MOʻUIʻAKI ʻENE NGAAHI FEKAÚ
Ko Sīsū Kalaisi ʻa e hala moʻoní, ko e Mā ʻo e Moʻuí. Ko Ia naʻá Ne foaki ʻa e fakaʻofoʻofá ki he ngaahi meʻa kotoa pē naʻe fakatupú ke lelei mo ʻaonga ki he faʻahinga ʻo e tangatá. Ko Ia ʻa e maʻongoʻonga taha ʻi he ngaahi meʻa naʻe fakatupu ʻe he ʻOtuá, ko e ʻAlo pē Taha naʻe Fakatupu ʻi he kakanó mo e ʻUluaki Fānau ʻi he laumālié. Kuo fakahā ʻe he ʻOtuá ʻEne fuʻu ʻofa lahi ki he kakai kotoa pē ʻo fakafou ʻiate Ia.
ʻI hono kotoa ʻo ʻeku moʻuí kuó u maʻu ha ngaahi tāpuaki lahi ʻaupito ʻi heʻeku tui kia Sīsū Kalaisí kae fakatautefito ki he Fakalelei toputapú—ʻa e ngāue lāngilangiʻia taha ʻa e ʻEikí. ʻOku ou feinga ke fakahā ʻa e ʻofa ʻoku ou ongoʻi kiate Iá ʻi heʻeku moʻuiʻaki ʻEne ngaahi fekaú.
ʻOkú ma lolotonga hoko mo hoku uaifí ko ha ongo fakafofonga ʻo Sīsū Kalaisi ʻi heʻema ngāue fakafaifekau taimi kakató. Ko e meʻa fakafiefia moʻoni ke malangaʻaki ʻa e ongoongolelei ʻo Sīsū Kalaisí pea ke fakaafeʻi ʻa e kakaí ke haʻu kiate Ia pea tali Ia ko honau Fakamoʻuí.