Na Latou Tulei Saunoa Mai ia te i Tatou

Ia Avea le Konafesi ma se Vaega o o Tatou Olaga

O manatu nei e mafai ona fesoasoani i suesuega a le tagata lava ia po o talanoaga i afiafi faaleaiga. (O numera faapuipui o loo faasino i le itulau amata o le lauga.) E mafai foi ona fesoasoani le lisi o tala.

Mo tamaiti

Sue Upu

Faatumu le avanoa: “Ou te molimau atu ia te outou o le Toetu e le o se ______.” (Faailoilo: Sue i le lauga a Elder Joseph B. Wirthlin i le itulau 28.) O le a le uiga o lenei mea? E mafai faapefea ona suia e le Toetu le auala tatou te ola ai i aso taitasi?
O le a le mea na faia e le au sopo o loo i le lauga a Elder Jeffrey R. Holland ina ua oo i le taimi o le konafesi aoao? (Faailoilo: E amata le lauga i le itulau 104.) O le a se mea e mafai ona e faia pe a oo i le taimi o le konafesi aoao?
E pei foi o Pa’orana i le Tusi a Mamona, e le tatau ona tatou le migao pe a le migao mai se isi ia i tatou. O le a sau tala e fai atu pe a le migao mai se tasi ia te oe? (Faailoilo: Sue i le lauga a Elder David A. Bednar i le itulau 89.)

Gaoioiga

Na aoao mai Peresitene James E. Faust e faapea, o le avea ma se soo o lona uiga o le usitai lea i le Faaola. Fai mai a ia, “O faamanuiaga o le avea ma soo o loo avanoa mo i latou uma o e naunau e totogi le tau.” Gagau faaafa se fasipepa. Tusi i luga o le isi itu mea e tatau ona e “totogi” e avea ai ma se soo o Keriso, e pei o le suesue i tusitusiga paia, auai i le lotu, ta’u le mea sa’o, ma ia agalelei. I le isi itu, tusi ai faamanuiaga e oo mai i le mulimuli ia Keriso, e pei o le olioli, filemu, puipuiga, taitaiga, ma mafutaga faavavau faaleaiga. Soo se taimi lava e te faia ai se filifiliga i le va o le lelei ma le leaga, ia manatua lau lisi o faamanuiaga ma lona taua ia te oe.
Na saunoa Sister Elaine S. Dalton: “I le autalavou o le tofi tamalii, vaavaai atu i pupuni o le faavavau! Vaai atu ia te outou lava ia i malumalu paia o le Alii. Vaai atu ia te outou lava ia o ola i ni olaga agavaa ma le mama atoatoa. E faalagolago augatupulaga ia te outou!” Tusi lou lava ata i tafatafa o se malumalu, pe faapipii se ata o se malumalu i se faata lea e te tilotilo i ai i aso uma. E faamanatu atu ai ia te oe i aso uma e uiga i sini amiotonu ma auala e mafai ona e tumau agavaa ai e ausia ia sini.

Mo le autalavou

O i ai nisi o lau vasega po o lau korama o loo i ai ni luitau? O le a se mea e mafai ona e faia e fesoasoani ai ia i latou? Faitau saunoaga a Peresitene Thomas S. Monson ma Elder Henry B. Eyring e uiga i le faataunuuina o lo tatou tiute ma le tausia o isi. (56 ma le 43)
Faitau le tala a Epikopo Richard C. Edgley e uiga i solo taele a le faletalimalo. (72) O a ni faataitaiga o le faamaoni e mafai ona e faasoaina mai i ou lava aafiaga? Ia fai nei se tautinoga ia e faamaoni i au fegalegaleaiga ma isi.
Fesili ifo ia te oe lava pe o i ai ia te oe le uiga lea “o au lenei; ia musuia loa au.” Afai o i ai, e mafai faapefea ona e suia? Toe faamanatu le tala na saunia e le peresitene aoao o le Aoga Sa o A. Roger Merrill e faatatau i le mauaina o ni mea se tele mai lauga ma lesona. (92)
O a nisi o mea leaga e tatau ona e teenaina ina ia le mafai ona tosoeseina oe mai se “olaga fiafia e faaautuina i le talalelei”? Faitau e uiga i le “matau” i tua o maunu i le lauga a Elder Marcus B. Nash i le itulau 49.

Mo tagata matutua

Aisea ua faamoemoe ai Peresitene Gordon B. Hinckley ia manatua e le isi augatupulaga e sosoo ai ia paionia? E faapefea ona tatou faamamaluina o tatou “tofi”—o ositaulaga faatuatua na faia e uluai Au Paia o Aso e Gata Ai? O le a le mea e mafai ona tatou faia e faaopoopo atu ai i le galuega na latou amataina? (82)
O a ni auala na aafia ai i lo laua malamalama i le Togiola le ituaiga olaga na ola ai Elder Joseph B. Wirthlin ma lona faletua? (28) Na faapefea ona faamafanafanaina e lena malamalama ia Elder Wirthlin ina ua maliu lona faletua? Mafaufau e faasoa atu le lauga a Elder Wirthlin i se tasi e te iloa ua maliu se tasi e pele ia te ia.
Faitau le tala na faamatalaina e Elder Robert C. Oaks e uiga i le tama na toulu ai uila afi. (15) Na faapefea ona tali atu le tamā o le tamaitiiti? O a ni auala e mafai ai ona e onosai atili i tagata o lou aiga ma isi? O a fautuaga e fa a Elder Oaks mo le mauaina atili o le onosai?

O tala e faitau ma faasoa

I lauga e amata atu i itulau ua lisiina i lalo, o le a e maua ai tala ma manatu e faasoa atu.

O le tamā ma le atalii na o e faataavalepolo i le 5:00 i le taeao, 9

O le tamā na onosai i lona atalii o lē na toulu ai uila afi, 15

O le maliu fasia o Rafael Monroy ma Vincente Morales, 20

O le tiakono na aveina atu i se isi tiakono le lesona a le au perisitua na pueina [i se laau pueleo], 43

Na ositaulaga se tamā ina ia faatau ai se masini auli mo lona toalua, 46

Na maua e Marcus B. Nash se ia, 49

O se tama na faamanuiaina ina ua mavae ona pa’ū mai se laupapa tuupuna [o se vaitaele], 51

Na tuuina atu e le ositaulaga ia meaai na aoina mo se tina nofo toatasi, 53

O se tamaitiiti na mauaina le maa taua a le tupu a o faia lona tiute, 56

O Thomas S. Monson sa musuia e asiasi atu ma faamanuia se uo sa faataotolia i le falemai, 56

O se tamaitai talavou na fafaina Jami Palmer i se sopoaga, 62

O se tamaitai e faigaluega i se faleaiga na talanoa i se ave loli e uiga i le talalelei, 69

O Richard C. Edgley na toe faafoiina solo taele e tolu sa ia aveina, 72

O se alii mauoa na aveina ni nusipepa mai se masini e faatau ai nusipepa, 72

Na maua e Martha Paxman lana mama faaipoipo na leiloa, 82

O aumalaga o taavale tosolima na laveaiina i laufanua valevalenoa, 82

O taitai paionia na sisiina se tagavai i malo, 85

O se tamā na musuia e fesoasoani atu i se faifaatoaga tauaso, 97

O se tamaitai na faalogologo i le konafesi aoao ao o i se sopoaga ma ni [ana] uo, 104

O se tina talavou sa lagonaina le le agavaa mo le alofa o le Atua, 108

O se tamaitai na musuia e asiasi atu i se uso mafatia o le Aualofa, 113

Na saili e Anne C. Pingree le faamagaloga mai se tasi na ia faatiga i ai, 113

O se tina nofo toatasi ma se fanau e toafitu na tatalo mo se po e malolo ai, 115

O se ulugalii talavou na totogiina le sefuluai ma sa le i matelaina, 115