ʻOKU ʻOFA ʻA SĪSŪ ʻIATE KITAUTOLU
ʻI he ʻaho ʻe taha ne u tangutu ai he sofá ʻo fanongo ki ha foʻi CD. ʻI hono taaʻi mai ʻo e himi ko e “Akoʻi Au Ke u ʻEva he Māmá” (Ngaahi Himi, fika 196), ne u fakakaukau ki he feilaulau naʻe fai ʻe Sīsū Kalaisi maʻatautolu takitahá. Naʻá ku manatu ki Heʻene ʻofá, loto fakatōkilaló, mo ʻEne manavaʻofá pea ne u ongoʻi ʻa e fonu ʻa hoku lotó ʻi he fakamāloó. Naʻe fakamoʻoni kiate au ʻa e Laumālié ʻoku ʻofa ʻa e Fakamoʻuí kiate kitautolu.
Naʻe tangutu pē ʻeku kiʻi tamasiʻi taʻu uá ʻi hoku tafaʻakí ʻo sio he ngaahi fakatātā ʻo Sīsū Kalaisí. ʻOku pau pē naʻá ne ongoʻi foki mo ha meʻa he naʻá ne sio hake kiate au peá ne pehē mai, “ʻE Fineʻeiki, ʻoku ʻofa ʻa Sīsū ʻiate koe!”
ʻOku hoko ʻa Sīsū Kalaisi ko e konga ʻo ʻeku moʻuí mo e moʻui ʻa hoku fāmilí. ʻOkú Ne ʻi heʻeku fakakaukaú mo hoku lotó. Kuo liliu ʻe Heʻene ongoongoleleí ʻa ʻeku moʻuí.