Ututuk Andinyanga
Nte nnyin idide itiene Enye, Abasi eyeyanga nnyin, ekpededi ndikok mme ndino nsong-idem mbanga nkpo eke ededi.
Ke nkpo nte isua Tosin iba emi ebede, Andinyanga ama osuhore edi ke akwa enyong obot nte enye ekekpepde mme nkpo. Nte Enye akasangade, Enye ama osobo ye owo akpa mfia. Owo emi ama owut ukpono ye nsuhorede idem nditongode edong nyung nyom unwam nto Christ. Se enye okodohode edi: “Obong, mme afo ekpenam mi nsana.”
Do Andinyanga ama ayan ubok Esie otuk enye, ke ndidoho, “Ami mmoyom, nte asana.”
Nnyin imekpep mi ke Andinyanga osuk oyoyom ndidiong nnyin. Ndusuk edidiong esidi idaha-idaha oro, mmo eken oyung ada ayan ini, ye ndusuk edide ke uwem ama ebe, kpasuk oro eyedi ke ini esie.
Nte akpamfia oro, nnyin imekeme ndikut odudu ye ndongesit ke uwem ndinyime udong Esie ye ndifiok ke Enye osuk oyoyom ndidiong nnyin. Nnyin imekeme ndinyene odudu ndinwana yemfina ekededi, ikan idomo, nyung nyene ime nyung nyo ke ndaha nnyin. Nte ekedide, ke ata okposong idaha uwem Esie, Andinyanga ke odudu oro ama odoho Ete Esie ete, “Yak inam nte uduak fo edide.”
Owo akpamfia iketingke iko esie nkari-nkari mme edibup ke odudu. Mme iko esie ama owut nsuhore idem, ye akwa idorenyin emi asangade ye eti udong ete yak uduak Andinyanga oworo owut idem. Enye emi edi ata uwutnkpo emi ididade itiene Christ. Nnyin imekeme nditiene Christ ye mkpe-mbiere ke udong Esie kpukpru ini edi ke ufon nnyin ke uwem isong ye nsi-nsi uwem. Enye ofiok nkpo nsinsi uwem eke nnyin mifiok-ke. Nnyin ana itiene Christ ye unyime esit emi asanga-de ekekem ye eke Ete, nte unyime Esie ekedide. Emi eyebenge nnyin idem ono nsinsi uwem.
Otim osong idem ndikere mbanga se owo akpamfia oro ekedide ebine Andinyanga ekekerede nte enye ekedide. Akpamfia esifina owo esim esip ye ikpok idem esie ye editimede colour ikpok-idem oro. Ke edimen ndian do, enye esisio owo ayan. Owo akpamfia isidungke ye mbon ufok esie edi esidu ikpong-ikpong ke ayan ebiet ko. Esibat akpamfia nte mmo oro misanake ke obukidem ye ke spirit. Ke ntak emi, mbet Moses ama odoho yak mmo esine ntaha ofong enyung ebat mmo nte “Mmo eke misanake!” ke esangade ebe. Ke udongo mmo ye iseri, mbon akpamfia ekedung ke ndon mme ke oto itiat udi. Isong-ke idem ndifiok ke akpamfia ekedide etiene Andinyanga okodu ke nduo esit.
Ndusuk ini—ke usung kiet ye eken—nnyin imekeme ndinyene nduo esit otode nnyin mme mbio efen, edide ke usung nnyin mikemeke ndinyanga. Ke usung ntem, yak imen uduak nnyin isin ke ubok Esie.
Ke mme isua ebede, Zulma—nnwan mi, okpo-nkang mi, ata eti ubak mi—ama obo etop emi mifonke ke udua iba mbemiso ndo eyen nnyin kiet. Enye ama enyene udongo ke paratid gland, udongo oro ekekori ke okposong. Iso esie ama otongo ndifut, emi akanade yak enye ososop aka akwa usiakidem. Ata ediwak ekikere ama efehe oduk enye ibuot ye esit esie. Me udongo esit idem emi ekedi okpon? Mme idem-esie edikeme didie ndikan emi? Mme nte iso esie eyekpa diana? Mme ubiak emi edikpon didie? Mme ekpa unan emi eyedu ke enyin esie? Mme udongo esitidem emi eyefiak okori ema esio enye? Mme enye eyekeme ndidu ke ndo eyen eren nnyin? Enye okodu ke nduo esit nte akanade ke ebiet usiak owo.
Ke ata akpan ini oro, spirit ama esin enye inua ke utong yak enye ekpenyime uduak Ete. Ini oro enye obioro ndisin mbuotidem esie ke Abasi. Enye enehede ekere ete se idide iboro, uduak Esie oyom ndidi eti ono enye. Ikibighike enye ede idap usiak owo.
Ke esesit, enye ama ewet esin ke diary: “Ke okpokoro usiak owo, mma nsuk ibuot nno fi, nyung nyak uwem mi nno uduak fo, mma nduo idap. Mma mfiok ke nyebuot-idem ke Afo, koro se idiok-de ikemeke ndito Fi.”
Enye ama okut odudu ye ndong-esit ke ndiyak uduak esie mmo nno eke Ete. Usen oro, Abasi ama otim odiong enye.
Se ikpededi mfina, nnyin imekeme ndibuot-idem ye Christ ye Abasi emi ibuoutde idem ino. Nte Gabriel, eyen mi kiet ekewetde inikiet ete.
Nte prophet ewetde, Iso Abasi ayama akan eke utin
ndien idet Esie otim afia akan snow
uyo Esie nko okuni nte mmong efehe-de,
ke ndida ndian Enye owo edi mbio. …
Efik mi onim ofuri-ofuri ndifiok ke ndighe nkpo ndomo kiet.
Ke emi ke ndue usung nditiene abasi nsingde idem nno.
Abasi emi nnyin ikemede ndibuot-idem osongo idorenyin nnyin. Nnyin imekeme ndibuot-idem ye Enye koro Enye ama nnyin onyung oyom se ifonde ono nnyin ke ofuri ndaha.
Akpamfia oro okoworo edi oto ke odudu idorenyin. Ererimbot ikenoho enye iboro mme ndongesit. Do, ndoro-ubok otode Andinyanga eketie nte nkpo emi enwanga-de ofuri-ofuri ukpong esie. Nnyin ikeme ndikop ntuk ye idaraesit owo akpamfia emi ke enye ndikop ututuk Andinyanga akpan-akpan kini enye okokop-de mme iko emi “Ami mmoyom; nte yak asana.”
Iko oro eting ntem “ke ata ndo-ndo oro akpamfia esie ama asana.”
Nnyin nko imekeme ndikop edima ntuk-ubok edidiong Andinyanga. Nsuto idaraesit, idorenyin ye inemesit etiene ukpong nnyin ke ndifiok ke Enye oyom ndinwam man nnyin asana! Nte nnyin idide itiene Enye, Abasi eyeyanga nnyin, ekpededi ndikok mme ndino nsong-idem mbanga nkpo eke ededi.
Ke usung ekededi, ndiyime uduak Esie—idghe—uduak nnyin, emi eyenam nnyin ifiok itie nnyin. Baba idiok kiet ikemeke ndi-to Abasi. Enye ofiok se itimde ofon ono nnyin. Ndusuk Enye idimenke mbiomo nnyin ifep idaha-idaha oro. Ndusuk ini Enye eyenam mbiomo oro edi mfefere, nte Enye akanamde ye Alma ye mbon esie. Ke akpatre, otode ke ediomo, eyedipe-de mbiomo emi, ekpededi ke uwem emi mme ke edisana Ediset ke mkpa.
Eti udong asangade yak uduak Esie, edidiong asangade ye edisana edu uwem Andifak-nsio eyenwam nnyin ndinyene mbuotidem akpamfia oro, emi akanamde enye asana. Jesus Christ edi Abasi ima, Abasi idorenyin, Abasi okok owo udongo, Abasi oyomde ndidiong nyung nnam nnyin isana. Enye oro edi se Enye okoyomde mbemiso edi ke isong emi Enye ekeyimede ndidifak nnyin kini ikeduode iduk ke idiok-nkpo. Oro edi se Enye okoyomde ke Gethhsemane kini Enye akatuak-de ada obo mme akwa ubiak ke ibuot mme idiok-nkpo nnyin. Oro edi se Enye oyomde ke emi kini Enye ebengede ono nnyin kiso Ete. Oro edi ntak emi uyio Esie osuk etingde ete: “Etiene mi, kpukpru mbufo emi ekpade mba enyung ebiomde edidobi mbiomo, ndien Ami nyeno mbufo nduok odudu.”
Enye eyekok onyung emenede nnyin ke enyong koro Enye enyene ukeme ndinam oro. Enye ama emen kpukpru ubiak ono Idemesie, ye spirit oto do esit Esie oyoho ye mbom man enye anwam nnyin ke ofuri nkpo ye edikok nnyung ndipede nnyin. Mme iko Isaiah, emi Abinadi, ewetde ediye-ediye ye uko uko ntem:
“Ke akpan, enye obiom ukut nnyin, onyung obiom mfuho. …
“… Ema eno Enye unan ke ntak nnyin, etuak enye ke idiok-nkpo nnyin, emen ufen idiok-nkpo nnyin edori enye ke ibuot; oto ke mbon ikpa esie nnyin ibo erinyanga.”
Ekpep ata ukem emi ke iko ibuot emi:
“Oh Anam-uso eke Nazareth,
Esit emi obungo-de akan se ekpediong-de,
Uwem emi, abiarade ekpere mkpa,
Oh, nte Afo emekeme ndidiong emi?”
Onyung otode ke eti ubok Esie ke mbenge-idem,
Enam edinem uwem Esie ofon
Mme nwure uwem nnyin, tutu mmo etim eda
Obufa Nkpo Ebotde—“kpukpru nkpo mbufa.”
Edieke afo ekerede ke usung ekededi ke imo isana-ke, edieke okuk-de ke imoduo, mbok fiok ete ke ekeme ndinam fi asana, koro Enye ama fi. Nim ke akpaniko baba idiok-nkpo kiet itoho Enye.
Koro Enye “osuhore akan kpukpru nkpo,” Enye ama ono ukeme edidiong kpukpru nkpo eke oduode ke uwem nnyin, man oto do efiak emen nnyin edian ye Abasi. Oto ke Enye efiak enam kpukpru nkpo ofon, mme nkpo emi edude ke ededimbot ye mme nkpo ke heaven, ndisin “emem oto ke iyip esie ke cross.”
Yak idi itiene Chrrist ke ndisanga ke mme usung enimde. Nte inamde emi, yak ido nnyin edi kiet ke iko emi, “Obong, edieke afo amade, afo emekeme ndinam mi nsana.” Edieke inamde ntem, nnyin iyebo edikok ito ubok Andikpep, emi asangade ye edinem uyo Esie oro: “Ami mmoyom; nte yak afo asana.”
Andiyanga edi Abasi emi nnyin ikemede ndibuot-idem. Enye edi Christ, emi Eyetde aran enim, Andinyanga emi ami ntingde iko ntiense mbanga, kpa Jesus Christ, amen.