ʻOKU OU KAU KI HE KAU MĀʻONIʻONI ʻI HE NGAAHI ʻAHO KIMUI NÍ
ʻI he taʻu nima ʻa ʻema kiʻi tamasiʻi ko Nikolasí, naʻá ne ako ʻi he taha ʻo e ngaahi ʻapiako lelei taha ʻi homau koló. ʻOku fakalele e ʻapiakó ia ʻe ha siasi kehe. Naʻe tali pē ke hū ʻa Nikolasi neongo naʻe ʻikai te ne kau ki he siasi ko iá.
ʻI ha ʻaho ʻe taha naʻe taki atu ai ʻe ha taha ʻo e kau taki ʻo e ʻapiakó mo e siasí ʻa Nikolasi ki tuʻa mei he falelotú ke ʻeke ange hono ʻuhinga naʻe ʻikai te ne kau ai ki he tui fakalotu ʻa e ʻapiakó.
Naʻe talaange ʻe Nikolasi, “ʻOku ou kau au ki he Kau Māʻoniʻoni ʻi he Ngaahi ʻAho Kimui Ní.”
Naʻe feinga ʻa e tangatá ke fakalotoʻi ʻa Nikolasi ke liliu ʻene fakakaukaú, ʻo ne talaange ʻoku maʻu ʻe he siasi kotoa pē ʻa e moʻoní mo nau tui kia Sīsū Kalaisi.
Naʻe taliange ʻe Nikolasi, “ʻOku akoʻi au ʻe heʻeku ongomātuʻá ke u fakaʻapaʻapaʻi homou siasí, ka ʻoku ou saiʻia au he kau ki he Kau Māʻoniʻoni ʻi he Ngaahi ʻAho Kimui Ní.” Naʻe tali ʻe he tangatá e tali ko ʻení pea ʻikai ke ne toe fakahohaʻasi ia.
ʻOku hoko ʻa Nikolasi ko ha faʻifaʻitakiʻanga lelei ʻo e muimui ki he sīpinga ʻa Sīsū Kalaisí, ʻo aʻu pē ki heʻene ongomātuʻá.