На овој Ден
Нашиот жив пророк го одработува својот дел да ја преплави земјата со Книгата на Мормон. Мора да го следиме неговото водство.
Драги мои браќа и сестри, во Книгата на Мормон фразата „овој ден“1 се користи постојано за да се привлече вниманието на советите, ветувањата и учењата. Царот Венијамин, во своето последно обраќање, го опомена народот: „Послушајте ги моите зборови што ќе ви ги кажам на овој ден; … отворете ги ушите за да можете да слушнете, и вашите срца за да разберете, и вашите умови за да ви се откријат Божјите тајни“.2 Генералната конференција е слично опкружување. Доаѓаме да го слушнеме советот за „овој ден“, за да можеме да бидеме „верни во секое време“3 на Господ и Неговото евангелие Притискањето врз мене „овој ден“ е важноста да ја обновиме нашата посветеност на Книгата на Мормон, која Џозеф Смит ја нарече „најправилната од која било книга на земјата.“4
Во раката држам примерок од Книгата на Мормон. Ова е моето старо издание од 1970 година и е многу важно за мене. По својот изглед, таа е уморна и истрошена, но ниту една друга книга не е толку важна во мојот живот и за моето сведоштво како оваа. Читајќи го, добив сведоштво преку Духот дека Исус Христос е Син Божји,5 дека Тој е мојот Спасител,6дека овие свети списи се словото Божјо7 и дека Евангелието е обновено.8 Овие вистини почиваат длабоко во мене. Како што рекол пророкот Нефи, „Мојата душа се радува во нештата на Господ“.9
Од лево кон десно: Старешина Роналд А. Расбенд, млад мисионер; Претседател Харолд Вилкинсон, Претседател на Мисијата на Источните американски држави; и СтарешинаМерион Д. Хенкс, Генерален Овластен за Седумдесетминара.
Еве ја заднината на приказната. Како млад мисионер, го послушав советот на Старешина Мерион Д. Хенкс, кој не посети на Мисијата на Источните држави. Тој беше поранешен Претседател на Британската мисија и двајца негови мисионери се на штандот денес: моите драги браќа, Старешуна Џефри Р. Холанд и Старешина Квентин Л. Кук.10 Исто како со неговите мисионери во Англија, тој нѐ поттикна да ги прочитаме необележаните примероци на Книгата на Мормон најмалку два пати. Ја презедов задачата. За Првото читање требаше да означам или да подвлечам сè што укажуваше или сведочеше за Исус Христос. Користев црвен молив и подвлеков многу пасуси. Вториот пат, Старешина Хенкс рече да ги обележиме принципите и доктрината на евангелието, а овој пат јас користев сино за да ги обележам светите писма. Ја прочитав Книгата на Мормон два пати, како што беше предложено, а потоа уште два пати користејќи жолта и црна боја за да ги обележам пасусите што ми изгледаа важни.11 Како што може да видите, фатив многу белешки.
Имаше нешто многу повеќе во моето читање, од едноставно обележување на стиховите. Со секое читање на Книгата на Мормон, од почеток до крај, бев исполнет со длабока љубов кон Господ. Почувствував длабоко вкоренет сведок за вистинитоста на Неговите учења и како тие се применуваат на „денес“. Оваа книга одговара на нејзиниот наслов, „Уште едно сведоштво за Исус Христос“.12 Преку тоа проучување и добиеното духовно сведоштво, станав мисионер на Книгата на Мормон и ученик на Исус Христос.13
На „Овој ден“, еден од најголемите мисионери на Книгата на Мормон е претседателот Расел М. Нелсон. Кога беше новоповикан апостол, тој држеше предавања во Акра, Гана.14 Присуствуваа достоинственици, вклучувајќи го и африканскиот племенски крал, со кого тој разговараше преку преведувач. Кралот бил сериозен ученик на Библијата и го сакал Господ. По забелешките на Претседателот Нелсон, му пријде тој крал, кој на совршен англиски праша: „Само кој си ти?“ Претседателот Нелсон објасни дека е ракоположен апостол на Исус Христос.15 Следното прашање на кралот било „Што можеш да ме научиш за Исус Христос?“16
Претседателот Нелсон посегнал по Книгата на Мормон и му ја отворил на 3 Нефи 11. Заедно, Претседателот Нелсон и кралот ја прочитале проповедта на Спасителот до Нефитите: „Ете, јас сум Исус Христос, за кого пророците пророкуваа дека ќе дојде на светот. … Јас сум светлината и животот на светот.”17
Претседателот Нелсон му го подари на кралот тој примерок од Книгата на Мормон, на што кралот одговори: „Можеше да ми дадеш дијаманти или рубини, но ништо не ми е поскапоцено од ова дополнително знаење за Господ Исус Христос“.18
Тоа не е единствениот пример за тоа како нашиот сакан пророк ја споделува Книгата на Мормон. Тој им дал примароци на Книгата на Мормон на стотици луѓе, и секогаш го споделувал своето сведоштво за Исус Христос. Кога претседателот Нелсон се среќава со гости, претседатели, кралеви, шефови на држави, водачи на бизниси и организации и на различни вери, без разлика дали се во седиштето на Црквата или на нивните локации, тој со почит ја презентира оваа книга за обелоденетото свето писмо. Тој можеше да им даде толку многу работи завиткани во панделки што може да седат на маса или биро или во кабинети како потсетник за неговата посета. Наместо тоа, тој го дава она што за него е најскапоцено, многу повеќе од рубините и дијамантите, како што опиша племенскиот крал.
„Вистините од Книгата на Мормон“, рече Претседателот Нелсон, „имаат моќ да лекуваат, утешуваат, обновуваат, помагаат, зајакнуваат, смират и да ги развеселат нашите души“.19 Гледав како овие примероци од Книгата на Мормон беа одненеадеж зграбени од оние кои ги добија од нашиот Божји пророк. Не би можело да има поголем подарок.
Неодамна се сретна и со првата дама на Гамбија во неговата канцеларија и понизно ѝ ја врачи Книгата на Мормон. Тој не застана тука. Ги отвори страниците на книгата за да чита со неа, да поучува и да сведочи за Исус Христос, Неговото Помирување и Неговата љубов кон сите Негови деца-секаде.
Нашиот жив пророк го одработува својот дел да ја преплави земјата со Книгата на Мормон.20 Но, тој не може сам да ги отвори портите што ќе дозволат да протече водата. Мора да го следиме неговото водство.
Инспириран од неговиот пример, се обидував понизно и пожестоко да ја споделам Книгата на Мормон.
Неодамна бев на задача во Мозамбик. Граѓаните на оваа прекрасна земја се борат со сиромаштија, слабо здравје, невработеност, бури и политички немири. Ја имав честа да се сретнам со претседателот на земјата, Филипе Њуси. На негово барање, се молев за него и за неговата нација; Му реков дека градиме храм на Исус Христос21 во неговата земја. На крајот од нашата посета, му презентираб примерок од Книгата на Мормон на португалски, неговиот мајчин јазик. Додека тој со благодарност ја прифаќаше книгата, сведочев за надежта и ветувањето за неговиот народ, што може да се најдат во Господовите зборови на нејзините страници.22
Во друга прилика, мојата сопруга Мелани и јас се сретнавме со кралот Леци III од Лесото и неговата сопруга во нивниот дом.23 За нас, најважниот момент од нашата посета беше подарувањето на примерок од Книгата на Мормон а потоа споделувањето на моето сведоштво. Кога ќе се навратам на тоа искуство и на другите, ми паѓа на памет еден стих од светото писмо од подоцнежните денови: „Целосноста на моето евангелие може да се прогласи од слабите и едноставните, до краевите на светот, и пред цареви и владетели“.24
Ја споделив Книгата на Мормон со индиската Амбасадорка во Обединетите нации во Женева, Индра Мани Пандеј25со Неговата Светост Патријарх Вартоломеј26од Источната православна црква; и со многу други. Го почувствував Господовиот Дух со нас додека лично им го предавав овој „темелник на нашата религија“ 27 и го давав моето сведоштво за Исус Христос, камен-темелникот на нашата вера.28
Сега, браќа и сестри, не мора да одите во Мозамбик или Индија или да се сретнете со кралеви и владетели за да ја дадете некому оваа книга со свети учења и ветувања. Ве поканувам, на овој деn, да им ја подарите Книгата на Мормон на вашите пријатели и семејството, соработниците на работа, вашиот фудбалски тренер, или производителот од вашиот пазар. Ним им се потребни зборовите на Господ кои се наоѓаат во оваа книга. Ним им требаат одговори на прашањата од секојдневниот живот и за вечниот живот што доаѓа. Тие треба да знаат за заветниот пат поставен пред нив и за постојаната љубов на Господ кон нив. Сето тоа е тука во Книгата на Мормон.
Кога ќе им ја предадете Книгата на Мормон, ги отворате нивните умови и срца за Божјата реч. Не треба да носите печатени примероци од книгата со вас. Можете лесно да го споделите од вашиот мобилен телефон од делот за свети списи на апликацијата Gospel Library.29
Помислете на сите оние кои би можеле да бидат благословени со евангелието во нивните животи, а потоа испратете им копија од Книгата на Мормон од вашиот телефон. Не заборавајте да го вклучите вашето сведоштво и како оваа книга го благословила вашиот живот.
Почитувано мои пријатели, како Апостол на Господ, повторно ја упатувам мојата покана да го следите нашиот сакан пророк, Претседателот Нелсон, во преплавувањето на земјата со Книгата на Мормон. Потребата е толку голема; треба да дејствуваме сега. Ветувам дека ќе учествувате во “најголемото дело на земјата” собирот на Израел,30 идејќи сте инспирирани да допрете до оние што биле „зачувани од вистината затоа што не знаат каде да ја најдат“.31 Тие имаат потреба од вашето сведоштво и сведоштво за тоа како оваа книга ви го промени вашиот живот и ве приближи до Бога, Неговиот мир,32 и Неговата „прилози на голема радост“.33
Сведочам дека по божествен план Книгата на Мормон била подготвена во древна Америка за да се појави и да ја објави Божјата реч, да донесе души на Исус Христос и Неговото обновено евангелие, на “овој ден“. Во името на Исус Христос, амин.