Ndikut nto ke Odudu eke Nwed Mormon
Kpukpru owo ana efiok enyung ekutoto ke odudu akpaniko emi odude ke Nwed Mormon.
Kini nkesede mbufa members ufok mmo, mbume kiet emi nsiwakde ndsop mbup mmo esidi adanga nte mmo ye ufokemana mmo esikpepde ebanga Ufok Abasi ye adanga nte mmo ekedade edibo baptism. Ifinake mme owo oro ke ndaha oro esika Ufok Abasi mme isikagha ke ediwak isua. Kpukpru ini iboro esid ukem: ye imam ye ediye okpo-iso, mmo etongo ndibuk mbanga nte ekekutde mmo. Kakpan iko, owut ete ke mbuk ukabare esit eside mbuk nte danga ekekut nnyin.
Jesus Christ ke idem esie edi Obong ono mme nkpo emi osopde Enye ese abanga mme nkpo emi osopde. Emi kakpan edi ntak emi enye ekekpepde mme nke ita emi nnyin ikutde ke nwed Luke ibuot 15: nke eke erisop erong, erisop okpuho, ndien ka kpatre, idiok udo. Ofurimbuk emi enyene ebuana kiet: ifinake ke ntak emimmo ekeksopde. Ifinake mme mmo ema efiok kte ke mmimo ikisosop. Akwa ekikere idara odu do emi ofioride ete, “Edara ye ami; koro mmekut [enye emi] okosopde.”1 Ke akpatre, iduhe emi kakpan osopde ono Enye.2
Ke uwemeyo emi yak ami mbuana ye mbufo kiet ke ata ediye nkpo abangade me—mbuk nte ekekutde mi.
Mbemiso nkesim isua 15, uncle mi Manuel Bustos ekekot mi ndbiat ekpri ini ye enye ye ufokemana esie mmi ke United States. Emi ekedi akwa unen ono mi ndikpep mme Iko mbakara. Uncle mi ama akabare edi owo Ufokabasi ke ediwak isua ke edem, nko enye ama enyene akwa spirit eke mission. Oro edi ntak eka mi, ke ami mifiokke, eketingde iko ye enye oyung odoho ke imo imenyime ikoot ke ntak kiet: ke enye idiwana ndikpek mi ndidi owo Ufokabasi esie. Nnyin ikedi mbon Catholic, ndien nnyin ikedi ke ediwak emana, ndien ntak ikoduhe ndikpuhore. Uncle mi ama odu ke oyoho unyime oyung onim iko esie tutu adanga nte enye mikoyomke ndiboro ndomo mbume kabangade Ufokabasi.
Ntre, se uncle mi ye edima nwan esie, Marjorie, miki kemeke ndikpong ekedi ndidi se mmo ekedide.3
Ema eno mi ubet emi ekedongode akamba ubet ubono nwed. Mankeme ndikut ke ubet ubono nwed emi odongo ibat nwed osimde Ikie-iba ye ediwak Nwed Mormon ke nsio-nsio usem, Edip mmo edide ke usem Spanish.
Usen kiet, Ke udong, Ami men Nwen Mormon kiet ke usem Spanish.
Ekedi kiet kotu nwed oro ye ukem nwed enyong edem esie, ye mbiet angel Moroni ke iso. Kini nkubore enye, ke akpa ikpnwed do ekewet mme oruk edidiong emi: “Ndien ke ini mbufo edibode mme nkpo emi, amimkpe mbufo ubok nte mbufo ebup Abasi, Nsinsi Ete, ke enying Christ, edieke mme nkpo emi midihe akpaniko, edieke mbufo ebupde ke esit akpaniko, ye akpan ekikere, enyung enyene mbuotidem ke Christ, enye eyeyarare akpaniko esie ono mbufo, oto ke odudu Edisana Spirit.”
Ndien enye adian: “Ke odudu eke Edisana Spirit emekeme ndifiok akpaniko kpukpru nkpo.4
Edi okposong ndinam anwanga odudu emi ikoabasi emi ekeyenede ke ekikere ye esit mi. Ke nditing akpaniko, ami nkiyomke “akpaniko.” Ami nkedi akparawa, enemde esit ke uwem esie, okopde inem obufa ubono nkpo emi.
Okposukedi, ye ke enwongo oro ke ibuot, ami ntungo endikot nwed oro ke ndidibe. Nte nkade iso ndikot, ami ndifiok nte edieke anade ami mbo nkpo ndomokiet nto nkpo emi, ke ana ami ntongo ndibong akam. Ndien ofuri nnyin imediongo se isitibe kini mbufo ebiereke ndikot nyung mbong akam mbanga Nwed Mormon. Ntre, oro edi se iketibede ino mi. Ekedi sanga sanga nkpo ye isio-isio—ihn, ata ukem nte mkpo emi eketibede ono ata ediwak mbon efen ke ofuri ererimbot. Ami ndifiok ke odudu eke Edisana Spirit nte ke Nwed Mormon ekedi akpan iko.
Ami kini oro mbine uncle mi nditing no enye se iketibede nko ke nte mebenge idem ndina baptism. Uncle mi ikikemeke ndimum nkpa idem esie. Enye ebe oduk moto esie, awat aka ke anwa-ubom-ofim, ndien afiak onyong edi ye nwed ubom ofim mi ndife nyong ufok, ye ekpri nwed ewetde ono eka mi emi odohode ete, “ami nyeneke mkpo ndinam ye enye emi!”
Ke usung emi enye amanen. Ami nkekut nnenen nto ke Odudu eke Nwed Mormon.
Ekeme ndidi ediwak eduemi nti missionaries ekekutde ke ofuri ererimbot, ke ofuri ndaha oto ke utibe nti usung. Mme ekpekekut mmo oto ke mme ufan emi Abasi okonimde ke usung mmo. Ekeme ndidi nte ke ekekut mmo eto ke owo ke emana emi meke oto mme ete ete mmo.5 Ke adanga ekededi, ke ndikori nkesim ata nkabare esit, ke osopde aka kiso, mmo kpukpru ana enyene mbufiok ndien ekut etoke odudu eke akpan iko emi odongode ke Nwed Mormon. Ke ukem ini oro, ana mmo ke idem mmo ebioro ndinam okposong nwaidem nno Abasi ke mmo eyewana ndinim mme mbet Esie.
Kini ami mfiakde nyong nka Buenos Aires, eka mi enehede ofiok ke ami mmoyom ndina baptism kakpan. Sia ami nsinyenede spirit enwan, enye etre ndifanga ye ami, edi enye onyime ono mi. Ndien ke enye mifioke nkpo oro, enye anam ndungore baptism ke idemesie. Kakpan iko, menim ke mbume esie ama enehede enyene ntotungo akan eke missionaries nnyin esinamde. Enye odoho mi ete, “edieke afo ,oyomde ndina baptism, ami nyeda ye afo. Edi akpa ami nyom ndibup fi mme mbume ndien ami nyom afo ekere ofon ndien oboro ke akpaniko. Afo ameyime ndiduk ufokabasi mfon mfon kpukpru Sunday?”
Ami ndoho enye, ihn, kakpan, ami nyenam ntre.”
“Nte afo ameyene ifiok abanga nte ufokabasi oniongde usung?”
Ami ndoho, “Ihn, mmefiok.”
Enye oboro ete, “Ndien, edieke afo anade baptism, ami nyenam afo aka.” Ndien enye obup mi mme ami meneghede nyene udong nditre ndiwong ukot ye nsung ikang.
Ami mboro enye, ihn, kakpan ami nyenim oro nko.”
Enye afiak adian ete, “Ndien, edieke afo anade baptism, ami nyenam oro edi ntre.” Ndien enye akaiso ke usung oro ye ke kpukpru ewuho.
Uncle mi ama okot eka mi ndidoho enye ete okufina idem, ke ami nyesop ndinam emi nkure. Isua inang ebe, kini nkebode ikoot ndika mission ke Urugua Montevideo Mission, eka mi okoot uncle ndibup enye ata ini eke ami ndikurede kpukpru emi. Akpan iko edi tongo ke ini emi nkenade baptism, eka mi ekedi ata okop inem eka.
Ami mandifiok ke Nwed Mormon ekedi ata akpan ke nkabare esit nkeyenede ke akpa ubok enwongo ke “ owo ekeme ndisik nkpere Abasi ke ndidu ke ewuho esie.”6
Nephi anam anwanga akpan ntak eke Nwed Mormon eke usung emi:
Edi nnyin inam utom ofon ndikpek ndito nnyin, ndien nko ndito ete nnyin, “ke ndinim Christ ke akpaniko, nyung nam mkpe-mbiere ye Abasi. …
“Ndien [nko] nnyin iting ibanga Christ, idara ke Christ, nnyin ikworo ibanga Christ, [ndien] nnyin iting prophecy ibanga Christ, … man ndito nnyin ekpefiok oruk usung emi ekpe kpede ekom uruak idiok mkpo mmo.”7
Ofuri Nwed Mormon oyoho ye ukem edisana ntak oro.
Ke ntak emi, owo eke ebiereke ndinehede nkot enye, ye spirit akam, idikpebke ibanga Christ kpot edi eyekpeb oto Christ—akpan-akpan edieke mmo enamde ubiere ndinyene “eti-ibuot ke iko”8 nyung ntre ndisosop nsin nwed oro oto ke unana edinim ke akpaniko9 oto ke mbon efen etingde ebanga nkpo emi mmo mikotde akananam.
President Russel M. Nelson eti abanga: “Kini ami nkerede mbanga Nwed Mormon, nkere mbanga iko odudu. Akpaniko eke Nwed Mormon enyene odudu ndikok, mfiak nda-ndi, ndong esit, mbok, nsongo, mfuho mbanga, nyung mmenede ukpong nnyin.”10
Ikoot mi ke uwemeyo emi ndikpep nnyin, ke misehe nte ebighede nte nnyin ikedi mbon Ufok Abasi, edi ndiyak odudu akpaniko otode Nwed Mormon ndiyom nnyung mfat nnyin ini kiet efen, kusen kusen nte nnyin itumde iyom ito eriyarare idem nnyin. Enye eyenam ntre edieke nnyin iyakde enye.
Ami ye utenghe ntie ntiense nte ke Nwed Mormon odongo uyoho ikoabasi Jesus Christ ndien ke edisana Spirit eyenam anwanga akpaniko esie kini kini ono owo ekededi emi, ke ata esit, oyomde ifiok ke eriyanga ukpong mmo.11 Ke enying Jesus Chrst, amen.