Ndinyene Ediomi
Ndinyene udeme ye Abasi nyung nsanga ye kiet eken ke usung ediomi Esie edi ndibo edidiong otode ke ndinyene ediomi.
Ndima ndito-eka iren ye iban, eting mbuk ebanga eyen Primary kiet emi ekekpebde ndibong akam. “ Sosongo ke leta A, leta B, … leta G.” Eyen oro akaiso obong akam ete, “Sosongo ke mme letas X, Y, Z. Edima Ete Heaven, sososngo ke ibat kiet, ibat iba.” Afina Andikpeb Primary edi enye osuk ebet ke ime. Eyen oro ete, ”Sosongo ke ibaat ition, ibat itiokiet—ndien ke Andikpeb Primary mi. Enye edi nkokure owo emi ayakde mi mbong akam mi nkure.
Ete Heaven esikop ofuri akam eyenowong. Ye anana-adanga ima, Enye okot nnyin ete idi man ididuke ediomi.
Ererimbot oyoho ye unana-idorenyin, abianga, nkari. Ediwak nkpo ebiet nte ebebe-efep inyung idige-akpaniko. Kini nnyin iyarade ufuk-iso, nkari, mbon emi emade ye mimaha, nnyin iyom se ikande mkpa-obukpok, usop-usop ebuana, mme nditiene udong nkpo ererimbot. Ke mfoniso, usung odu ke ndikut iboro nno mme nkpo oro.
Ini emi nnyin idisimde ikpo mbet Abasi man ima Enye ye mbohidung nnyin ke ediomi, nnyin inam ntre idige nte esenowo mme owo-isang edi nte eyen Esie ke ufok. Akani nsakiso iko osuk edi-di akpaniko. Ke ndisin nkpo ererimbot man inyene ediomi, nnyin ikut inyung ikabare idi ata nti mbon nsinsi—iworo ufin, idu uwem, idi nti—inyung idiongo mme akpan ebuana nnyin. Ndinyene ediomi edi ndinam nyung nim enwongo no Abasi ye kiet eken oto ke edisana ndutim, man ida odudu mfon ye eti nkpo oworo ada ke uwem nnyin. Ini emi nnyin idiomode ofuri se nnyin idi, nnyin imekeme ndikabare nwak nkan se nnyin idi. Ndinyene ediomi onono nnyin ebiet, nditing-nwut, ukeme ndikabare ndi. Enye onono mbuotidem man ekesim uwem ye erinyanga ukpong.
Ndisana ediomi akabare edi ntongo ima ono onyung otode Abasi ndien oto ke oro ye kiet eken. Abasi, Ete nnyin ke Heaven amama nnyin akan onyung ofiok nnyin akan nte nnyin imade mme ifiokde idem nnyin. Mbuotidem ke Jesus Christ ye edikpuho ke idem nnyin (nkabare esit) ada mbom, mfon, ye edifen-nno edi. Emi eyeno owo-mfiomo, owo-ikpong, owo-ndutuho ndongesit emi nnyin ikutde ke uwem emi. Sia edide Abasi, Ete nnyin ke Heaven oyom nnyin ibo nkpo-nkan eno Abasi—idara Esie, uwem nsinsi Esie.
Abasi Nnyin edi Abasi ediomi. Oto ke uduot Esie, ke Enye “enim ediomi onyung enyene mbom.” Ediomi Esie ebighe “kadanga nte ini odude ekesim, mme ke nte isong edibighide, mme kadanga nte owo kiet odude kiso isong man obo erinyanga.” Inaha nte nnyin iyo-yo ke unana idorenyin ye eyighe, edi ana idara ke nti ebuana ediomi “emi enyenede-odudu akan uruk mkpa.”
Mme edinam ye ediomi eke Abasi edi eke kpukpru owo ke se eyomde ye ke owo kiet-kiet ke ifet mmo. Ke mfonido Abasi, owo kiet-kiet ke ofuri ebiet ye isua ekeme ndibo mme edinam erinyanga-ukpong. Mbumek odu—ana owo kiet-kiet emek ndibo mme edinam iko-Abasi emi enode. Mme edinam Abasi ono ndausung ke usung ediomi Esie. Nnyin ikoot uduak Abai man ida uduak erifak isok ndito Esie, uduak erinyanga-ukpong, uduak inemesit. Erifak, erinyanga-ukpong, inemesit nsinsi uwem ekeme ndida-itie koro Jesus Christ “ama anam anana-ndo erisio-isop emi.”
Ndinyene udeme ye Abasi nyung nsanga ye kiet eken ke usung ediomi Esie edi ndibo edidiong otode ke ndinyene ediomi.
Akpa, ndinyene ediomi okongo ke Jesus Christ nte “etie-ubiong ke obufa ediomi.” Kpukpru nkpo ekeme ndisanga otokiet ke ufon nnyin kini ema enam nnyin “isana ke Christ … emi odude ke ediomi Ete.” Ofuri nti ye edidiong emi ekenwongoke odu ono mbon emi enyenede mbuotidem tutu osim utit. “Inemesit mmo oro enimde mme ibet Abasi” edi ndibo “edidiong ke kpukpru nkpo, nkpo obukidem ye eke spirit,” man “ekpedung ye Abasi ke … ebiet emi utit inemesit miduhe.
Nte nnyin ikponode ediomi nnyin, ndusuk-ini nnyin iyekeme ndikere ete ke idu ke otu mme angel. Ndien nnyin iyedi—mbon emi nnyin imade enyung ediongde nnyin ke ererimbot emi ye mbon emi nnyin imade enyung ediongde nnyin eto nkang ikpehe oko.
Ibighike amiye Sister Gong ima ikut edinyene ediomi ke ata eti ndaha esie ke ubet ufokibok kiet. Ekpri ete-eyen kiet ama enehede oyom kidney transplant. Ufokemana esie etua-eyet,etre-udia, enyung ebong-akam man enye obo kidney kiet. Ini emi ebode mbuk ke enyene uwem kidney odu, sung-sung nnwan esie odoho ete, “Ami mmenim ke ufokemana andino edu ke ifure. Ndinyene ediomi edi, ke nte iko Apostle Paul, “man ntiene mbufo nkop ndongesit emi otode mbufo, nnyin inyung ida mbuotidem nnyin edem mbiba idong kiet eken esit.”
Nte idude ke uwem, nnyin imekeme ndinana mbuotidem ke Abasi, edi akananam Enye inanake mbuotidem ke idem nnyin Nte ekedide, unwana Esie osuk ayayama ono nnyin. Enye okoot nnyin ete idi inyung ifiak ika ediomi emi odude ke usung Esie. Enye ke ebet ndifat nnyin, kpa ke nnyin “idude kanga nsan-nsan.” Ini emi nnyin idade enyin mbuotidem ise uwutnkpo, ekara, ye idiongo ebuana ifiok-ukpeb nnyin, nnyin iyekeme ndikut mfonido ye osongo Esie, akpan-akpan kini idomo, ukut, ye mfina, ye nko kini idara nnyin. Nte ededi nnyin iyefum inyung iduo, edieke nnyin isangade ibine Enye, Enye eyenwam nnyin, ikpat kiet kini kiet.
Udiana, Nwed Mormon edi akpan idiongo emi nnyin ikemeke ndimum ke ubok ke ndinyene ediomi. Nwed Mormon edi nkpo-utom enwongo ono ndibok ndito Abasi emi eketingde prophecy ebanga nte obufa ediomi. Nte nnyin ikotde Nwed Mormon, ke idem nnyin ye mbon efen, mme ikpekot ke ndobo ye ndikot man uyio-oworo, nnyin imekeme ndibup Abasi “ke esit akpaniko, ye akpan ekikere, inyung inyene mbuotidem ke Christ,” inyung ibo otode ke odudu Edisana Spirit osogno eke Abasi ke Nwed Mormon edi akpaniko. Emi esine osongo ke Jesus Christ edi Andinyanga nnyin, ke Joseph Smith edi prophet Edifiak-nda-ndi, ndien ke ekot Ufok Abasi Jehovah ke enying Esie—Ufok Abasi Jesus Christ eke Latter-day Saints.
Nwed Mormon eting oto akani ye ediomi eke mfin ono mbufo emi edide ndito Lehi, “nte ndito eke mme prophet.” Mme etebom mbufo ema ebo enwongo ediomi kiet ke mbufo, nsuho mmo, eyefiok uyio kiet nte ekpetode ke ntong oworo ke Nwed Mormon. Uyio oro emi mbufo ekopde ke nte ekotde edi ntiense ke mbufo edi “ndito ediomi” nko ke Jesus edi Eti Ekpemerong mbufo.
Nwed Mormon okootnnyin owo kiet-kiet,ke iko Alma, ete ididuk “ke ediomi ye [Jehovah], ke [nnyin] iyenam nkpo ino Enye inyung inim ibet Esie, man Enye anwanga Spirit Esie oyoho-oyoho oduok [nnyin].” Ini emi nnyin iyomde ndikpuho man idi nti—nte owo kiet ewetde, “man itre ndinana-inemesit inyung ikop inem ke ndinem-esit”—nnyin iyekeme ndibo ndausung, unwam ye osongo. Nnyin imikeme ndidi ke ediomi man ibuana ye Abasi ye eboho mme andinim ke akpaniko, nnyin iyekeme ndibo edidiong emi ekenwongode ke ukpebnkpo Christ—idahaemi.
Odudu ye unen ye itie-oku emi ekefiakde eda-edi man odiong ofuri ndito Esie edi ndaha oyoho ita ke ndinyene ediomi. Ke emana emi, John the Baptist ye Apostle Peter, James, ye John ema edi nte nti ndito-utom etode Abasi man efiak eyak odudu itie-oku Esie eno. Itie-oku Abasi ye mme edinam Esie anam ebuana kisong enem onyung osongo ediomi ebuana ndinyene odudu ke heaven.
Itie-oku ekeme ndidiong ukem-ukem tongo ke ekpri kesim akamba—tongo ke enying nsekeyen kesim ndidiong itie-udi. Edidiong itie-oku ono ukok, ndongesit, ye item. Ete eyen akayat esit ye eyeneren esie tutu ima edifen-nno edi ke nte ete onode eyeneren esie inem edidiong itie-oku. Nte nkokure owo Ufok Abasi ke ufokemana esie, ediye nkaiferi kiet ikefiokke ibanga ime emi Abasi enyenede ono enye tutu enye edibo inem edidiong itie-oku. Ke ofuri ererimbot, nti patriarch ebenge idem ke spirit man eno mme edidiong eke patriarch. Nte patriarch odoride ubok esie ke ibuot mbufo, enye okop onyung eting ima Abasi ono mbufo. Enye asiak oruk-ubon mbufo ke ufok Israel. Enye owut edidiong emi otode Abasi. Ke ndikere nting, nnwan patriarch kiet eting ono mi danga nte enye ye ufokemana esie esiyomde Spirit Abasi, akpan-akpan ke mme usen emi ete mmo edinode mme edidiong patriarch.
Ke akpatre, edidiong ndinyene ediomi edi kini nnyin itienede prophet Abasi inyung idara ke ndinam ediomi temple, ye eke ndo. Ediomi ndo akabare edi akamba ye ke nsinsi ke nte nnyin ofuri usen imekd eesit inem nsanga ye ufokemana nnyin mbemiso idem nnyin. Nte “ami” akabare edi “nnyin,” nnyin ikori otokiet. Ini emi nnyin ikoride isong otokiet, nnyin ikori ikpri otokiet. Nte nnyin idiongde kiet eken ke ofuri eyo uwem ke ndifen-nno idem nnyin, nnyin ikut mme udong nnyin ye idara, ke uwem emi ye ke nsinsi.
Sia mme ndaha okpuhode, ke inamde ofuri se ikemede, se ikpenamde, ye nditim mbup nyung nyom unwam Esie ke usung isang, Jehovah eyenwam nnyin, ke ini ye ido Esie, oto ke Edisana Spirit. Enim ediomi ndo eto mbumek ke ukeukem mme andinam mmo—nkpo etide Abasi ye ukpono nnyin nno mbumek ye edidiong ekeunwam Esie kini nnyin itimde iyom oro.
Mfri edinyene ediomi ke ofuri emana odu ke ufok ye ke esit nnyin. Mbok enyime eno mi man nda uwutnkpo idem mi men nwut.
Ini emi ami ye Sister Gong iketongode ima man ido-ndo, ami mkpeb mbanga mbumek ye ubiere. Ke anyan ini, nnyin ikeka ufoknwed ke nsio-nsio idut iba ke nsio-nsio akamba-idut iba. Oro edi ntak eke ami nkemede nditim nting ke ami mmenyene PhD ke international relations.
Ini emi mbupde, “Ete ke Heaven, emenyime ami ndo Susan?” Ami mma mbo emem. Ekedi kini ami mkpebde ndibong-akam ye akpan ekikere, “Ete ke Heaven, ami mmema Susan nyung nyom ndi-do enye. Ami nnwongo kenyedi ati ebe ye ete ekenkemede ndidi”—ini eke ami nkenamde nyung nam nti ubiere mi, ndien ini oro ka akpan osongo spirit ekedi.
Idahaemi mme family tree FamilySearcheke Gong ye Lindsay, mbuk, ye ndise anwam nnyin ndikut nyung nyiri nto kie nkpo ndifiok otode ediomi eke ubon. Eke nnyin, mbon ubon emi ikponode edi:
Akamba-ekam Alice Blauer Bangerter, emi ekenyenede mbup ndo ita ke usen kiet, ekem odoho ebe esie ete odok usung ndudu-isong ekesim iko butter esie man enye ekeme ndidia butter, ekim-ofong onyung okot-nwed ke ini kiet.
Akamba etebom Loy Kuel Char emen ndito esie ke edem esie ye esisit nkpo ufokemana ke enang ke nte mmo ebede inwang ufiop-ikang eke Akamba Isuo Hawaii. Nsinifik ye nwaidem eke mme mbon ufokemana Char ediong ufokemana nnyin mfin emi.
Gram Mary Alice Powell ekesuho ye ndito ition kini ebe esie ye mkpon nkan eyen eren esie mbiba ekekpade ke usen kpot abahare. Ndidi ebekpa ke isua Aba-ye-itiaba, Gram obok ufokemana esie ye odudu ima otode mmeadausung ye mbon Ufok Abasi. Ke ediwak isua oro, Gram onwongo ono Abasi ete edieke Enye edinwamde imo, ke enye idisemeke. Abasi ama anwam enye. Enye ikesemeke.
Ndima ndito-eka iren ye iban, nte Edisana Spirit edide ntiense, ofuri nkpo se ifonde onyung edide nsinsi okongo ke ata odu-uwem Abasi, Nsinsi Ete nnyin, ye Eyen Esie, Jesus Christ, ye ke Erisio-isop Esie. Obong nnyin, Jesus Christ edi esine ufot ke ediomi. Nditing iko ntie nse mbanga Jesus Christ ntak ediomi eke Nwed Mormon. Ke enwongo ye ediomi, odudu itie-oku emi Abasi afiakde ono edi man odiong ofuri ndito Abasi, ke esit edide oto ediomi ndo, ubon ufokemana, ye edidiong eke owo kiet-kiet.
Andinyanga nnyin odoho ete, “Ami ndi Alpha ye Omega, Christ Obong, ihn, kpa Ami ndi Enye, ntongoye utit, Andifak ererimbot.”
Ye nnyin ke editongo, Enye odu ye nnyin, ke ofuri ediomi emi inyenede, ekesim utit. Ami nting iko ntiense emi ke edisana enying Jesus Christ, amen.