![](https://www.churchofjesuschrist.org/imgs/https%3A%2F%2Fassets.churchofjesuschrist.org%2Fca%2Fc3%2Fcac32fe9ee71fde1beac2c8555123726e8ffee9e%2Fcac32fe9ee71fde1beac2c8555123726e8ffee9e.jpeg/full/!250,/0/default)
Kavanen Konfidens thru long Jisas Krais
Taim yumi go insait long haus bilong Bikpela, yumi stat long sekred wokabaut long lainim long kamap antap na moa holi disaipel bilong Krais.
Ol brata na susa, Mi pre yumi ken kamap nupela long spirit bilong ol toktok i kam long ol lidas bilong yumi dispela wiken na amamas long wanem mi save laik kolim “kavanen konfidens thru long Jisas Krais.” Dispela konfidens em i promis bilong kisim ol blesing we God i promisim ol lain husat i kipim ol kavanen bilong ol na i nidim namel long ol salens yumi bungim long ol de bilong yumi.
Konstraksen bilong ol nupela haus bilong Bikpela long wol, aninit long lidasip bilong Presiden Russell M. Nelson, i kamapim bikpela hamamas namel long ol Sios membas na i wanpela impoten sain bilong mekim bikpela kingdom bilong Bikpela.
Mi tingim go bek long ekspiriens bilong mi long dedikesen bilong Feather River California Temple las Oktoba, Mi tingting sapos sampela taim yumi lus long amamas bilong nupela temple long ol siti na komuniti na lus ting long holi pepos bilong ol sekred kavanen yumi mekim long temple.
Long fran bilong wanwan temple i gat strongpela toktok: “Holines igo long Bikpela.” Dispela toktok i klia invitesen olsem taim yumi go insait long haus bilong Bikpela, yumi statim sekred wokabaut long lainim na kamap moa antap na holi disaipel bilong Krais. Taim yumi mekim ol kavanen insait long holines long ai bilong God na komit long bihainim Seivia, yumi kisim pawa long senisim ol bel, mekim nupela ol spirit bilong yumi, na strongim rilesensip wantaim Em. Ol kain wok i ken bringim holi pasin i kam long sol bilong yumi na kamapim sekred bon wantaim God na Jisas Krais, husat i promis olsem yumi ken kisim ol presen bilong laip oltaim. Gutpela bilong dispela sekred wokabaut em olsem yumi bai kisim strong i holi na antap moa yet long helpim yumi stap insait long kavanen yumi mekim thru long Jisas Krais.
Dispela kain strong em divain koneksen bilong yumi wantaim God na ken helpim yumi inkrisim ol devosen bilong yumi na tok tenkyu long Jisas Krais na atoning sakrifais bilong Em. Em strongim save bilong yumi long lav na sevim ol narapela, na i strongim ol sol bilong yumi long stap long wol ino holi we em kamap tudak na bagarap. Em givim strong long yumi long abrusim ol tubel tingting na sore, pret na koros, bel i sore na bagarap we birua i laik long go dip insait long ol bel bilong yumi, moa yet long ol taim i hat, ol salens i longpela, o sindaun bilong yumi i hat. Wanpela baibel ves i givim gutpela tok bilong yumi wanwan taim yumi sanap insait long ol strongpela salens bilong tede: “Noken lusim dispela ol strongpela bilip bilong yupela.”
Dia ol brata na susa, ol lain i kisim trupela konfidens long kavanen ol mekim insait long haus bilong Bikpela thru long Jisas Krais i kisim wanpela pawa we yumi ken gat kisim long dispela laip.
Taim yumi stadim Buk Momon long Kam, Bihainim Mi dispela yia, yumi lukim hau Nifai soim eksampel dispela pawa bilong kain ol kavanen konfidens thru long feit bilong em taim em bungim ol salens, olsem long kisim ol plet taim Bikpela i tok strong long em. Nifai, maski em pilim bikpela sore bikos long pasin bilong pret na i nogat bikpela feit bilong Laman na Lemuel, i konfiden olsem Bikpela bai givim ol plet long ol. Em i tok long ol brata bilong em, “Olsem Bikpela i stap na yumi i stap. na olsem yumi stap, yumi bai i no inap go daun long papa bilong yumi long wildanes, i go inap long yumi kisim samting, em Bikpela i bin tokim yumi long kisim.” Bikos long konfidens bilong Nifai long promis bilong Bikpela, em bin pinisim wanem em bin kisim tok strong long mekim. Bihain, long driman bilong em, Nifai lukim dispela kain konfidens, raiting, “Mi, Nifai lukim pawa bilong pikinini sipsip bilong God, we i kam daun antap long ol seint bilong sios bilong pikinini sipsip, na antap long kavanen pipol bilong Bikpela, … na ol bin banisim ol wantaim stretpela na wantaim pawa bilong God long bikpela glori.”
Mi bin lukim lav na promis na pawa bilong Bikpela kam insait long laip bilong ol pikinini bilong God, strongim ol long bungim ol salens bilong laip. Narapela de meri bilong mi kam long haus bihain long lotu long temple na tokim mi hau em pilim strongpela ekspiriens long hap. Taim em go insait long haus bilong Bikpela, em lukim wanpela man long wheelsia muv raun isi isi na wanpela meri wokabaut yusim wanpela stik, tupela i strong long kam lotuim Bikpela long haus bilong Em. Taim meri bilong mi wokabaut i go insait long inisitori eria, em lukim wanpela susa husat wanpela han bilong em i raus—na i gat wanpela han—karim aut wok bilong em gut long naispela na selesel wei.
Taim meri bilong mi na mi toktok long dispela ekspiriens, mitupela i wanbel olsem ol promis God i givim thru long ol holi kavanen yumi mekim wantaim Em long haus bilong Em i ken mekim ol naispela disaipel bilong Krais long lusim ol haus bilong ol long dispela kol moning, maski ol igat salens long laip bilong ol.
Ol dia prens, sapos i gat wanpela samting yumi ken gat—na wanpela samting we yumi ken givim long ol pikinini na ol bubu bilong yumi we bai helpim ol wanwan long ol tes na ol traim i kam—em bai konfidens long ol kavanen yumi mekim thru long Jisas Krais Long gat dispela divain samting bai helpim ol stap olsem Bikpela i promisim ol feitful lain i bihainim Em: “Ol disaipel bilong mi bai sanap long ol holi ples, na nogat wanpela bai suruk.”
Hau bai yumi kisim dispela kain konfidens thru long Jisas Krais? Em bai kam thru long daun, taim yumi putim Seivia namel long laip bilong yumi, stap aninit long ol prinsipel bilong gospel bilong Jisas Krais, kisim ol odinens bilong salvesen na eksaltesen, na onaim ol kavanen yumi mekim wantaim God long holi haus bilong Em.
Long pasim toktok bilong em long Oktoba 2019 jeneral konferens, dia profet bilong yumi i rimainim yumi long wanpela impoten step long kisim kavanen konfidens, i tok: “Wotines bilong wanwan manmeri long go insait long haus bilong Bikpela wanwan manmeri mas redi em yet. … Wotines bilong wanwan manmeri i nidim trupela senis long tingting na long bel long kamap moa olsem Bikpela, long kamap trupela sitisen, long kamap gutpela eksampel, na moa holi man o meri.” Olsem na, sapos yumi senis long redi long go insait long temple, yumi bai senisim ol ekspiriens long temple, we bai senisim laip bilong yumi arasait long temple. “Bihain bai konfidens bilong yumi bai strong long ai bilong God; na ol doktrin bilong prishud bai stap antap long ol sol olsem ol ren i pundaun i kam long heven.”
Wanpela bisop mi save long em i save lukim dispela bikpela Praimeri klas i no olsem “Praimeri” klas tasol olsem wanpela “klas i redi long temple”. Long Januari dispela bisop igat ol klas membas na ol tisa bilong ol kam long ofis bilong em, we ol i toktok long hau bai ol spendim dispela yia redi long go insait long temple. Dispela bisop i go thru long ol temple rekoman intaviu kwesten, we ol inkludim long Praimeri leson bilong ol. Em invaitim ol pikinini long redi olsem taim ol kam long opis bilong bisop long wanpela yia, ol bai gat konfidens, kavanen konfidens, redi long kisim wanpela temple rekomen na go insait long haus bilong Bikpela. Dispela yia bisop igat fopela yangpela meri husat i amamas tru, i redi, na konfiden long go long temple we ol laikim bisop long printim rekomen bilong ol long Niu Yia De long 12:01 a.m.
Wok bilong redi i no bilong ol lain husat i go long temple long nambawan taim tasol. Yumi olgeta mas kamap redi long go long haus bilong Bikpela. Wanpela steik mi save i kisim dispela moto “Hom sentad, Sios i sapotim, na temple baun.” Baun em wanpela tok i minim long fokas long wanpela daireksen, tasol em minim tu long taitim, stretim na i gat strong, tru. Olsem na kamap temple baund i taitim yumi i go long Seivia, givim yumi stretpela daireksen na stabiliti na mekim sua yumi gat kavanen konfidens thru long Jisas Krais. Olsem na, yumi olgeta mas wantaim gutpela tingting long join long neks apoimen wantaim Bikpela long holi haus bilong Em, maski sapos temple i stap klostu o longwe.
Dia profet bilong yumi, Presiden Russell M. Nelson, rimainim yumi long dispela ol impoten prinsipel we em i tok: “Temple i stap namel tru long strongim feit na spirit bilong yumi bikos Seivia na doktrin bilong Em i stap olsem bel tru bilong temple. Olgeta samting yumi lainim insait long temple, thru long instraksen na thru long Spirit, i givim yumi moa save long Jisas Krais. Ol impoten odinens bilong Em i pasim yumi i go long Em thru long ol sekred prishud kavanen. Bihain, taim yumi kipim ol kavanen bilong yumi, Em i blesim yumi wantaim hiling bilong Em i gat strongpela pawa. Na o, hau bai yumi nidim pawa bilong Em long ol de i kam bihain.”
Seivia i laik olsem yumi kamap redi long save, wantaim klia tingting, hau long ekt taim yumi mekim ol kavanen wantaim Papa long Heven long nem bilong Em. Em laikim yumi long redi long ekspiriensim ol privilej, ol promis, na ol wok; long kamap redi long kisim ol save bilong spirit we yumi nidim long dispela laip. Mi save olsem taim Bikpela i lukim wanpela laik o stretpela pasin long yumi long mekim Em namel tru bilong laip bilong yumi na long ol odinens na kavanen yumi mekim insait long haus bilong Em, Em bai blesim yumi, long stretpela wei bilong Em, wantaim ol mirakel na marimari yumi nidim.
Haus bilong Bikpela em i hap we yumi ken senis long ol wei i antap tru na i moa holi. Olsem na, taim yumi wokabaut kam aut long temple, yumi pilim senis bikos long hop bilong yumi long ol promis bilong ol kavanen, banis wantaim ol pawa i kam antap, yumi kisim temple wantaim yumi i go long ol homs na ol laip bilong yumi. Mi promis taim yumi gat spirit bilong haus bilong Bikpela insait long yumi bai senisim yumi, tru tru.
Yumi save tu long temple olsem sapos yumi laikim spirit bilong Bikpela long stap strong long laip bilong yumi, yumi noken gat ol nogut piling long ol narapela. Givim spes long bel o tingting bilong yumi long ol toktok na eksen ino gutpela, long sosel midia o long ol homs bilong yumi, bai mekim spirit bilong Bikpela raus long bel bilong yumi. Olsem na, plis noken lusim dispela strongpela bilip bilong yupela, tasol, larim konfidens mas wok strong.
Dispela wok i go het na hariap long bildim ol temple bai amamasim, strongim, na blesim yumi. Olsem na, sapos yumi senis long redi long go insait long temple, yumi bai senisim ol ekspiriens bilong yumi long temple, we bai senisim laip bilong yumi arasait long temple. Bai dispela senis i pulmapim yumi wantaim konfidens long ol holi kavanen yumi mekim wantaim God thru long Jisas Krais. God i stap, Jisas em Seivia bilong yumi, na dispela em ristod Sios bilong Em long ples graun. Mi reveren na tokaut long dispela tok tru long sekret nem bilong Jisas Krais, amen.