Mme Nkpo uto eke Spirit
Nte mbufo esinde mbuotidem ke Obong ye Itie oku Esie, ukeme fo esik ekpere nkpo uto eke spirit eke Abasi enimde eyekori.
Esosongo ke inem ikwo oro. Nte kpukpru nnyin ikedade man ikwo ikwo oro, “Nnyin Imekom Fi. O Abasi, ke ndino Prophet,” Mma nnyene nti ekikere iba ke esit mi. Ekikere kiet abanga Prophet Joseph Smith, prophet eke emana emi. Ima ye inemesit eke ami nnyeneke nno enye okori ke ofuri usen. Udiana ekiekre eketibe ke nte ami nsede nnwan, ndito-iban, ndito-ndito-iban, ye ndito-eyeyen-iban mi. Ebiet ke ami mkpema ndimen mmo kiet-kietnte mbon ufokemana mi.
Ediwak offiong emi ekebede, ke utit ndutim temple, ami ndoho nwan mi Wendy nte, “Ami mmenim ke ndito-eka iban efiok mme nkpo uto Spirit emi edide ekemo ke temple.” Ndito-eka iban, ami mmesiwak ndikere mbanga mbufo, ke esit edide ofiong iba emi ekebede kini Wendy ye ami ikikade Harmony, Pennsylvania.
Oro ekedi oyoho isang nnyin ikaba do. Ke mbiba nnyin ima inehede ikop udong nte isangade ke edisana isong oro. Ekedi ke mkpere Harmony ke John the Baptist ekeworo owut Joseph Smith oyung afiak ada Itie Oku Aaron edi.
Do ke Apostle Peter, James, ye John ekewut idem ndida Itie Oku Melchizedek ndi.
Ekedi ke Harmony ke Emma Hale Smith akanam utom ono ebe esie nte akpa ewet-nkpo kini Prophet ekekabare Nwed Mormon.
Ekedi nko ke Harmony ke Joseph okobo eriyarare owutde uduak Abasi kabanga Emma. Obong odoho Emma ete atat iko abasi, asuan Ufokabasi, ke ndibo Edisana Spirit, nyung mbiat ini esie “ndikpeb ediwak.” Ema eteme Emma nko ete “enim kanga mme nkpo ererimbot emi onyung oyom nkpo edide nti” ndien enim ediomi esie ye Abasi. Obong eketre item esie yeme edinyik iko emi: “Emi edi uyo mmi node kpukpru.”
Kpukpru nkpo emi eketibede ke ebiet emi enyene ata ebuana ke uwem mbufo. Edifiak nda ndi itie oku, ye mme item Obong onode Emma, ekeme ndida nyung ndiong mbufo kiet kiet. Didie ke nyom mbufo efiok ete ke mfiak nda ndi itie oku enyene ufon ono fi nte nwan kpa nte eren ekededi. Koro ema efiak eda Itie oku Melchizedek edi, mbiba mme anim-ediomi iban ye mme iren enyene unen ke “kpukpru mme edidiong eke spirit eke ufokabasi,” mme, nnyin imikeme ndidoho, kotu kpukpru mkpo-uto eke spirit emi Abasi eyenede ono kpukpru ndito esie.
Kpukpru nwan ye kpukpru irenowo emi enamde ediomi ye Abasi eyung enim mme deiomi oro, emi ebuanade ke edisana ke ndutim eke itie oku, eyene nenen unen ke odudu Abasi. Mmo oro ema eke enam ndutim ke ufok Obong ebo eno eke odudu itie oku ke ndaha ediomi mmo, nko ye eno ifiok ndifiok adanga nte ekpesik ekpere odudu oro.
Heaven eberede ono iban emi ebode ndutim ye odudu Abasi ofioride oworo oto ediomi itie oku kpa nte enode mme erenowo emi enyenede itie oku. Mbong akam nte akpan iko oro ewet ke esit mbufo kiet kiet koro ami menim ke enye eye kpuhore uwem mbufo. Ndito eka iban, mbufo emeyene un en ndisik ke unyime mbufo ekpere odudu Andiyanga ke ndiwam ufokemana mbufo ye mbon emi mbufo emade.
Idahaemi, mbufo emekeme nditing nno idem fo ete, “Emi ofon, edi didie ke nkeme ndinam emi? Nkeme didie ndiduri odudu Andiyanga nsin ke idem mi?”
Afo udukwe nkpo emi nte ewetde ke nwed ndomokiet. Edisana Spirit eyedi asanga asanga andikpep fo nte afo oyomde ndifiok se Obong oyomde afo anam. Nkpo emi isopke inyung imemke, edi enye edi andino ukeme ke spirit. Nso ikeme ndidi akwa nkpo inemesit akan ndinam utom ke spirit man ofiok odudu Abasi—odudu itie-oku?
Se ami nkeme nditing nno fi edi ndiye ne unen ke odudu Abasi ke uwem fo oyom ukem nkpo emi Abasi okototde Emma ye afo kiet kiet ndinam.
Ndien, Ami nkot fi nte ekpeb ke akam section 25 of the Doctrine and Covenants onyung ofiok se Edisana Spirit ekeme ndikpep fi. Asanga asanga nduyo eke spirit fo eyemen idara nte afo enyenede, mbufiok, nyung nsin ke edinam odudu oro emi afo enyenede.
Kiet kotu nduyo eyeyom fi esin ediwak nkpo eke erierimbot. Ndusuk ini imisi ting didie didie ibanga ndisanga nworo mkpong ererimbot ye mme idomo esie, mme idomo asuanade, ye mme nsu nsu ekikere. Edi ke akpaniko ndinam oro oyom fi odomo uwem fo ese ofon ndien ndien. Nte afo anamde oro, Edisana Spirit eyeti fi abanga simidighe eti aba, ye se imifonke ke ini ye ukeme fo.
Nte afo asikde nting eyen fo okpong ntabi ererimbot ndusuk nkpo ebietde nti ono fi eyeyene akpan ndaha. Afo eyekeme ndidoho inh inh ke ndusuk nkpo, okposukedi nte ebietde anana onumo. Nte afo otungode onyung akade iso ke nkpo ini uwem ndiyak uwem fo nno Abasi, ukpuhore ke ubono nkpo fo, mme ekikere, ye odudu eke spirit eyekpa fi idem.
Idahaemi ekpri iko ndut utong. Odu mbon emi edisede ke mbio ukeme fo ke ndikot odudu Abasi. Odu mmo oro edinamde fi eyik idem fo enyung esuhore nta nta ukeme fo nte edinen anwan.
Ke ata akpaniko, andidiok iyomke fi ofiok ediomi emi ekenamde ke ini baptism mme akwa eno ifiok ye odudu emi okobode mme edibode ke temple—ufok Jehovah. Ndiene Satan ineheke iyom fi ofiok ete ke kpukpru ini emi afo anamde nkpo ke edisana oyung okponode ke temple, ke afo ameyene ukpeme ye odudu Abasi ndien mme angels “ekanre fi ekuk” .
Satan ye mme nsanga esie enehede enam ufiok usung nditre fi ndifiok eno spirit emi ekeyenede ye nte ekemede ndidiong. Ke ndiokiso, ndusuk ufiok usung ekeme ndidi iboro ndutime uwem efen. Ono mi mfuho ndikere nte ke owo mbufo ndomomkiet okop adanga mme inimke ito adausung itie oku, mme ama abiat mme ema ebianga oto ke ebe, ete, mme ndinyene ufan. Mmenehede nkop ntotungo mfuho nte ke owo mbufo odu emi ekpongde, minoho ukpono, mme efikde. Oruk ndudue oro inyeneke itie ke obio ubong Abasi.
Ke nditing, enem mmi kini mkpepde mbanga mme adausung itie oku emi enyenede udong ke ndinyene ebuana iban ke ward ye council eke stake. Mmebo nsinifik nto mme ebe kiet kiet emi emende ewut ete ke akamba ubiong utom esie edi ndise mbanga nnwan esie. Mmekom eren owo oro emi enehede okpono ukeme nwan esie ke ndibo eriyarare nyung mbat mmo ke nkpo uto ke ndo mmo nte ukem ukem owo.
Kini eren owo ofiokde akwa ye odudu eke edinen ido, ndiyom, nwan Latter-day emi anamde enwongo, odu mkpaidem ke enye okop nte enye odukde ufok?
Tongo ke Ntungo ini, ema ediong iban ye asanga asanga ndausung edinen ido—ukeme ndibahare eti ye idiok. Eno emi osongo ye mmo oro enamde enyung enimde ediomi mmo. Onyung enime ono mmo oro ekoide esin mme mbet Abasi.
Ami nsop ndidian nte ke nsioroke irenowo ke baba unsung ndomokiet nto ke Abasi oyomde ke mmo nko ke ndibahare nti ye idiok. Edi ndima ndito eka mi iban, ukeme fo ndibo akpaniko ntoke ndudue, ndidi mme andise mbannga nti nkpo ke ererimbot, edi akpan ke ukpere edem ini emi. Ndien nnyin iberedem ito ke mbufo ndikpep mbon efen ndinam ntre. Yak ami nehede nam anwanga kabanga emi: edieke ererimbot emi enanade nti uduot eke iban, ererimbot idikemeke ndifon ke nsinsi.
Nnyin mme Ndinen owo ukperedem ini idighe eke ererimbot; nnyin idi eke ediomi Israel. Ekekot nnyin ete ibenge mme owo idem ibanga edifiak ndi Andiyanga oyoho Ikaba.
Idahaemi, yak ami nam anwanga mme udiana mkpo efen kabanga iban ye itie-oku. Kini edoride mbufo ubok ndinam utom ke ikot ke ndausung otode enye emi enyenede ukpohore itie oku—nte bishop mfo mme stake presiddent—afo amebo unen itie oku ke ndinam mkpo ke ikot oro.
Ntre, ke edisana temple, afo ama obo unen ndinam mkpo nnyung ndausung ke ndutim itie-oku oro kpukpru ini afo odukde. Ndutim fo eke temple ebenge fi ndinam oro.
Adieke edide afo amanam ndutim temple fo edi uduhondo idaha emi ye eren enyede itie oku ndien owo odoho fi ete, “Mmeseme ke afo unyeneke odudu itie-oku ke ufokemana fo,” mbok fiok ete ke iko oro idighe nnennen. Afo amekeme ndinana enyene itie oku ke ufokemana fo, edi afo ama obo onyung anam ndisana edinam fo ye Abasi ke temple Esie. Edidiong eke odudu itie-oku Esie ot ke ediomi oro edisim mbufo. Ndien ti ete, edieke ebefo akpade, afo eyeda ibuot ke ufokemana fo.
Nte andinen, nwan ediomi Latter-day Saint, afo etin iko oyung ekpep ye odudu ye unen otode Abasi. Mme ekpedi nte ndisuan etop mme ke neme, nnyin iyom uyo fo ke ndikpep ubono nkpo Christ. Nnyin imeyom uyo fo ke mboho nno item eke ufokemana, ward, ye stake. Ebuana fo edi akpan akpan ndien idighe ke uyai!
Mme ndima ndito eka iban, odudu fo eyekori nte afo anamde nkpo ono mbon efen. Akam, utre-udia, ini edikot nwed Abasi, ye ndinwam ke temple, ye family history eyeberede heaven ono mbufo.
Ami mbenge mbufo nte ekpep ye akam kpukpru akpaniko ekemede ndikut kabanga odudu itie oku. Afo amekeme nditungo ye Doctrine and Covenants sections 84 and 107. Mme ibuot nwed oro eyeda fi usun osim mme nduri efen. Ikoabasi ye mme ukpep nkpo eke mbufa prophets, asiak uduak, ye andiyarare eyoho ye mme akpan iko emi. Nte ifiok mbufo okoride ye nte mbufo edomode mbuotidem fo ke odudu itie-oku, ukeme mbufo ndisik mkpere nkpo-uto spirit emi Abasi enimde ono mbufo eyekori. Nte enamde ntre, afo eyekut idem fo ofonde ekeme ndinam nsinsi ufokemana emi edidianade kiet, ndidian kiet ke temple Abasi, nyung nyoho ye ima Ete nnyin ke Heaven ye eke Jesus Christ.
Kpukpru ukeme nnyin ye kiet eken, suan ikoabasi, nam ntiowo efon, nyung nwam mme akpanga mkpa men sinke edisana temple. Nnyin idahaemi inyene temple 166 ke ofuri ererimbot, ndien ediwak kedi.
Nte afo ofiokde, Temple Salt Lake, Temple Square, ye ndian ndian plaza ekperede office ufokabasi eyediong ke utom emi editongode ke utit isua emi. Edisana temple emi ana nte etum enim ye mbengeidem ndino mme emana ini iso udong, ye utenge nte odude ke emana nnyin.
Nte Ufok Abasi okoride, eyebop ediwak temple man ediwak ufokemana ekeme ndiyene unen kabanga akwa mkpon nkan edidiong oro, eke nsinsi uwem. Nnyin ibat temple nte ke ata edisana ufok ke Ufok Abasi. Inikiet ekededi efioride ekikere ndibop obufa temple, esidi ata akamba ubak ke mbuk nnyin. Nte nnyin ikenemede mmi mbubreyo emi, mbufo ndito eka iban edi akpan ke utom eke temple, ndien temple edi ebiet se edibode nkon nkan mkpo uto eke spirit.
Mbok enehede ekpang-utong ke utenge kini ami ndisiande uduak ndibop mbufa temple itiaita. Edieke esiakde temple kiet ke ebiet emi afo amade, mbenge yak afo osuhore ibuot ke akam ekom ke esit mbufo. Enem nnyin ndisian uduak ndibop temple ke mme ebiete emi: Freetown, Sierra Leone; Orem, Utah; Port Moresby, Papua New Guinea; Bentonville, Arkansas; Bacolod, Philippines; McAllen, Texas; Cobán, Guatemala; ye Taylorsville, Utah. Esosongo ndito-eka iban. Nnyin imenehede ino ekom ke unyime mbufo kabanga uduak emi ye utenge unyime mbufo.
Idahaemi, ke nditre, ami nyema ndikpong edidiong nno mbufo, man mbufo ekpefiok ke odudu itie oku emi afo akanamde ediomi ke eyemenere odudu oro ke ndinam ke mbuotidem ke Abasi ye ke odudu Esie.
Ndima ndito-eka iban, ke ata ukpono ye ekom, ami mmewut ima mi ye mbufo. Ke nsuhore-idem, ami ndoho ke Abasi odu uwem! Jesus edi Christ. Emi edi Ufok Abasi Esie Ami nting iko ntiense emi ke edisana enying Jesus Christ, amen.