Opim ol windo bilong Heven

Ikam long Elda Neil L. Andersen

Bilong Kwarum bilong Twelpela Aposel

Ol windo bilong heven i op long ol kainkain we. Trastim taim bilong Bikpela; ol blesing save kam.

Long taim mi stap long Saut Amerika, Brada Roger Parra bilong Venezuela serim ol dispela ekspiriens wantaim mi:

“Long 2019 Venezuela ibin guria long ol wari i mekim wanpela pawa blekaut long faivpela de.

“Bagarap na nogat luksave i stap long ol ples rot, na planti ol manmeri igat nid i nogat inap kaikai.

“Sampela istat long stilim kaikai long ol bisnis, bagarapim olgeta samting long rot bilong ol.

“Olsem ona bilong wanpela liklik bekri, Mi bin wari nogut tru long bisnis bilong mipela. Olsem wanpela famili, mipela kamapim tingting long givim olgeta kaikai insait long bekri long ol manmeri igat nid.

“Long wanpela dak nait ol pait long olgeta ap. Wari tru bilong mi em lukautim bilong meri na ol pikinini bilong mi.

“Long taim san i kirap mi go long bekri bilong mipela. Sore tumas, Olgeta kaikai bisnis arere ol stil man ibin bagarapim, tasol long hamamas bilong mi, bekri bilong mipela istap yet. Nogat wanpela samting i bagarap. Mi tenkim Papa bilong mi long Heaven.

“Kam long haus mi tokim famili bilong mi long blesing na lukautim bilong God.

“Olgeta i hamamas tru.

“Bikpela pikinini man bilong mi, Rogelio, 12 pela krismas tasol, it ok, ‘Papa! Mi save long wanem sto bilong yumi igat lukautim. Yu na Mama save peim taiting bilong yutupela olgeta taim.’”

Brada Parra pinis olsem: “Ol toktok bilong Malachi ikam long tingting bilong mi. ‘Bai mi pasim ol binatang na ol i no ken bagarapim ol gaden bilong yupela’ [Malachi 3:11]. Mipela brukim skru na tenkim Papa long Heven long mirakel bilong Em.”¹

Parra famili.

Soim Mi nau

Olgeta samting yumi gat na olgeta samting long yumi i kam long God. Olsem ol disaipel bilong Jisas Krais, yumi serim wantaim ol narapela arere long yumi.

Wantaim olgeta Bikpela givim long yumi, Em askim yumi long givim gobek long Em na Kindom bilong Em long graun 10 pesen long olgeta yumi gat. Em promisim yumi olsem taim yumi stap tru long taitin bilong yumi, Em bai “opim ol windo bilong heven, na kapsaitim wanpela blesing, we bai inogat inap rum long kisim.”² Em i promisim yumi olsem Em bai lukautim yumi long man nugut.³ Dispela ol promis i tru,⁵ Bikpela i tokaut, “traim mi nau,”⁴ wanpela ap tok ino stap long olgeta ap insait long skripsa.

Ol windo bilong heven i op long ol kainkain we. Sampela bilong nau tasol, tasol planti em spirit. Sampela em gutpela na isi lukluk na aburusim. Trastim taim bilong Bikpela; ol blesing save kam.

Yumi sore wantaim ol husat i traim long igat samting bilong laip. Sios i donetim 54 milion U.S mani long halivim ol pikinini na mama long wol husat igat bagarap.⁶ Na wantaim ol ofaring bilong wanwan mun, ol gutpela Bisop bilong yumi halivim ol tausen wanwan wik husat i nidim kaikai, kolos na selta antap long hed bilong ol. Wanpela stretpela we tasol long aburusim poveti long dispela wol i gospel bilong Jisas Krais.⁷

wanpela meta bilong Feit

Aposel Paul i tok lukaut olsem save bilong man i save long ol samting bilong man tasol i het long save long ol samting bilong God.⁸ Wol i save toktok long taiting olsem mani, tasol holi lo bilong taiting em wanpela toktru long feit bilong yumi. Stap hones wantaim taiting bilong yumi em wanpela we yumi soim laik bilong yumi long putim Bikpela pas long laip bilong yumi, antap long ol kea na intres bilong yumi. Mi promisim yu taim yu igat trast long Bikpela, ol blesing bilong heven bai bihainim.

Jisas tok givim “igo long Caesar ol samting bilong Caesar; na igo long God ol samting bilong God.”⁹ Kirap bek Seivia askim ol lain bilong Nifai long raitim long rekot bilong ol promis bilong Em stap insait long Malachi.¹⁰ De bilong yumi, Bikpela tok gen lo divain lo bilong taiting, tokaut: “Dispela em bai stat bilong taiting bilong ol pipol bilong Mi. Na [ol] bai peim wan-ten bilong olgeta intres wanpela yia; na dispela bai wanpela sanap lo bilong ol oltaim.“¹¹

Bikpela i dairektim olsem wanem wok taiting mas igo, tok olsem, “Kisim olgeta tait kam insait long stohaus,”¹²minim kisim kam ol tait ikam insait long ristod kindom bilong Em, Sios bilong Jisas krais bilong ol Seint long Las-De.¹³ Em dairektim olsem yus bilong dispela holi tait bai prea ikam long wanpela kaunsil bilong Nambawan Presidensi, Kwarum bilong ol Twelpela Aposel, Presaidin ol Bisop, “na ikam long maos bilong Mi igo long ol, Bikpela i tok.”¹⁴

Holi Mani bilong Bikpela

Dispela holi mani ino bilong ol lida bilong Sios. Ol bilong Bikpela. Ol wokman bilong Em i save long dispela holi wok.

Presiden Gordon B. Hinckly i stori long ekspiriens taim em liklik: “Taim mi bin wanpela liklik mangi Mi tok wanpela askim long papa bilong Mi long ol mani bilong sios. Em i tokim mi olsem wok bilong mi God i givim em long peim taiting na ofaring. Taim mi mekim olsem, [papa bilong mi tok,] wanem mi givim ino moa bilong mi. Em bilong Bikpela long husat mi mekim holi.” Papa bilong em i tok moa: “Wanmen ol atoriti bilong Sios mekim wantaim em ino konsen bilong [yu, Gordon]. Ol bai ansa long Bikpela, husat bai askim long wok lukautim long han bilong ol.”¹⁵

Mipela i pilim tru evi bilong “ansarim Bikpela.”

Ol Jeneres Tait na Ofarin.

Long jeneres ol tait na ofaring yu mekim holi long Bikpela, laspela yia moa long wan bilion U.S mani ibin usim long blesim husat igat nid.¹⁶

Long ol inpoten woki bilong mipela long kisim ristod gospel igo long wol, mipela igat 71,000 pela misinari sev long 414 pela ol misin.¹⁷ Bicos long ol tait na ofaring bilong yupela, ol misinari, maski famili situesen bilong ol ino gutpela, ol i sev.

Ol i bildim ol temple long wol we ino olsem bipo. Nau yet, 177 pela temple i oparet, 59 pela istap nauyet long konstratsen o renovesen, na 79 moa istap long plen na disain.¹⁸ Ol tait bilong yu i alowim ol blesing bilong temple long stap long ol peles Bikpela iken lukim.

Igat moa long 30,000pela lotu manmeri lotu long ol tausen pela haus lotu na ol narapela fasiliti insait long 195 pela ol kauntri na teritori.¹⁹ Bikos long ol feitful tait bilong yupela, Sios i kamapim long ol longwe peles yu no bin visitim namel long ol gutpela ol seint yu no save.

Sios nauyet i sponsarim faivpela ol institusen bilong bikpela lainim.²⁰ Dispelai sevim moa long 145,000 pela skul manmeri. Wan hanret na ten tausen pela klasrum i lainim long wanwan wik long ol seminari na institut.²¹

Dispela ol blesing na planti moa ikam long bikpela moa ikonomi we ol yangpela na olpela i peim hones tait.

Pawa bilong spirit long taiting ikam long antap i no makim wantaim amas mani yumi givim, long ol man igat na wantaim ol pua Bikpela i komandim long givim 10 pesen bilong inkam bilong ol.²² Pawa isave kam long yumi putim trast bilong yumi long Bikpela.²³

Dispela planti moa bilong Bikpela ikam thru long ol jeneres tait bilong yupela i strongim bihain bilong Sios, givim o opotuniti long kisim go yet wok bilong Bikpela long hap we mipela ino ekspiriensim. Olgeta Bikpela i save, na long taim, yumi bai lukim olgeta holi pepos bilong Em i inapim.²⁴

Ol blesing save kan long kainkainl we

Ol blesing bilong taiting ikam long kainkain we. Long 1998, mi bin go wantaim pastem Elda Henry B. Eyring long wanpela bikpela Sios miting long Utah eria nau ol ikolim Silicon Slopes, wanpela komuniti bilong kamapim ol nupela na gutpela ol teknologi. Em bin taim bilong gutpela sindaun bilong longpela taim, na Elda Eyring i tok lukaut long ol Seint long noken komperim wanem ol igat long ol narapela na long laikim moa. Mi bai olgeta taim tingim promis bilong em, olsem taim ol i peim hones taiting bilong ol, laikim bilong ol samting bilong graun bai pinis. Namel long tupela yia, ol gutpela teknoloji wei bilong ol i no kamap gut. Planti nogat wok, na ol kampani i painim hat long dispela taim long wokim mani. Ol husat i bihainim kaunsel bilong Presiden Eyring ibin gat blesing.

Promis bilong em i mekim mi tingim narapela ekspiriens. Mi bungim Charlotte Hlimi 12 pela krismas bilong em klostu long Carcassonne, long France, long 1990 taim mi sev olsem wanpela Misin Presiden. Hlimi famili wanpela feitful famili ol i stap long wanpela apatmen wantaim etpela pikinini. Ol igat wanpela piksa bilong Seivia na bilong Profet antap long wol. Insait long intaviu bilong patriakel blesing bilong em, Mi askim Charlotte sapos em i peim hones taiting. Em bekim, “Yes, Presiden Andersen. Mama bilong mi lainim mi olsem igat blesing bilong bodi na spirit we i save kam long peim taiting bilong yumi. Mama bilong mi lainim mi olsem sapos yumi peim taiting olgeta taim, yumi no inap laikim wanpela samting. Na Presiden Andersen, mipela ino laikim wanpela samting.”

Hlimi famili.

Long givim tok orait long serim stori bilong em, Charlotte, nau 45 pela krismas na sil insait long temple, tok olsem: “Tesimoni bilong mi long taiting em i tru, na i strong tru nau. Mi hamamas tru long dispela komanmen. Taim mi wokim dispela mi kontinu lon gat blesing.”²⁵

Wapela de wanwan bilong yumi bai pinisim rot bilong yumi long graun. Twenti-faivpela yia igo pinis, sampela de bipo mama bilong meri bilong mi, Martha williams, i dai long cancer, em bin kisim wanpela liklik sek long meil. Em ariap tru askim meri bilong mi Kathy long sekbuk bilong em long peim taiting bilong em. Olsem mama bilong em i wik tru na ino inap rait, Kathy askim sapos em iken raitim sek bilong em. Mama bilong em bekim, “Nogat kathy. Mi laik mekim mi yet.” Na bihain em tok, “Mi laik stap stret bipo long Bikpela.” Wanpela bilong laspela samting Kathy mekim long mama bilong em i givim taiting envilop bilong em long bisop.

Inpoten Wok bilong God

Ol brada na susa bilong mi, Sios bilong Jisas krais bilong ol Seint long Las-De i “isi long save,”²⁶ i kisim ol planti gutpela blesing ikam long graun. Igat ol lain husat bai hamamas long yumi igo na ol lain bai ino inap. Mi bin tingting long ol gutpela wod bilong Gamaliel, husat taim i lukim ol mirakel bilong Peter na John, em i tok lukaut long kaunsil bilong Jerusalem:

“Larim [dispela ol man] sapos dispela em wok bilong man, em bai no inap kamap:

“Tasol sapos em bilong God, yu no inap pasim; nugut yu painim yuyet pait wantaim God.”²⁷

Yu na mi pat bilong inpoten wok bilong God antap long graun. Em bai no inap kam pinis tasol bai kontinu long igo yet long wol, redim rot bilong kambek bilong Seivia. President Russell M. Nelson tokaut: “long ol de long kam, yumi bai lukim ol bikpela samting bai kamap long pawa bilong Seivia we wol ino bin lukim. Namel long nau na taim Em i kambek, Em bai givim planti spesol rait, ol blesing, na ol mirakel antap long ol feitful.”²⁸

Dispela em witnes bilong mi. Jisas Em i Krais. Dispela em holi wok bilong Em. Em bai kam gen. Long nem bilong Jisas Krais, amen.

Ol nout

1. Personal correspondence bilong Roger Parra, Aug. 4, 2023.

2. Malachi 3:10

3. Lukim Malachi 3:11. Elda Jeffrey R. Holland tok: “long laip bilong mi, eksampel, Mi bin lukim promis bilong God i kamap na Em bai ‘stopim bagarap bikos [long mi]’(Malachi 3:11]. Dispela blesing long lukautim mi long ivel i stap antap long mi na ol famili bilong mi i antap tru long mak mi no save. Tasol mi bilip olsem lukaut ikam long antap, etlis sampela, bikos long strongpela tingting bilong yumi, wanwan na olsem famili, long peim taiting” (“Like a Watered Garden,” Liahona,Jan. 2002, 38).

4. “Bikpela bai opim ol windo bilong heven tru long nid bilong yumi, na ino long pasin bilong mangal. Sapos yumi peim taiting long igat planti, yumi mekim long ron risen . … Ol blesing long man i save givim bai ino olgeta taim kam olsem mani o ol samting bilong graun” (Ol tisin bilong Gordon B. Hinckley [1997], 657).

5. Malachi 3:10; 3 Nifai 24:10

6. Lukim “The Church of Jesus Christ Is Helping Alleviate Global Malnutrition,” Aug. 11, 2023, newsroom.ChurchofJesusChrist.org; see also “How the Church of Jesus Christ and UNICEF Are Keeping Mothers and Children Healthy and Safe,” Aug. 17, 2023, newsroom.ChurchofJesusChrist.org.

7. “Na Bikpela i kolim ol pipol bilong em Saion, bikos ol istap wantaim wanpela bel na wanpela tingting, na stap insait long pasin bilong stap stret; na no bin gat wanpela pua man namel long ol” (Moses 7:18).

8. Lukim 1 Corinthians 2:14. Tingting bilong man ino save stap wantaim wisdom bilong God. Long De bilong Malachi, planti igo long we long Bikpela. Bikpela .”i gim wok long ol Kavanen manmeri bilong Em, “Kambek long mi, na Mi bai kambek long yu.” Wanem i kam wantaim dispela invitesen i inpoten tru askim long yumi wanwan: “Tasol yu tok, Long wanem hap bai yumi kambek?” (Malachi 3:7). O long narapela wod, “Wanem bai mi senisim? Olsem wanem mi bai go klostu long yu?” Bikpela save ansa long tism ol inpoten bilong taiting, ino olsem wanpela lo bilong mani, tasol wanpela rot yu inap lukim long tanim ol laik bilong yumi long Em

   Mipela save luksave dispela insait long famili bilong mipela. Mama bilong Katthy kamap sios memba long krismas 22. Martha na Bernard Williams save go long Sios long sotpela taim, tasol bihain long em igo long narapela peles ol igo les ektiv. Bernard kisim wanpela militeri wok long go long narapela peles, na Martha gobek long hom long Tampa, Florida, long we em i ekseptim invitesen long stap wantaim anti na ankol bilong em husat ino laikim Sios. Stap long ol daun pasin sindaun, em igat nambawan pikinini bilong em na no save go long sios, Martha Williams mekim disisen long salim taiting sek bilong em igo long bisop. bihain long laip bilong em, taim askim long wanem, em tok em tingim samting ol misinari bin tisim em long taiting na ol blesing bilong God: “Mipela i nidim tru ol blesing bilong God long laip bilong mipela,na mi stat long salim taiting sek bilong mi igo long bisop.” Martha na Bernard Williams ikam bek long Sios. Bikpela blesing bilong ol—sixpela jeneresen ibin gat blesing bikos long disisen long peim taiting taim em nogat wanpela samting tasol feit long God na hop long ol promis bilong Em.

9. Matthew 22:21.

10. Lukim 3 Nifai 24.

11. Doktrin na ol Kavanen 119:3–4. “Taitin em donesen bilong wanpela-ten bilong pe bilong wanpela igo long Sios bilong God (lukim Doktrin na ol Kavanen 119:3–4; intares yumi save em i min pe). Olgeta memba husat igat pe mas peim taiting” (Jenerol Henbuk: Sev insait long Sios bilong Jisas Krais bilong ol Seint long Las-De, 34.3.1, Gospel Laibrari).

12. Malachi 3:10.

13. “Yumi peim taiting, olsem Seivia i tisim, long kisim ol taiting igo long stohaus’ [Malachi 3:10; 3 Nifai 24:10]. Yumi mekim dispela long peim taiting bilong yumi long bisop o brans presiden. Yumi no peim taiting long givim igo long ol fevaret siariti. Ol kontribusen yumi inap mekim long ol siariti kam long ol fand bilong yumi, ino long ol taitin yumi yumi mas peim igo long stohaus bilong Bikpela” (Dallin H. Oaks, “Tithing,” EnsainMay 1994, 35).

14. Doktrin na ol Kavanen 120:1.

15. Gordon B. Hinckley, “Rise to a Larger Vision of the Work,” Ensain, Mei 1990,96.

16. Lukim “2022 Ripot long Olsem wanem Sios bilong Jisas Krais Lukautim Ol lain igat Nid,” Mas. 22, 2023, newsroom.churchofjesuschrist.org.

17. Ikam long imeil bilong Misinari Dipatmen, Sep 14, 2023.

18. Lukim “Temple Lischurchofjesuschrist.org/temples/list.

19. Ikam thru imeil long Member and Statistical Records, July 28, 2023.

20. Dispela kam wantaim Brigham Young Univesity, Brigham Young University–Idaho, Brigham Young University–Hawaii, EnsianCollege, na BYU Pathway Worldwide.

21. Ikam long emeil long Seminari na Institut long, Julai 28, 2023.

22. Lukim Jenerol Henbuk, 34.3.1.

23. President Dallin H. Oaks serim dispela stori long tras inait long Bikpela: “Mama bilong mi man bilong em i dai sapotim tripela yangpela pikinini long wanpela [liklik] pei tru. Mi askim mama bilong mi long wanem em peim moa long taiting wantaim pei bilong em. Mi no lustintin tok klia bilong em: ‘Dallin, Igat ol sampela husat ino inap wari taim ol ino peim taiting, tasol yumi no inap. Bikpela i sus long kisim papa bilong yupela na lusim mi long lukautim yupela ol pikinini. Mi no inap mekim wantaim ol blesing bilong Bikpela, na Mi kisim ol blesing taim peim wanpela hones taiting’” (“Tithing,” 33).

24. “thru long lukaukim bilong God, na ol tribulsen bai kam long mi, olosem sios bai sanap em yet antap long olgeta narapela krisa aninit long selesiol wol” (Doktrin na ol Kavanen 78:14).

25. Long personal correspondence long Charlotte Martin, Aug. 30, 2023.

26. Doktring na ol Kavanen 1:30.

27. Acts 5:38–39.

28. Russell M. Nelson, “Overcome the World and Find Rest,” LiahonaNov. 2022, 95.