KO HONO MAʻU ʻO E FIEFIÁ ʻO FAKAFOU ʻIA SĪSŪ KALAISI
Naʻe folofola ʻa Sīsū, “Ko au ko e halá, mo e moʻoní, pea mo e moʻuí” (Sione 14:6). ʻOku ʻikai ha ngaahi lea lelei ange ke fakamatalaʻi ʻaki ʻeku fakamoʻoní ka ko ʻEne folofolá.
Kuó u ako e ngaahi tohí, ngaahi fakaʻuhingá, mo e hisitōliá ke maʻu ha mataʻitohi māʻolunga ange peá u ʻiloʻi ʻoku fakangatangata pē ʻa e ngaahi fakakaukau, ngaahi fakaʻuhinga, mo e ngaahi pisinisi lalahi kotoa pē. ʻOku pehē pē ʻa e ʻikai ke lava ʻe ha tamai fakamāmani ʻo fakapapauʻi ange ki heʻene fānaú te nau maʻu ʻa e melinó, potó, pe ko ʻitāniti.
Neongo ia, kuo fakahā ʻe heʻetau Tamai Hēvaní ki māmani ʻe lava ke tau maʻu ʻa e fiefia moʻoní ʻi he moʻuí ni ʻi haʻatau muimui ʻi he hala ʻo Kalaisí, muimui ki Heʻene sīpingá, pea talangofua ki Heʻene ngaahi moʻoni kuo fakahā maí. Pea ʻi ha hili ʻa e moʻui ko ʻení—ʻi he taimi te tau foki ai ki he ʻao ʻo ʻetau Tamai Hēvaní,—te tau lava ʻo maʻu mo Ia ʻa e fiefia ʻoku ʻikai hano ngataʻanga.