Poro bilong Stap Oltaim
Yu na mi i gat sans long gat Holi Gos olsem poro bilong yumi olgeta taim.
Ol brata susa bilong mi, long dispela konferens yumi gat blesing taim revelesen i kapsait long yumi. Ol wokman bilong Bikpela Jisas Krais i toktok na bai tokim ol toktru, enkarismen, na daireksen.
Mi pilim ol testimoni mi harim long konferens na save olsem Bikpela save toktok long yumi wanwan thru long Holi Gos. Taim yumi pre na bihainim tingting bilong Spirit, yumi kisim klia tingting na blesing long gaidim yumi long ol dispela de i hat tumas.
Yumi harim gen Presiden Russell M. Nelson i givim tok lukaut olsem long ol de i kam bai i no inap long stap nating na i nogat gaidens, daireksen na gutpela poroman bilong Holi Gos.”1
Dispela tok lukaut i kam long profet i mekim mi tingting wanem mi bai lainim ol pikinini bilong mi, ol tumbuna na ol pikinini bilong ol long hau long gat dispela gaidens long ol hatpela de i kam.
So, toktok tede em i sotpela leta i go long ol tumbuna bilong mi iken helpim ol taim mi no stap wantaim ol long ol de i kam stap. Mi laik ol bai save long wanem mi save bai helpim ol.
Mi save wanem ol bai mas mekim long gat poroman bilong Holi Gos long ol de we ol bai stap. Na mi pilim spirit i tokim mi long toktok long ekspiriens bilong mi yet long invaitim Holi Gos, long kamap poro bilong mi. Prea bilong mi em olsem mi bai ken enkarisim ol.
Mi bai statim ol long tingim ol pikinini bilong Hilaman, Nifai na Lihai, na ol narapela wokman bilong Bikpela i wok wantaim ol. Ol i pesim birua. Ol i bin sev long nogut hap tru na i mas pesim ol planti bikpela hevi. Mi kisim strong, yu tu ken, long dispela wanpela ves long rekot bilong Hilaman:
“Na long seventi na nain yia ol bikpela hevi bin stat. Tasol em i kamap we Nifai na Lihai, na planti ol brata husat i save long trupela doktrin, bikos ol i bin gat planti revelesen olgeta de, ol i bin tokaut long ol pipol, na ol i bin stretim tok kros insait long dispela yia yet.”2
Dispela stori enkarisim mi, na iken enkarisim yu. Ol pikinini bilong Hilaman i kisim skul na gaidens long ol sampela ekspiriens wantaim Holi Gos. Dispela i strongim mi olsem yumi ken kisim skul long Spirit taim em i lainim yumi lain antap long lain, bai yumi kisim wanem yumi nidim, na bihain taim yumi redi, bai yumi kisim moa.
Mi kisim enkarismen tu long wankain wei long stori bilong Nifai i go bek long Jerusalem long kisim ol plet long Laban. Yu tingim sois em mekim. Em tok: “Mi bai go na wokim ol dispela samting em Bikpela i bin tok.”3
Ekspiriens bilong Nifai wantaim Holi Gos long dispela wok i givim mi strong planti taim mi stat long ol wok mi save i kam long Bikpela tasol i luk olsem i hat tumas long save bilong mi.
Yu tingim wanem Nifai i tok long dispela ekspiriens: “Na mipela bin kam long nait, na mi tokim ol [brata bilong mi] long hait ausait long banis. Na bihain ol i hait, mi, Nifai, bin hait na go isi isi insait long siti na go het long hap bilong haus bilong Leban.”
Em i tok: “Na Spirit i bin lidim mi, na mi no bin save pastaim wanem samting mi mas wokim.”4
Mi pilim strong taim mi save Nifai bin gat Spirit long gaidim em long taim em i mekim wok bilong Bikpela long nait.
Yumi nidim, na yumi bai nidim, Holi Gos long stap wantaim yumi olgeta taim. Yumi laikim dispela, tasol yumi save olsem em ino isi long kisim. Yumi save tingim na tok na mekim, samting long laip olgeta de i mekim nogut long Spirit.
Taim dispela kamap, yumi bai pilim Bikpela i no wanbel long yumi. Na yumi bai pilim olsem yumi stap yumi yet. Em i impoten long tingim dispela promis yumi kisim wanwan wik taim yumi tanim bel na kisim sakramen, “Bai ol i gat Spirit bilong Em oltaim i stap wantaim ol.”5
Sapos yu pilim strong Holi Gos tede, yu bai kisim strongpela tingting olsem Atonmen i wok long laip bilong yu.
Olsem Elda Jeffrey R. Holland i tok: “Taim ol dispela taim i kamap, yumi noken wari olsem God i lusim yumi o Em i no harim ol prea bilong yumi. Em save harim yumi. Em save lukim yumi. Em save lavim yumi.”6
Dispela save i helpim mi. Taim mi pilim longwe long Bikpela, taim ol ansa bilong prea bilong mi i no kam hariap, mi lainim long bihainim kaunsel bilong Presiden Nelson long lukluk long laip bilong mi na painim ol sans long tanim bel. Em i rimainim yumi, “Tanim bel olgeta de em i rot i go long klinpela pasin, na bai bringim pawa.”7
Sapos yu painim yu gat hat taim long pilim Holi Gos, yu bai tingting sapos i gat samting yu nid long tanim bel long en na kisim pogivnes.8 Yu ken pre wantaim feit long save wanem yu mas mekim long kamap klin na inap long kisim poroman bilong Holi Gos oltaim.
Sapos yu laik kisim poroman bilong Holi Gos, yu mas laikim long ol gutpela samting. Pepos bilong yu i mas pepos bilong Bikpela. Sapos yu mekim long selpis pasin, yu bai painim hat long kisim tingting i kamap long Spirit.
Ki em long laikim samting Seivia i laikim. Wok bilong yumi i mas go wantaim piua lav bilong Krais. Prea bilong yumi mas olsem “Olgeta mi laikim em wanem yu laikim. Laik bilong yu bai kamap.”
Mi save traim long tingim sakripais bilong Seivia na lav bilong Em long mi. Taim mi pre long Papa long Heven long givim tenkyu, mi pilim lav olsem ol prea bilong mi Em i harim na mi bai kisim wanem i gutpela long ol husat mi lavim. Em i strongim testimoni bilong mi.
Long olgeta samting Holi Gos i testifai long en, dispela i gutpela tumas em Jisas em i Krais, Pikinini man bilong God i stap oltaim. Seivia i promis: “Taim dispela Helpim i kam, husat mi bai salim long yupela i kam long Papa, em dispela Spirit bilong toktru, bai kam long Papa, em bai testifai long mi.”9
Sampela yia igo pinis, mi bin kisim pon kol long wanpela mama i wari tru. Em tokim mi pikinini meri bilong em i lusim hom na muv i go. Em i pilim long liklik toktok long fon wantaim em olsem sampela samting i rong. Em i plid wantaim mi long helpim.
Mi painaut husat em hom tisa bilong pikinini bilong em. Yu ken lukim long nem olsem emi longpela taim pinis. Mi ringim em. Em bin yangpela. Tasol em i tokim mi olsem em na kompenion bilong em i kirap long biknait wantaim wari olsem dispela pikinini meri bai mekim sampela sois bai bringim sore na hevi. Wantaim dispela tingting bilong Spirit, ol i go lukim em.
Pastaim, em no laik tokim ol long sindaun bilong em. wantain inspairesen, Ol i plid wantaim em long tanim bel na susim rot Bikpela i makim bilong em. Em i luksave bihain, mi bilip wantaim Spirit, olsem wanpela wei tasol ol bin mas save em bin bikos long God. Mama i bin tanim ol wari bilong em i go long Papa long Heven na Seivia. Holi Gos i kam long ol hom tisa bikos ol i bin gat laik long sevim Bikpela. Ol i bihainim kaunsel na promis i stap long Doktrin na ol Kavanen:
“Larim ol bel bilong yupela bai pulap long siariti i go long olgeta man, na long hauslain bilong feit, na larim gutpela pasin istap insait long tingting bilong yumi olgeta taim; bai yumi kisim strong long God; na long doktrin bilong prishud bai stap long sol bilong yu olsem ren ikam long heven.
“Holi Gos bai kamap oltaim poro bilong yu, na stik bilng yu bai no inap senis na bai stik bilong stretpela pasin na toktru, na bosim bilong yu bai stap oltaim, ba bai nogat hevi na bai ron olsem oltaim oltaim.”10
Mi testifai olsem Bikpela i kipim promis bilong Em. Holi Gos i wok long kam long ol feitpul memba bilong Sios bilong Jisas Krais. Ol ekspiriens bilong yupela bai narakain, na Spirit bai gaid long wei i gutpela long yupela i kisim revelesen bilong ol lain yu lavim na sevim. Mi pre wantaim olgeta lewa bilong mi bai strong bilong yupela i gro.
Mi berim witnes olsem God Papa i stap. Em i lavim yu. “Em i save harim ol prea bilong yu. Jisas Krais i bin pre long Papa long salim Holi Spirit long gaidim, helpim na testifai long toktru long yumi. Papa na bilaved pikinini bilong Em i kamap long Joseeph Smitht aninit long ol diwai. Profet Jospeh Smith i tanim tok long Buk Momon wantaim pawa bilong God.
Ol lain long Heven i save karim ol toktok i bringim kam bek ol prishud ki. Presiden Russell M. Nelson em i profet bilong God bilong olgeta ples graun.
Olsem witnes bilong Jisas Krais, Mi save Em i stap na lidim dispela Sios bilong Em. Yu na Mi i gat sans long gat Holi Gos olsem poro bilong yumi oltaim bai ol toktru i strong taim yumi tingim lav bilong Seivia, tanim bel na askim long lav bilong Em bai stap long bel bilong yumi. Mi pre bai yumi gat dispela blesing tede na poroman bilong Holi Gos dispela de na olgeta de long laip bilong yumi. Mi lavim yupela. Long sekret nem bilong Jisas Krais, amen.