MOʻUI KE HĀ AI ʻENE NGAAHI AKONAKÍ
Ko e taʻu ia hono nima ʻeku ako ki he ngaahi lea fakafonuá, hisitōliá mo e ngaahi lēsoni peheé. Ne u toki ako ai ha lēsoni ʻo kau ki hono mahuʻinga ʻo e faʻifaʻitakiʻangá. ʻI he taimi kotoa pē naʻe hū ange ai ʻemau faiakó ki he lokiakó, kuo ʻosi tā ʻe ha taha ia ʻi hoku kaungā akó ʻa hono fakatātaá ʻi he palakipoé. Pea ʻe kole ai pē ʻa e palōfesá he taimi kotoa ki ha taha ʻiate kimautolu ke tāmateʻi e fakatātaá. Neongo ia, naʻe ʻikai te ne toe lea ia kau ki ai.
Ne u fakaʻofoʻofaʻia ʻi he founga fakapotopoto mo fakatōkilalo ʻa e palōfesá, pea naʻá ku fie ʻilo pe ko e siasi fē naʻá ne kau ki aí. Ne u ʻilo ai ko ha mēmipa ia ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
Ne u fakakaukau leva ke u fanongo ki he ngaahi lēsoni ʻa e kau faifekaú, pea naʻe papitaiso au ʻi he ʻaho 10 ʻo Sepitema, 2000. Ne u toki ʻiloʻi ta ko ʻeku palesiteni fakakoló ʻa e tangata ko ia naʻá ne tuku e faʻifaʻitakiʻanga maʻaku ʻi he founga ke u moʻuiʻakí.
ʻOku ou fakamoʻoni ko Sīsū ʻa hotau ʻuluaki faʻifaʻitakiʻangá. ʻOku hoko ʻetau faʻifaʻitaki kiate Iá ko e founga ia maʻatautolu Kāingalotu ʻo e Siasí, ke tau moʻuiʻaki ha founga moʻui ʻoku leleí. ʻI heʻene peheé, te tau lava ai foki ke faiakoʻaki ʻa e faʻifaʻitakiʻangá.