Akpatre Etop
Ata nkabare esit ke ekikere ye ke esit man etie nte Abasi oto ke edinen ido eke owo kiet-kiet.
Ndima ndito-eka mi iren ye iban, nte nnyin idisimde utit inem mbono emi, nnyin imekom Jehovah ke ndino mme etop ye ikwo emi okonode nnyin inemesit. Nnyin imenehede ibo udia eke spirit.
Nnyin imediongo ke mfiak-nda-ndi gospel Jesus Christ eyeda idorenyin ye idara osok mbon emi edikopde enyung enam ikpo ukpebnkpo Esie. Nnyin nko imediongo ke ufok kiet-kiet ekeme ndikabare ndi ebiet mbuotidem, emi emem, ima, ye Spirit Abasi ekpedude.
Nte ededi, anyanya nkpo-uto eke Mfiak-nda-ndi edi edisana temple. Mme ndisana edinam ye ediomi edi ntongo ke ndibenge mbon owo idem emi eyomde ndidara Andinyanga ke Oyoho Ikaba Edi-di Esie. Idahaemi nnyin imenyene mme temple 166 emi ekediongde, ndien ediwak ke ededi.
Eyenam ediberede mbemiso ediong obufa temple kiet ye enye emi ekefiakde ebop. Ediwak mme ufan eke midige eke edu-ukpono nnyin eyebuana ke ndisanga nkanare nse mme temple oro enyung ekpeb nkpo ebanga mme edidiong eke temple. Ndien ubak isenowo oro eyeyom ndifiok ediwak nkpo. Ubak eyenehede ebup danga nte mmo edidotde man ebo edidiong eke temple.
Nte mbon Ufok Abasi, ana nnyin ibenge idem ndiboro mbume mmo. Nnyin imekeme ndinam anwanga ke edidiong temple odu ono owo ekededi ye kpukpru owo emi edibenge-ke idem. Edi mbemiso mmo ekeme ndiduk temple kiet emi ema ekediong, mmo enyene ndidot. Jehovah oyom ofuri ndito Esie ebuana ke nsinsi edidiong emo odude ke temple Esie. Enye ama eteme se owo kiet-kiet enyene ndinam man odot ndiduk edisana ufok Esie.
Eti ebiet ke nnyin nditongo oruk ifet ukpeb oro edi ke ndise iko item emi ewetde ke esa-mbibene temple ete: “Abasi edi Edisana: Ufok eke Abasi edi emi.” Etop President Henry B. Eyring eke mfin emi ye ediwak eken ama eteme ete nnyin inehede ikabare isana. Temple kiet-kiet edi edisana ebiet; mme anam-utom kiet-kiet ke temple edomo ndikabare nsana.
Ofuri se eyom man oduk temple enyene ebuana ye edisana ido. Man edungore mbenge-idem oro, owo kiet emi oyomde ndibo edidiong temple eyenyene mbume-ndungore iba: akpa ye bishop, onoitem eke bishop, mme branch president; udiana ye president stake mme eke mission mme ye kiet kotu onoitem esie. Ke mbume-ndungore oro, eyebup ediwak mbume.
Mmi-mmi emi efiak ese ubak mbume oro man anwanga. Idahaemi ami nyema ndifiak-nse mbume oro nno mbufo:
-
Nte afo emenyene mbuotidem ke ye iko ntiense ke Abasi, Nsinsi Ete, Eyen Esie, Jesus Christ; ye ke Edisana Spirit?
-
Nte afo emenyene iko ntiense ke Erisio-isop eke Jesus Christ ye ke utom Esie nte Andinyanga ye Andifak fo?
-
Nte afo emenyene iko ntiense ke Mfiak-nda-ndi gospel Jesus Christ?
-
Nte afo emenyime President Ufok Abasi Jesus Christ eke Latter-day Saints nte prophet, asiak-uduak, ye andiyarareye nte nkokure owo ke isong emi enyenede-unen ndida ofuri ukpohode itie-oku nam nkpo.
Nnyime mme onoitem eke First Presidency ye Eboho mme Apostle Duopeba nte mme prophet, asiak-uduak, ye andiyarare.
Nte afo emeyime General Authorities eken ye mme mkpere-ufok adausung ke Ufok Abasi?
-
Jehovah ama odoho ete ke enyene ndinam ofuri nkpo “ke edisana” kiso Imo (Doctrine ye Covenants 42:41).
Nte afo omodomo ndisana ke ekikere ye ke edu uwem?
Nte afo emenim mbet mfara-ke-idem/
-
Nte afo amanam ukpebnkpo eke Ufok Abasi Jesus Christ ke ndedibe ye ke anwa-anwa edu uwem ye mbon ufokemana foye mbon efen?
-
Nte afo emenyime mme ndisongo ukpebnkpo, ido, mme ikpo ukpebnkpo ekededi emi misangake-nkpo ye Ufok Abasi Jesus Christ eke Latter-day Saints?
-
Nte afo omodomo ndinim usen Sabbath ke edisana, ke ufok ye ke Ufok Abasi; oduk esop Ufok Abasi; ebenge-idem ono onyung adia udia-Obong ke eti-esit; onyung odu ke emem ye mbet ye item iko Abasi?
-
Nte afo omodomo ndinam akpaniko ke ofuri nkpo se afo anamde?
-
Nte afo edi ekpe oyoho tithe?
-
Nte afo omofiok onyung enim Iko Ifiok?
-
Nte afo emenyene ubiong okuk mme ubiong eken ye akani owo-ndo mme ye ndito fo?
Edieke edide ihn, nte afo amanam mme ubiong oro idahaemi?
-
Nte afo emenim mme ediomi emi afo akanamde ke temple, ke esit edide ndisine ofongidem temple nte eketemede kini endowment?
-
Nte odu akpan idioknkpo ke uwem fo emi anade nte enehede ye akama itie-oku nte ubak nkpo eke nkabare esit fo?
-
Nte afo emekere ke afo omodot ndiduk ufok Jehovah nyung mbuana ke edinam iko Abasi eke temple?
Mkpong, eyedeme mme mbume nwed temple emi efiakde enam mi eno mme adausung eke Ufok Abasi ke ofuri ererimbot.
Ke ndidian ke mmo ndiboro mbume oroke esit akpaniko, efiok ete ke akamba anam-utom temple kiet-kiet eyesine edisana ofongidem eke itie-oku ke idak ata ofongidem mmo. Emi edi idiongo owutde ubiere esit-idem man odomo kpukpru usen ke ndikabare ntie nte Abasi. Oro nko eti nnyin abanga ndinam mme ediomi kpukpru usen nyung nsanga ke usung edimi kpukpru usen ke edikong ye edisana usung.
Idahaemi, ke esisit ini, ami nyema nditing iko nno iwaad nnyin. Nnyin idoho yak mbufo edot ndibo esisit-ini nwed temple. Eyebup mbufo mme mbume emi edinwamde mbufo ndibenge-idem nno mme edinam iko Abasi eke uduok-mmong ye ndori-ubok ke itie mme akpa-mkpa. Nnyin imenem esit ke mbufo ndidot nyung nyime ndibuana ke edisana utom temple oro. Nnyin imekom mbufo!
Oyom ata mbenge-idem eke owo kiet-kiet ke spirit man owo kiet-kiet odot ndiduk ufok Jehovah. Edi ye unwam Abasi, idhe se idisongde ikan ndinam. Ke ndaha efen, emem ndibop temple akan ndinyene mbon owo emi ebengeke-idem nno temple. Ata nkabare esit ke ekikere ye ke esit man etie nte Abasi oto ke edinen ido eke owo kiet-kiet, man edi eti owo kiet ke obio, man edi eti uwutnkpo, man onyung edi edisana owo.
Ami nsongo nte ke oruk utom mbenge-idem oro eyeda anana-ibat edidiong edi ke uwem emi ye ediwak edidiong ke uwem emi edidide, ke esit edide nkok ufokemana mbufo nditot ke ofuri nsinsi “ke ebiet emi utit inemesit miduhe.”
Idahaemi ami nyema ndiwongore nka ibuot iko efen: mme uduak kabanga isua emi edidide. Kini nsehe-eto eke isua 2020, eyedi ata isua Ikie-iba tongo nte Joseph Smith okokut utibe-nkpo emi nnyin ifiokde nte Akpa Nkukut. Abasi Ete ye Edima Eyen Esie, Jesus Christ, ema ebiongode eno Joseph, eyenowong isua Duopenang. Nkpo-ntibe oro okowut ntongo Mfiak-nda-ndi iko Abasi Jesus Christ ke oyoho ndaha esie, akpan-akpan nte ekesisnde ke Edisana Bible.
Ekem adiana-ke-adiana edi-di otode mme isungutom heaven, ke esit edide Moroni, John the Baptist, ye mme akpa Apostles Peter, James, ye John. Mbno efen etiene, ke esit edide Moses, Elias,ye Elijah. Mmo kiet-kiet ekeda edisana unen man ediong ndito Abasi ini kiet efen edi ke isong.
Nte utibe-nkpo, nnyin imebo nko Nwed Mormon: Testament Jesus Christ Efen, emi edide udiana nwed Abasi ono Edisana Bible. Mme eriyarare emi ewetde-esin ke Doctrine ye Covenants ye Pearl of Great Price enehede nko osongoifiok nnyin kabanga item ye nsinsi akpaniko eke Abasi.
Ema efiak eyak mme ukpohode ye itie-utom eke itie-oku eno, ke esit edide itie-utom eke Apostle, Seventy, patriarch, akwa oku, elder, bishop, oku, teacher, ye deacon. Ndien iban emi emade Abasi enehede enwam ke Relief Society, Primary, Nkaiferi Iban, Sunday School, ye ikoot efen ke Ufok Abasi—ofuri akpan ebiet eke Mfiak-nda-ndi iko Abasi Jesus Christ ke oyoho ndaha esie.
Ntre, eyesio isua oro 2020 enim nte oyoho isua Ikie-iba. Akwa mbono eke Ofiong Inang isua efen eyenyene ukpuhode kotu nkani mbono eken. Keufang ofiong Itiokiet emi edidide, ami mmenim ke ofuri mbon Ufok Abasi ye ufokemana eyebenge-idem eno asanga-asanga mbono emi editide ata ntongo mfiak-nda-ndi iko Abasi.
Afo emekeme nditongo mbenge-idem mbufo ke ndifiak nkot mbuk Joseph Smith kabanga Akpa Nkukut nte ewetde ke Pearl of Great Price. Nwed ukpebnkpo nnyin eke isua efen ke Di, Tiene Mi edi Nwed Mormon. Afo emekeme ndikere oruk akpan mbume ke esit nte, “Didie ke uwem mi edikpuho edieke ediwabare ifiok eke ami nnyenede nto Nwed Mormon ibo ifeb?” mme “Didie ke nkpo-ntibe emi akadianade Akpa Nkukut anam ukpuhode ono mi ye mbonima mi?” Nko, diana ndise-video Nwed Mormon emi odude idahaemi, afo emekeme ndidian mmo nno edikot Nwed Abasi ke idem fo ye ke ufokemana.
Mek mbume mbufo. Siak uduak eke mbufo. Buuk idem mbufo ke ubong-unwana eke Mfiak-nda-ndi. Nte enamde, akwa mbono eke ofiong Inang efen ididige nkpo edi-ti kpot; eyedi se owo midifreke.
Idahaemi ke nditre, ami mmeyak ima ye edidiong nno mbufo man otodo mbufo owo kiet-kiet enehede enem esit enyung esana ke nte usen kiet-kiet ebede. Idahaemi, mbok enim ke eriyarare osuk akaka-iso odu ke Ufok Abasi ndien ke eyeka-iso ke nte Abasi adade usung tutu “enam ofuri utom Abasi ekure, ndien Akwa Jehovah eyedoho ete ke enam otom oro.”
Ami ndiong mbufo ntre, mfiak nsongo ima mi no mbufo, ye ik ntiense mi nte ke Abasi odu ke uwem! Jesus edi Christ! Emi edi Ufok Abasi Esie ndien nnyin idi ikot Esie. Ke edisana enying Jesus Chrst, amen.