Nwed Mormon man mbuama ye mmo mme pass-along cards otode missionaries—ndien kini ami ntongode ndineme nnoowokiet, ami mbup mme mmo ekop njmlpoebanga Ufok Abasi akpa.”
Susana adian ete, “Ke mme ini efen ami nsak-imam kini ami ntiede mbet train. Usen kiet erenowo kiet ese mi onyung odoho ete, ‘Nso ke imam fo ada ono?’ Enye ekpeke omum mi ke ndue idem.
“Ami mboro nte, ‘Ami nsak koro ami mmenem esit!’
Enye ndien ete, ‘Nso ke afo enem esit abanga?’
“Ami mboro ‘Ami ndi owo Ufok Abasi Jesus Christ eke mme Latter-day Saints, ndien oro anam mi nem-esit. Ndi afo omokop abanga Ufok Abasi oro?’”
Ini emi enye odohode ihn-ihn, enye ono enye pass-along card kiet onyung okot enye ete oduk ederi ke Sunday emi edide kiso. Ke Sunday anditiene, enye okom enye ke enyin-usung ufok Abasi.
President Dallin H. Oaks ekpeb ete:
“Odu nkpo ita emi ofuri mbon ufok Abasi ekemede ndinam man enwam ndibuana iko-Abasi.
“Akpa, nnyin imekeme ndibong-akam nyom unwam ke akpan utom erinyanga-ukpong emi. …
“Udiana, nnyin imekeme ndinim ibet ke idem nnyin. Ofuri ini nti members eyenyene Spirit Andinyanga … ndidu ye mmo man ekpeme mmo ke nte mmo eyomde ndibuana ke akwa utom eke edibuana mfiak-nda-ndi iko-Abasi Jesus Christ.
Oyoho ita, nnyin imekeme ndibong akam nyon ifiok ke se nnyin ikemede ndinam … man ibuana iko-Abasi ye mbon efen … [inyung] ibong-akam ye nsinifik man inam nkpo ke ifiok nnyin ebode.”
Ndito-eka iren, ndito-eka iban, ndito-nwong, ye iwaad, ndi nnyin imekeme ndibiet Susana ufan nyung mbuana iko-Abasi ye mbon efen? Ndi nnyin iyekot ufan kiet emi midighe owo edu-ukpono nnyin ete edi Ufok Abasi ye nnyin ke Sunday? Mme ndi nnyin ndusuk iyebuana Nwed Mormon kiet ye owo-oruk mme ufan nnyin kiet? Ndi nnyin imekeme ndinwam mbon efen ekut ubon-emana mmo ke FamilySearch mme ndibuana ye mbon efen se nnyin ikpeb ke esit-udua emi ke nte nnyin ikotde Di, Tiene Mi? Nte nnyin imekeme ndibiet Andinyanga nnyin Jesus Christ nyung mbuana ye mbon efen se idade idara isin ke uwem nnyin? Iboro ke ofuri mbume emi edi ihn! Nnyin emekeme ndinam emi!
Ke nwed Abasi nnyin ikoot ite ke ekedong mbon Ufok Abasi Jesus Christ ete eka “ekenam utom ke inwang-utom esie eno erinyanga ukpong mme owo’ (Doctrine and Covenants 138:56). Utom erinyanga-ukpong esine utom mbon Ufok Abasindikworo iko-Abasi, ndinwam mbufa owo esongo eda, ndinwam mbon mfiak-edem enyene iwuk, utom temple ye family history, ye ndikpeb iko-Abasi.’”
Ndima mme ufan mi, Jehovah oyom mbufo etang Israel ebok. Ke nwed Doctrine ye Covenants, Enye okodoho ete, “Ekubem iso ekere ebanga se mbufo editingde, edi eka iso ekpeme mme iko uwem ke esit mbufo,ndien eyeno mbufo ke ndaha ini oro itie-nwed emi edinode ofuri owo.”
Ke ndidian do, Enye amaonwongo ono nnyin ete:
“Ndien edieke edide man mbufo enam-utom ofuri usen mbufo ke ndikworo edikabare-esit nno mme owo emi, enyung eda,kpak ukpong kiet esok Mi, idara mbufo edikpon didie ye enye ke obio-ubong eke Ete Mi!
“Ndien idahaemi, edieke idara mbufo edikponde ye ukpong kiet emimbufo edade esok Mi ke obio-ubong eke Ete Mi, didie ke idara mbufo edikpon edieke mbufo edidade ediwak ukpong isok Mi!”
Ikwo Primary eke ami nkedade ntongo etre ye inem iko emi:
Ami ndi ntiense nte ke mme iko emi edi akpaniko ndien kennyin imeyene edima Ete ke Heaven emi ebetde nnyin ndifiak ntiene Enye man odiong uwem nnyin ye uwem mbon emi ekperede nnyin. Mbenge yak ami nnyene udong man nda ndito-eka iren ye iban nsok Christ edi akam mi ke enying Jesus Christ, amen.