KO HA ʻOFA LAHI
ʻI he ʻosi ange ha kiʻi fakatuʻutāmaki naʻe hoko, naʻá ku ʻalu tokotoko pē pea naʻe māmālie ʻeku lué. ʻOku faingataʻa ʻaupito ke u kaka sitepu. Naʻá ku manavasiʻi maʻu pē au he ʻalu ki he lotú telia naʻá ku tō he sitepú—ka naʻe ʻosi ʻeku manavasiʻi he ʻaho Sāpate ko ʻení he ne u ongoʻi ha kiʻi leʻo vaivai mo ha nima naʻe ala mai ʻo puke atu hoku nimá: “Haʻu. Te ta ō mo au.”
Ne u sio hifo ki he malimali hake ʻa e kiʻi tamasiʻi taʻu hiva ko ʻeni ko Kepalelí.
Ne u pehē ange, “ʻOku sai. Kamata mei he taimí ni ʻo fai atu, ko hoku tokoní koe. Ta ō!”
Naʻe ʻikai ke fekauʻi mai ʻa Kepaleli ia ʻe ha taha. Ko e meʻa pē naʻá ne sio ki aí ko ha fineʻeiki naʻe fie maʻu tokoni peá ne haʻu leva.
Ko e taimi ní, ʻokú ma hifo mo Kepaleli he sitepú ʻi he Sāpate kotoa pea ʻoku ʻikai ke u ilifia.
Ne u fakahā ange kimui ai ki he ongomātuʻa ʻa Kepalelí: “ʻOku ʻikai ko e mālohi fakatuʻasinó ʻokú ne ʻai ke ʻoua naʻá ku ilifiá. Ka ko e ʻofa lahi ʻokú ne foaki mai kiate au ʻi he Sāpate takitaha. Neongo ʻa e siʻisiʻi ʻa Kepalelí, ka ʻoku ngaohi ia ke hoko ʻo lahi ange ʻi he niʻihi kehé.