Ol temple, ol Haus bilong Bikman Makim Ples Graun

Elda Neil L. Andersen i givim

Bilong Kwarum bilong ol Twelpela Aposel

Taim yu woti na kam wantaim prea long holi haus bilong Em, bai yu gat pawa bilong Em.

Yu laikim ol naispela toktok yumi singim? “Mi strongim yu, helpim yu, na mekim yu sanap, … sapotim yu wantaim stretpela, pawaful han.” Bikpela em strongim ol Seints bilong Em igat kainkain krimas i kam long holi haus bilong Em. Long Kinashasa go long Zollikofen go long Fukuoka go long Oakland, ol yut, long tingting bilong ol yet, pulapim ol temple baptisim. Bipo, planti ol gutpela odinens wok manmeri igat wait gras—tasol nogat moa. Ol misinari, sevis misinari, na ol misinari i kam bek stap raun long olgeta kona. Long olgeta wol, i gat wanpela piling i wok long gro long mekim yumi go long haus bilong Bikpela.

Wanpela yia i go pinis, wanpela dia famili pren, krimas em 95, stap long Is kos bilong United States, husait ol misinari bin tisim long 70pela yia, tok long pikinini meri bilong em, “Mi laik go long temple wantaim yu.”

Pikinini meri i bekim, “Orait, Mama, nambawan samting yu mas baptais.”

Baptism bilong lapun susa.

“Ok,” em bekim, “Mi laik baptais.” Em bin baptais. Sampela de bihain, em igo insait long temple baptistri. Na wanpela mun igo, em kisim endaumen na siling bilong em yet. “Save na pawa bilong God i wok long go bikpela; karamap bilong ples graun i wok long buruk.”

Lapun susa autsait long temple.

Yu tingting wai Bikpela wok long dairektim profet bilong Em nau long makim ples graun wantaim ol holy temple bilong Em? Wai bai Em, long dispela taim, givim blesing long kavanen pipol bilong Em olsem thru long ol sekred taiting bilong ol, planti handret haus bilong Bikpela i ken kamap?

Nau monin, Presiden Dallin H. Oaks soim wanpela naispela piksa bilong ol temple kamap akros long wol. Kathy na mi ino long taim igo bin stap long Philippines. Tingting long dispela mirakel: Manila Temple bin dedikeit long 1984. Em bai 26pela yias bipo nambatu temple, long Cebu City, i pinis long 2010. Nau, 14pela yia bihain, 11pela temple i stap long konstraksen, disain, o redi long dedikesen. Long not igo long saut: Laoag, Tuguegarao, Santiago, Urdaneta, Alagbang, Naga, Tacloban City, IIoilo, Bacolod, Cagayan de Oro, na Davao. Em i nais tru long lukim naispela ol wok bilong God.

Ol temple long Philippines.

Long olgeta wol, ol haus bilong Bikpela i kam klostu long yumi stap. Wai long de bilong yumi?

Ol Las Dei

Bikpela wonim yumi olsem long ol las de, bai gat sore namel long ol nesen, ol pipol bai “laikim ol yet moa yet,” “olgeta samting [bai] paul,” paul tingting bai bikpela,” na “ol bel bilong ol man [bai] felim ol.” Yumi lukim pinis ol bel bilong ol manmeri bagarapim ol: ol temtesen bilong wol, ol distraksen bilong ol giaman nek, i no lukautim gut spirit, pilim wik long ol wok disaipel. Ating yu bin pilim sore taim yu lukim wanpela yu lavim, husait bin ekpresim feit bilong em long Jisas Krais, berim witnes bilong em long Buk Momon, na soim laik long helpim bildim kingdom bilong God, hariap tru i suruk igo, long liklik taim, long ol bilip bilong ol na i go long said lain bilong Sios. Kaunsel bilong mi long yu em noken lus hop! Olgeta samting i orait. Wantaim God, nogat samting i had.

Wantaim dispela profesi olsem konfusen na nogat bilip long wol, Bikpela promis bai gat kavanen pipol, wanpela pipol i wet wantaim laik long kam bek bilong Em, wanpela pipol husait sanap long ol holi ples na ino suruk aut long ples bilong ol. Em i toktok long wanpela stretpela lain pipol abrusim ol giaman bilong man nogut, stap strong long feit bilong ol, tingim laip selesel, na putim olgeta trast insait long Seivia Jisas Krais.

Wai na Bikpela nau i bringim handretpela ol temple bilong Em kam klostu long yumi? Wanpela risen em olsem namel long planti hevi na temtesen bilong wol, Em bin promis long strongim na blesim ol kavanen Seints, na ol promis bilong Em i wok long kamap!

Ol promis bilong Kirtland Temple

Hau ol dispela holi haus strongim, kamfotim, na protektim yumi? Yumi painim ansa long ol prea bilong Profet Joseph Smith long dedikesen bilong Kirtland Temple. Em bin long dispela temple ol Seints bin singsing, “Bai yumi singsing na bai yumi singaut wantaim ami bilong heven,” Seiva Em yet bin kamap, na ol profet bilong bipo bin kam bek, givim sampela moa long ol prishud ki long gospel i kam bek.

Long dispela sekred taim insait long Kirtland Temple, Profet pre olsem long holi haus bilong Bikpela, ol Seints bai gat pawa bilong God, bai nem bilong Jisas Krais stap antap long ol, ol engel bai go pas long ol, na ol bai gro insait long Bikpela na “kisim fulnes bilong Holi Gos.” Dispela ol pawaful prea i kamap long laip bilong yumi taim yumi lotu insait long haus bilong Bikpela.

Banis Wantaim Pawa

Insait long haus bilong Em, yumi gat pawa long heven. Feit bilong yumi long Jisas Krais na lav bilong yumi long Em i konfem na stap strong. Yumi pilim spirit i strong tru na save yumi husat na wai yumi stap long hia. Taim yumi feitful, yumi gat blesing wantaim proteksen long ol temtesen na ol distraksen. Yumi pilim lav bilong Seivia taim Em i apim yumi kam aut long ol hevi na sore bilong yumi. Yumi banisim yumi yet wantaim pawa bilong God.

Nem bilong Em antap long Yumi

Insait long holi haus bilong Em, yumi kisim nem bilong Em antap long yumi moa tru. Taim yumi baptais, yumi soim bilip bilong yumi long Em na wanbel long kipim ol komanmen bilong Em. Insait long temple, yumi wokim sekred promis, thru long ol kavanen, long bihainim Em oltaim.

Givim bilong Heber Valley Utah Temple.

Ol yut bilong dispela Sios i gutpela tru. Insait long wol i hat tru long stap, ol kisim nem bilong Krais antap long ol yet. Long Heber City, Utah, wanpela pablik miting bin kamap long diskasim plen bilong wanpela temple long konstraksen. Tri handredpla yut pulapim pak long soim sapot bilong ol long temple weh bai kamap. Wanpela yangpela man, toktok long ol gavman lida long bung, wantaim karis em tok, “Mi hop long marit insait long dispela temple. [Temple bai helpim] mi long kipim mi yet klin na pua.” Narapela i tok temple em i simbol bilong lait na hop. Yangpela man na meri bilong Sios long olgeta hap long wol woklong ekseptim nem bilong Jisas Krais.

Yut pulapim pak long Heber City.

Ol engel wantaim yumi

Long Kirtland Temple, Profet Joseph pre olsem ol “engel [bai] was antap long ol [Seints bilong Em].” Taim yumi wokim ol odinens bilong ol tumbuna bilong yumi insait long temple planti taim bai bringim wanpela gutpela piling olsem laif i go yet long narapela sait bilong veil.

Maski planti ol ekspiriens bilong yumi insait long haus bilong Bikpela em i sekred long serim long pablik, sampela yumi ken serim. Foti yias i go pinis, taim mipela stap long Florida, Kathy na mi go long temple long Atlanta, Georgia. Long Trinde nait, Mei 9, 1984, taim mipela pinisim wanpela sesen long temple, wanpela odinens woka kam long mi na askim sapos mi gat taim long wokim wanpela preperetori inisitori odinens. Nem bilong man mi makim bin narakain. Nem bilong em Eleazer Cercy.

Neks de, temple bin pulap wantaim ol Seints. Taim mi redi long pefomim namba tu endaumen bilong mi dispela de, ol i givim mi nem bilong man mi bai makim. Kirap nogut, nem bin sem man long nait bipo, Eleazer Cercy. Mi pilim Spirit bilong Bikpela taim endaumen bin pinis. Bihain long avinun, long temple. Kathy lukim wanpela lapun famili fren, Sista Dolly Fernandez, husait nau stap long Atlanta. Wantaim nogat man memba bilong famili bilong em wantaim em, em askim sapos mi ken helpim silim papa bilong em go long ol mamapapa bilong papa bilong em. Mi bin pilim bikpela ona.

Taim mi nil long alta long dispela sekred odinens, mi harim ken nem bilong papa bilong em, Eleazer Cercy nau stap insait long tingting bilong mi. Mi bilip stret olsem bihainim dispela laif, mi bai mitim na holim pas long wanpela man nem bilong em long dispela ples graun em Eleazer Cercy.

Planti ol ekpiriens long haus bilong Bikpela bringim planti gutpela bel isi na revelesen i kam isi tru na ino wantaim bikpela noise. Tasol save olsem: ol engel i gat was antap long yumi!

Presens bilong Holi Gos

Presen bilong Holi Gos em kam long yumi taim yumi kisim konfemesen olsem wanpela memba bilong Sios. Wanwan wik taim yumi woti na kisim bret na wara long tingim Seiva bilong yumi, yumi gat promis olsem Spirit bilong Em bai oltaim stap wantaim yumi. Taim yumi kam wantaim wanbel long haus bilong Bikpela, ples we i holi tumas graun, yumi gro kamap insait long Bikpela na ken “kisim olgeta gutpela bilong Holi Gos.” Tru long pawa bilong Holi Gos, yumi pulap wantaim bel isi na amamas na bikpela hop. Yumi kisim strong long stap olsem ol disaipel bilong Em maski yumi go autsait long dispela holi ples.

Presiden Russell M. Nelson i tokaut: “Seivia na Ridima bilong yumi, Jisas Krais, bai mekim sampela bilong ol bikpela wok bilong Em namel long nau na taim Em kam gen. Yumi bai lukim ol mirakel sain olsem God Papa na … Jisas Krais … gat atoriti antap long dispela Sios insait long megesti na glori.” Makim ples graun wantaim ol haus bilong Bikpela em wanpela bikpela wok na mirakel sain.

Ol fren bilong mi, sapos yumi inap na ino apim atendens bilong yumi long temple yet, yumi mas olgeta taim painim moa taim long wosip insait long haus bilong Bikpela. Yumi pre long ol temple i bin anauns pinis, bai ol propati i orait long baim, ol gavman i tok orait long ol plen, bai ol gutpela wokman bai lukim save bilong ol i kamap bikpela, na ol sekred dedikesen bai bringim tok orait long heven na visit bilong ol enjel.

Ol promis

Temple em i haus bilong Bikpela. Mi promisim yu taim yu woti na kam wantaim prea long holi haus bilong Em, yu bai banisim yu yet wantaim pawa bilong Em, nem bilong Em bai stap antap long yu, ol engel bai was antap long yu, na yu bai gro kam antap insait long blesing bilong Holi Gos.

Bikpela i promis. “Olgeta sol husat i rausim sin na kam long mi, na singautim nem bilong mi, na bihainim nek bilong mi, na kipim ol komanmen bilong mi, bai lukim pes bilong mi na save olsem Mi em.” I gat planti narakain wei long lukim pes bilong Krais, na i nogat gutpela hap olsem long holi haus bilong Em.

Nau taim igat planti paul tingting na pasin, mi testifai temple em holi haus bilong Em na bai prisevim yumi, protektim yumi na redim yumi long de taim, wantaim olgeta holi engel bilong Em, Seiva bilong yumi bai kam bek long megesti, pawa, na bikpela glori. Long nem bilong Jisas Krais, amen.

Ol nout

1. “How Firm a Foundation,” Hymns, no. 85.

2. “The Spirit of God,” Hymns, no. 2.

3. I gat 182 pla ol temple operet nau yet. Sikpela stap anda renovesen. Sevenpela waitim dedikesen, wantaim wanpela moa wetim ridedikesen. I gat 45pla anda konstaksen na 94pla moa we i bin announce o i stap long planing na disain.

4. Lukim Luk 21:10.

5. 2 Timothy 3:2.

6. Doktrin na ol Kavanen 88:91.

7. Elder David A. Bednar said: “Gospel principles are for me and you what a helm is to a ship. Correct principles enable us to find our way and to stand firm, steadfast, and immovable so we do not lose our balance and fall in the raging latter-day storms of darkness and confusion” (“The Principles of My Gospel,” Liahona, May 2021, 126).

8. Doctrine and Covenants 45:26.

9. “If any man will come after me, let him deny himself, and take up his cross, and follow me” (Matthew 16:24).

10. Lukim Luk 1:37.

11. Lukim Doktrin na ol Kavanen 87:8.

12. Hymns, no. 2.

13. Lukim Doktrin na ol Kavanen 110. Prior to this time, the Prophet Joseph Smith had received the Aaronic Priesthood and its keys from John the Baptist, and he had received the Melchizedek Priesthood and its keys from the Apostles Peter, James, and John (see Doctrine and Covenants 13:1; 27:12–13).

14. Doctrine and Covenants 109:15; see also verse 22.

15. President Russell M. Nelson said: “The temple can help us in our quest. There we are endowed with God’s power, giving us the ability to overcome Satan, the instigator of all contention” (“Peacemakers Needed,” Liahona, May 2023, 101).

16. Russell M. Nelson, “Choices for Eternity” (worldwide devotional for young adults, May 15, 2022), Gospel Library.

17. Elder Colin Stauffer, personal correspondence, Jan. 30, 2024.

18. Doktrin na ol Kavanen 109:22.

19. Lukim Doktrin na ol Kavanen 20:77–79.

20. Doktrin na ol Kavanen 109:15.

21. Lukim Romans 15:13.

22. Russel M. Nelson, “Revelation for the Church, Revelation for Our Lives,” Liahona, May 2018.

23. President Brigham Young said, “We will have hundreds of temples and thousands of men and women officiating therein for those who have fallen asleep, without having had the privilege of hearing and obeying the Gospel” (Teachings of Presidents of the Church: Brigham Young [1997], 312). And President Ezra Taft Benson said: “Our predecessors have prophesied that temples will dot the landscape of North and South America, the isles of the Pacific, Europe, and elsewhere. If this redemptive work is to be done on the scale it must be, hundreds of temples will be needed” (The Teachings of Ezra Taft Benson [1988], 247).

24. Doktrin na ol Kavanen 93:1.

25. Elder David B. Haight said:

    “It is true that some have actually seen the Savior, but when one consults the dictionary, he learns that there are many other meanings of the word see, such as coming to know Him, discerning Him, recognizing Him and His work, perceiving His importance, or coming to understand Him.

    “Such heavenly enlightenment and blessings are available to each of us” (“Temple and Work Therein,” Ensign, Nov. 1990, 61).