Anyan ye Okposong Mbuotidem
Ndibere-dem ke Abasi esine ndibuot-idem ke ekemini Esie onyung oyom ime ye ediyo emi ebighide akan oyobio uwem.
Eyen nnyin Dan ama odongo ke misson esie ke Africa ndien ema emen enye eka itie usobo ekenanade nkpo utom. Ke ini ikokotde akpa nwed etop enye okonode nnyin udongo esie ama ekekure, ima ikere ke enye eyekop mmemidem, edi enye amakabare ewet ette, “Nte nnade ke ubet uno usobo, ma nnyene emem. Akananam nnyeneke uto anyan ye okposong inemesit ntem ke uwem mi.“
Adangante nnwan mi ye ami ikokotde mme iko emi, ekikere nnyin ama edemere Anyan ye okposong inemesit. Akananam nnyin ikopke nte ewutde inemesit ntre, edi iko esie ekedi akpaniko. Nnyin ididiongo ke inemesit emi enye etingde abanga ikedige ndikop-inem kpot mme eke edikong ndaha edi ekedi eke emem ye idara emi otode kini nnyin iyakde idem nnyin ino Abasi inyung inim Enye ke akpaniko ke ofuri nkpo.1 Nnyin nko ima inyene mme ini ntre ke uwem nnyin ke ini Abasi okodohode emem ono ukpong nnyin onyung anam inyene idorenyin ke Christ ke ini uwem okosongde onyung okpude.2
Lehi ekpep ete edieke Adam ye Eve mikoduoho “mmo ekpedu ke itie unana-ifiok, idara ikpoduhe, koro mmo mifiokke ndutuho; …
“Edi sese, ekenam kpukpru nkpo eto ke ifiok enye emi ofiokde kpukpru nkpo.
“Adam okoduo man owo ekpedu; ndien owo edu , man mmo enyene inemesit.”3
Ke ata mkpa-idem, ukut ye mfuho etim nnyin ida ikut idara edieke ibuotde idem ke Abasi ye ndutim Esie kabanga nnyin. Eting uto eke 13th-century eneghede eting akpaniko emi: Enye asuan kpukpru nkpo osiongo ke ufok mbufo, man otodo obufa idara okut ufang oduk. Enye ekibi mkpanga ikong efep ke owong esit fo, man otodo mme nsek, awawa ikong etibe ke itie mmo. Enye ewubede mkpanga odung, man mbufa odung edibede ke idak enyene ufang ndikori. Se ededi emi ukut enyeghede osio fi ke esit, ata ekese nti nkpo eyeda itie mmo.”4
President Russell M. Nelson ekpeb ete ke, “Idara emi Andinyanga onode [nnyin] … odu ofuri ini, ndisongo nnyin idem ete ke ‘ndutuho nnyin edi-di ke esisit ini’ [Doctrine and Covenants 121:7] ndien ebat eno ke udoti nnyin.”5 Idomo ye ndutuho nnyin ekeme ndiyak ufang nno akwa idara.6
Eti etop eke gospel idighe enwongo uwem emi ukut ye afanikong miduhe edi uwem oyohode ye nting-enyin ye unen—uwem eke ukut ye ndutuho nnyin eyenam “emen esin ke idara Christ.”7 Andinyanga amadoho ette, “Mbufo eyekut ukut ke ererimbot: edi esong esit; Ami nkakan ererimbot.”8 Gospel esie edi etop idorenyin. Ndutuhho asangade ye idorenyin ke Jesus Christ akama enwongo anyan idara.
Mbuk isang mme Jaredite ndika isong enwongo edi uwut-nkpo ono isang nnyin ke uwem emi. Abasi onwongo ono eyeneka Jared ye ikot esie ke Imo “iyeda [mmo] iduk isong emi eyede akan kpukpru mme isong ke ererimbot emi.”9 Enye ama eteme mmo ebop ekebe, mmo ema etongo ebop etiene item Abasi. Akanam, nte utom akade iso, eyen eka Jared ama enyene mfina kabanga usung Abasi oyomde mme ekebe oro etie. Enye ama ofiori ete:
“O Abasi,mmanam utom afo okodongde mi, nnyung mbop mme ekebe oro nte Afo etemede.
“Ndien, O Abasi, unwana iduhe ke esit mmo.”10
“O Abasi, ndi Afo eyenyime ette nnyin ibe akwa inyang emi ke ekim?”11
Ndi akananam afo amanwanga ukpong fo ono Abasi ke uto usung oro? Adangante anwanade ndidu uwem nte Abasi etemede ndien ukwe nti iboro,akanam emekere mme akpana odu uwem emi ke ekim?12
Eyen eka Jared ama emen owut nte okponde kabangade ukeme mmo ndidu uwem ke ekebe oro. Enye ama ofiori, “Ndien nko nnyin iyekpanga, koro mikemeke ndinwek ofim ke esit esie,mibohoke ofim odude ke esit mmo.”13 Ndi ndutuhore uwem anam osong ono fi ndikot ibifik onyung anam fi ekere nte edisangade ke usen ,mme ndifiak nyong idung heaven fo?
Ke Abasi ama akeda ye eyen eka Jared nditre mme mfina esie, edi Enye odoho ette, “Afo udukemeke ndibe akwa udem emi mibohoke Ami nyenam [usung nno] fi mbanga mbufit akpa ye ofum emi efimede, ye ukwo emi edide.”14
Abasi anam anwanga ke ntededi ikot Jaredites ikemeke ndisim isong enwongo ke esiode Enye efep. Idighe mmo ekeda usung, ndien nkukure usung mmo ndibe akwa udem oro ekedi ndibuotidem ke Enye. Mme nkpo-ntibe ye item Abasi emi amanam mbuoidem eye eka Jared otungo onyung osongo iberedem esie ke Abasi.
Se nte ebenge esie owongode okpong mbume ye mfina edidi mme iko mbuotidem ye iberedem.
“Ami mmofiok, O Abasi, ke Afo emenyene kpukpru odudu, onyung ekeme ndinam se Afo amade ke ufon owo; …
“Ndien, O Abasi, emekeme ndinam emi. Nnyin imodiongo ke Afo oyowut akwa odudu, emi edide ekpri ke ifiok owo .”15
Ewet ette ke mbon Jared ema esanga “eduk ekebe mmo, … enyung ewat eduk esit akpa-inyang, eyak idem mmo eno Abasi mmo.”16 Ndi yak nno oworo ndiberedem mme ndikpong nno. Ikot Jaredite ikidukke ekebe oro koro ema ediongo nnen-nnen nte nkpo editiede ke isang mmo Ekeduk koro mmo ekeberedem ke odudu Abasi, mfon,ye mbom,mmo nko ema enyime ndiyak idem mmo ye eyihe ndomokiet mme ndik mmo ekenyenede ebanga Abasi.
bighike eyeyen nnyin Abe ama okop ndik ke ndiwat ke enyong unam carousel esie kiet emi odokde onyung osuhore. Enye ama enye emi mi sangake. Ekam esie ke akpatre ekpek enye ke eye ofon, ndien, ndinim enye kakpan, enye odok. Enye ndien eting ye akamba imam, “Ami nkopke ifure, edi ami mmenyene ifure.” Kakpan oro edi ntak Jaradites eke kopde. Ndinim Abasi kakpanidighi ndikop ukpeme ke akpa, edi idara etiene.
Usung isang oro ikemeke ino mbon Jared. “Ediwak ini mmo ema esisomo ke udem inyang, koro mbufit inyang ama esito ofuk mmo.”17 Edi ewet ete “ofim ikitreke ndifim nno [mmo] nka isong enwongo.”18 Nte okpososong ndidiongo,akpan-akpan ke mme ini ke uwem nnyin ofim osongde, akpa onyung adaha, yak ibo ndongesit ke ndifiok ite Abasi ke uwak mfon Esie osuk eberi nnyin onyong ufok.
Mbuk osuk akaiso, “Ema ewat mmo eka; ndien omon ndomokiet ikiwotke mmo,ndoi unam mmong ibiongoke mmo; ndien mmo eka-iso enyene unwana, ededi ke odoro mmong mme ke idak mmong.”19 Nnyin idung ke ererimbot eke idiok mbufit mkpa, udongo ke idem ye mfre, ye kpukpru oruk idomo ye ndutuho otukde nnyin. Ndien, oto mbuotidem ke Jesus Christ ye edimek ndiberedem ke Enye, nnyin iyeka-iso inyene unwana, ededi ke odoro mme idak mmong Nnyin isong esit ke Abasi itreke ndiberi nnyin nka isong enwongo oro.
Adanga nte etopde fi ekanade ke ekebe, ndito Jared “ema ekwo itoro eno Abasi; … ndien [mmo] ema ekom enyung etoro Abasi kpukpru usen; ke okoneyo edide, mmo itreke ndikom Abasi.”20 Mmo ema edara enyung enemesit ke ufot ini afanikong mmo. Mmo ekesimke kanga ke isong unwongo, edi mmo ekop idara ke edidiong isong ujnwongo ke ntak ndiyire nyung ndu ke mbengeidem ndinim Enye kakpan.21
Mbon Jared ekesanga ke enyong akpa mmong ke usen Ikie-ita-ye-aba-ye-inang.22 Ndi afo emekere abanga oro? Iberedem ke Abasi esine ndibuotidem ke ekemini Esie onyung oyom ime ye ediyo emi ebihide akan oyobio uwem.23
Ke akpatre, idut Jared “ema ekesim isong enwongo. Ndien ke ini mmo ekesimde isong enwongo emi, mmo ema eduongo ke iso isong emi, enyung esuhore idem mmo ke iso Abasi,enyung eduok mmong eyet idara ke iso Abasi, ke ntak uwak mfon emi Enye onode mmo.24
Edieke inamde akpaniko ke, ndinim ediomi nnyin, nnyin nko usen kiet iyesim ufok ke emem, iyenyung isuk-ibot ke iso Abasi inyung itua eyet idara ino ekese mfon Esie ke uwem nnyin, esinede ukut oro enimde ufang ono ediwak idara.25
Mmono iko ntiense nte adanga nte nnyin imekde ndinyene anyan ye okposong iberedem ke Jesus Christ ye nti uduak Esie ke uwem nnyin,Enye eyeno nnyin isong-esit, ono ukpong nnyin emem, onyung anam nnyin “idorenyin ke edinyanga nnyin emi odude ke Enye.”26
Ami ndi ntiense ke Jesus edi Christ. Enye edi ntongo ofuri idara.27 Mfon Esie ekem udeme, ndien Enye enyene odudu ndinyanga.28 Enye edi unwana, ye uwem, ye idorenyin ererimbot.29 Enye idiyakke nnyin itak.30 Ke enying Jesus Chrst, amen.