Amamas i go long Man
Yumi gat bikpela blesing tru long save long ol samting yumi save bikos yumi gat Joseph Smith, profet bilong dispela laspela dispensesen bilong taim.
Ol brata susa, mi gat ona long stap wantaim yupela dispela moning. Mi pre bai Bikpela i blesim mi.
Ol ai bilong mi i no olsem bipo. Mi go na lukim ai dokta, na mi tok, “Mi no inap lukim teleprompta.”
Na em i tok, “Orait, ol ai bilong yu i lapun. Ol bai no inap long senis.”
So Mi bai traim bes bilong mi.
Mi laik serim wantaim yupela sampela samting i stap long tingting bilong mi. Mi wok long tingting long Profet Joseph long ol hamas mun i go. Mi sindaun na tingting long bikpela wok long em i kamap profet bilong dispela, taim dispela dispensesin bilong olgeta taim.
Mi ting yumi gat bikpela tenkyu tumas olsem ol memba bilong Sios bilong Jisas Krais bilong ol Seint long Las-de olsem Joseph Smith, wanpela boi husat i laik save wanem em bai wokim bai sin bilong em i raus, painim strong long go insait long ol diwai klostu long ples bilong em long Palmyra, New York, na long hap nil dain long prea—long toktok bilong em yet—pre long nambawan taim (see Joseph Smith—History 1:14).
Long dispela taim, Joseph go daun long skru bilong em long Sekred Grov, ol heven i op. Tupela man, i lait tumas olsem sanm i kamap long em. Wanpela i toktok long em na tok, “[Joseph,] dispela em i bilaved pikinini bilong Mi. Harim Em!” (Joseph Smith—History 1:17). Dispela i statim Restoresen bilong olgeta evalasting gospel bilong Jisas Krais.
Bikos Jisas, Seivia na Ridima bilong yumi, i toktok long boi Joseph na opim dispela dispensesen bilong taim yumi nau stap long em, yumi singsing “Amamas long Man husat i toktok wantaim Jehovah!” (“Praise to the Man,” Hymns, no. 27). Yumi tenkim Bikpela long Joseph Smith na karij bilong em long go insait long ol diwai long 1820, klostu long ples bilong em Palmyra, New York.
Mi tingting long ol naispela samting yumi save na olgeta samting yumi gat. Ol brata susa, testimoni bilong mi long dispela moning em hau yumi gat ol planti blesing long save long olgeta samting yumi save long en bikos yumi gat Joseph Smith, profet bilong dispela laspela dispensesen.
Yumi save long pepos bilong laip, long yumi husat.
Yumi save husat em God; yumi save husat em Seivia, bikos Joseph, husat bin go aninit long ol diwai olsem wanpela boi, long painim pogivnes long ol sin bilong em.
Mi ting em i wanpela naispela samting wanpela long dispela wol ken save—olsem Papa long Heven ma Bikpela Jisas Krais i soim Ol yet long dispela las-de na olsem Joseph Smith em i bon long kisim olgeta dispela gospel bilong Jisas Krais.
Yumi gat Buk Momon. Wanem naispela presen em Buk Momon long ol memba bilong Sios. Em i narapela witnes, narapela testamen olsem Jisas em i Krais. Yumi gat bikos Joseph bin woti long go kisim ol plet, i bin gat gutpela tingting i kam long heven long tanim tok wantaim presen na pawa bilong God na givim long dispela wol.
Toktok bilong mi dispela moning i isi,i dip, na i gat planti lav bilong Profet Joseph Smith na long olgeta dispela, ol brata susa, husat i sasteinim em na i wanbel long sasteinim em taim em i yangpela.
Dispela moning mi laik peim tribiut long mama bilong em. Mi save tingting hau em i nais tumas taim Joseph i kam bek long ekspiriens long Grov na tokim mama bilong em wanem samting i kamap, Lucy Mack Smith bilipim em.
Mi tenkyu long papa na ol brata na susa bilong em na famili tu, husat i sasteinim em long bikpela wok Bikpela i putim antap long em long kamap profet long ristorim olgeta gospel bilong Jisas Krais long ples graun gen.
So testimoni bilong mi dispela moning em long save olsem Jisas Krais i Seivia na Ridima bilong dispela wol. Mi save tu olsem Papa long Heven na Bikpela Jisas Krais i kamap na toktok long Joseph na redim em long kamap profet.
Mi amamas, na mi save planti long yupela tu i amamas, long hau yumi gat blesing long save wanem yumi save long pepos bilong laip, wai yumi stap hia, wanem yumi traim long mekim na kamapim long laip bilong yumi. Yumi stap long wokabaut long traim redim yumi yet, wan wan de, long kamap gutpela liklik, long gat gutpela pasin, na redi long dispela de, em bai kam, na bai yumi go bek long stap bilong Papa long Heven na Bikpela Jisas Krais.
Bilong mi em i kam klostu stap. Klostu bai mi 95. Ol pikinini bilong mi tokim mi ol ting mi lapun moa sampela de, em i orait. Mi traim bes bilong mi.
Tasol long sampela 50 yias, brata na susa, Mi gat privilis long raun long wol long asainmen olsem Jeneral Atoriti bilong Sios. Em i gutpela blesing tru. Mi ting mi kamap long olgeta hap bilong wol. Mi bungim ol memba bilong Sios long olgeta hap bilong wol.
O, mi laivim yupela. Em wanpela bikpela ekspiriens—long lukluk long ol pes bilong yupela, stap wantaim yupela, na pilim lav yupela i gat long Bikpela na Restoresen bilong gospel bilong Jisas Krais.
Bai Papa long Heven lukautim yumi nau na blesim olgeta samting long dispela konferens. Bai yumi gat Spirit bilong Bikpela pulapim bel bilong yumi, na bai lav bilong yumi long gospel bilong Jisas Krais—Seivia bilong yumi, Bikpela Jisas Krais—pulap taim yumi traim hat long sevim Em na kipim komanmen bilong Em na kamap moa olsem Em taim yumi kam long jeneral konferens. Wanem hap yu stap long dispela wol, bai God blesim yu. Bai Spirit bilong Bikpela stap wantaim yumi. Bai yumi pilim pawa bilong heven taim yumi lotu wantaim long dispela sesin bilong konferens.
Mi lusim witnes bilong mi na testimoni olsem mi save Jisas em i Krais. Em i Sevia bilong yumi, Ridima bilong yumi. Em i bes pren bilong yumi. Long sekret nem bilong Jisas Krais, amen.