![](https://www.churchofjesuschrist.org/imgs/https%3A%2F%2Fassets.churchofjesuschrist.org%2F0e%2Fdf%2F0edf2c1314416b578d2b1adf8b3a20518aa05710%2F0edf2c1314416b578d2b1adf8b3a20518aa05710.jpeg/full/!250,/0/default)
Amamas Bilong Yu Bai Bikpela Olsem Wanem
Mi nau invaitim yupela long kisim “save,”bilong yupela wantaim ol testimoni bilong yupela, na go long wanpela misin.
Dia ol brata susa bilong mi, ol tingting bilong mi tede i stap long bungim bilong Israel, wanem Presiden Russell M. Nelson i kolim “em i moa impoten wok i kamap long ples graun tede. Nogat wanpela samting i wankain olsem long bikpela bilong en, impotens, nogat wanpela samting i wankain long strong.”1
Dispela bung em i luksave olsem “pe bilong dispela sol em i bikpela long ai bilong God.”2 Em i isi olsem tasol. Yumi bungim ol, pikinini bilong God long dispela ol las de bai ol i gat “blesing i kapsait antap long het bilong ol”3 na promis bilong “ol samting i dia tumas bilong oltaim oltaim.”4 Ikam wantaim long bungim Israel yumi nidim ol misinari—planti moa.5 Tede, Mi toktok long ol planti ol sinia lain bilong Sios husat i ken sev olsem misinari. Bikpela i nidim yu. Mipela i nidim yu long New York na Chicago, Australia na Africa, Thailand na Mexico, na olgeta hap i stap namel.
Mi kisim yu go bek long yia 2015. Mi bin nupela memba long Kwarum bilong ol twel[ela Aposel. Wanpela ol naispela wok mipela i karim olsem ol Aposel em long asainim ol misinari long ol hap ol bai wok long en. Mi bin tek pat olsem Seventi long dispela proses,6 tasol nau, olsem wanpela Aposel, mi pilim hevi bilong dispela asainmen. Mi stat wantaim prea na putim ol yangpela elda na sista wan wan, long ol misin long wol. Bihain, mi go long ol sinia kapel. I bin gat 10pela long lis. I no planti tumas. Mi kirap nogut,, mi askim asosiet bilong mi long Misinari Dipatmen,“Hamas yumi nidim dispela wik long pulumapim ol rikwes?”
Em i bekim, “tri handret.”
Dispela momen i stap wantaim mi: 10pela kapel long pulumapim 300pela rikwes.
Presiden Russell M. Nelson i enkarisim ol kapel long “go daun long skru na askim Papa long Heven sapos taim i rait long ol i sevim misin.”7 Long olgeta mak yu ken gat, em i tok, “wanpela laik long sev em i moa impoten.”8
Skripsa i tok, “Sapos yu gat laik long sevim God yu bai kisim kol long wok.”9 Dispela wok em lo bilong kamautim kaikai. Yumi ritim long John, “Tupela wantaim bai amamas man i planim na man i kamautim.”10
Mi lukim dispela lo bilong kamautim kaikai i kamap tru long famili bilong mi.
Sampela yia i go, Mi go long visitim famili taim bisop i askim mi long toktok long pinis bilong sakramen sevis.11 Taim mi kam daun , wanpela meri kam long mi wantaim ol 7pela pikinini bilong em na introdusim em yet olsem Sista Rebecca Guzman.
Em askim, “Elda Rasband, yu save long Rulon na Verda Rasband?”
Mi smail na bekim, “Ol papamama bilong mi.”
Yu ken lukim dispela stori i go we. Wantaim tok orait bilong Rebecca, husat i stap hia wantaim famili long Konferens senta, mi serim famili stori bilong em.12
Papamama bilong mi, Elda Rulon na Sister Verda Rasband, i sev olsem sinia kapel long Fort Lauderdale Florida Misin.13 Ol i bin prosalait na nok long haus dua bilong Rebecca. Em bin yangpela meri na save laikim musik bilong ol Osmond, moa yet, poro bilong mi Donny—husat i stap hia tu tede.14 Em bin harim intaviu bilong ol na lainim olsem ol i memba bilong Sios bilong Jisas Krais bilong ol Seint long Las-de. Em bin pilim samting i narakain long ol, na em i tingting ating em mas lotu bilong ol, Rebecca spendim tupela yia long mekim rises long ol bilip bilong Sios long skul librari. So, taim tupela gutpela kapel i nok long haus dua bilong famili na introdusim ol yet olsem ol Las-de Seint misinari, em i kirap nogut.
“Mama bilong mi tokim mi long rausim ol,” Rebecca i raitim bihain, “tasol bel bilong mi i tok ‘No.’ Mi lukluk long pes bilong ol na pilim planti lav na gutpela pasin. Tingting ya save bringim aiwara na bikpela piling long bel bilong mi.”15
Rebecca invaitim ol insait, na ol misinari papamama bilong mi i serim toktok wantaim em, tupela yangpela susa bilong em, na maski em ino wanbel, mama bilong em.
Rebecca tokim mi, “Tupela papamama bilong yu i bin bekim klia tru ol askim mipela i bin gat. Mi ken stil lukim ol pes bilong ol olsem lait i raunim ol. Mipela save hagim mama bilong yu taim em i lusim mipela na em save rispektim gut stret long mama bilong mi. Papa bilong yu ai bilong em i save lait taim em i save tisim mipela long Jisas Krais. Em traim long kisim papa bilong mi kam insait long ol diskasen na em i bin winim em. Papa bilong mi bin wanpela sef long lokel kauntri klab na em save kukim ol dina kaikai bilong ol papamama bilong yu, wantaim tu feveret bilong papa bilong yu, ki laim pai.”16
Taim Elda na Sista Rasband askim Rebecca na famili long ritim Buk Momon,Rebecca mekim long 5pela dei. Em bin laik long baptais nau yet, tasol ol narapela famili memba i no bin redi. Bihain long 4pela mun, Rebecca strong long baptais na joinim trupela Sios. Em tingim bek, “Olgeta rop long bodi bilong mi i save olsem em i tru.”17 Long Epril 5, 1979, Rebecca i gat 19 pela krismas, ol misinari baptaisim em, mama bilong em na tupela sista. Papa bilong mi bin witnes long baptisim.
Taim mi bungim Rebecca na famili long sios, mipela kisim piksa long famili bilong em na mi. Mi kisim go long mama bilong mi na em i holim long lewa bilong em. Bihain em i tok long mi, “Ronnie, dispela em dei bilong amamas long laip bilong mi.”
Bekim bilong mama mekim mi askim ol sinia bilong yumi, “Yu mekim wanem long dispela taim long laip bilong yu?” I gat planti wei ol sinia misinari ken mekim samting ol narapela i nonap mekim. Yu wanpela strongpela fos long mekim gutpela, stap long taim long Sios, and sanap long enkarisim na sevim ol pikinini bilong God.
Sampela bilong yupela bai tingting, “Tasol olsem wanem long lusim ol bubu? Mipela bai misim ol famili samting, ol betde, ol poro, na tu ol lukaut enimol.” Sapos mi bin askim mama wai em na Papa bin go long sevim misin, mi save em bai tok, “Mi gat ol bubu. Mi laik ol bai save olsem mi na papa bilong yu i sev long misin pil, mipela laik setim eksampel bilong ol tumbuna pikinini, na mipela i kisim blesing, bikpela blesing.”
Taim mi visitim ol misinari long wol, Mi lukim ol gutpela narakain sevis bilong ol sinia misinari. Em i klia ol i amamas long mekim “laik bilong Bikpela”na mekim wok bilong Bikpela.”18
Long sampela, na mipela i hop bilong planti tausen bilong yupela, pul taim misinari sevis long narapela kona bilong wol em bai rait hap.19 Bilong ol narapela, sevim Sios sevis misin long ples em bai gutpela moa. Bikos long hevi bilong helt na ol narapela sindaun, i gat ol lain husat i no inap long sev. Mipela i klia long ol dispela sindaun, na mi hop yupela bai painim wei long sapotim ol lain husat i sev. Bihainim kaunsel bilong profet na pre long save wanem Bikpela laikim yu long mekim.
Ol misin fil long wol i krai long halivim bilong yu. Presiden Russell M. Nelson i tok long ol sinia misinari “Ol i yangpela long spirit, wais na i gat laik long wok.”20
Long fil, yu gat kainkain naispela opotuniti: yu bai sev long misin opis o temple, strongim ol yangpela misinari, strongim ol liklik brans, wok long famili histori senta o long sampela sait i gat histori, tisim institut, givim sevis long ol manmeri, wok wantaim ol yangpela adalt, helivim long painim wok o fam bilong sios. Ol liklik hap wok yu bai mekim, wanem i gutpela long yu, we ol i nidim yu, na hau yu bai kamap long hap i stap long websait bilong “Senior Missionary.”21 Yu ken toktok tu wantaim bisop o brans presiden bilong yu.
Mi kolim ol planti sinia misinari long sev na lukim taim dispela Lait bilong Krais i pulapim ol.22 Taim ol i kam bek ol i toktok long ol i gro klostu moa long Bikpela na long wanpela narapela, pilim spirit bilong Bikpela kapsait long ol, na save ol i mekim senis.24 Husat bai no laikim dispela?
Misin i ken gutpela sapta long laip bilong wanpela kapel. Wanpela gutpela taitol bai olsem “Bikpela bilong Mi Bai gat Nid long Mi.”24 Yu bai stap long graun yu no save gut long em, tasol pawa bilong Spirit bai mekim yu pilim yu stap long ples stret.
Ol papamama bilong mi na ten tausen ol misinari kapel i berim testimoni long amamas ol i painim long misinari wok. Bikpela i tok long Las-de skripsa, “Na sapos em i kamap olsem yu bai krai tanim bel long ol dispela lain pipol, na bringim, wanpela sol i kam long mi, wanem kain bikpela amamas bai kamap wantaim em long kingdom bilong Papa bilong mi!”25
Isaiah i givim yumi wanpela klia tingting long mining bilong sev long misin “fil.” Skripsa i tokim yumi “fil em i dispela wol.”26 Dispela bikpela profet bilong bipo i raitim, “Olsem yu bai go aut wantaim amamas, na bai go wantaim bel isi: ol maunten na ol liklik maunten bai bruk long singsing, na olgeta diwai bilong pul bai paitim han.”27 Ol maunten, ol liklik maunten, ol fil, na ol diwai i olsem ol misin presiden, ol bisop, ol distrik lida, ol memba, na ol lain husat i painim toktru tasol “ino save we ol bai painim,”28 Ol bai testifai olsem ol sinia misinari sinisim olgeta samting wantaim testimoni bilong Seivia na Ridima, Jisas Krais.
Olsem Aposel bilong Bikpela Jisas Krais, mi askim yupela long sev olsem misinari long wok bilong bungim israel na ating sev gen. Mipela nidim yu—mipela nidim yu. Mipela i tenkim yupela ol sinia, long laip yupela i lidim na long eksampel yupela i soim long ol ples bilong yupela long wod na steik bilong yupela. Mi nau invaitim yupela long kisim “save,”bilong yupela wantaim ol testimoni bilong yupela, na go long wanpela misin. Mi pre bai neks taim mi sindaun long asainim ol sinia kapel bai i gat ol handret long yupela i wetim kol bilong yupela.
Mi promis tu olsem taim yupela sev yupela bai pilim lav bilong Bikpela long laip bilong yupela, yupela bai save long Em, Em bai save long yupela na “dispela bai bikpela amamas bilong yupela.”29 Strongpela sevis bilong yupela long Jisas Krais bai blesim na kirapim tingting bilong ol famili bilong yupela, ol tumbuna bilong yupela. “Bel isi, na lav [bai] kamap planti”30 long laip bilong ol long planti yia bai kam. Mi promis. Long nem bilong Jisas Krais, amen.