KO E FUAKAVA KE TALANGOFUA PEA MUIMUI KIATE IÁ
ʻI hoku taʻu 60, naʻe ʻikai haʻaku paʻanga, peá u ongoʻi mā heʻeku tōʻonga moʻuí. Ne u tui au ko e moʻuí ia ke fiefia pē. Ne u hē, naʻá ku kui pea naʻe toki fakaʻā ia ʻe Sīsū Kalaisi.
Ko e mana naʻá ne liliu kakato ʻeku moʻuí ʻa hono papitaiso mo hilifakinima aú, pea mo e ngaahi fuakava ne u fakahoko mo Sīsū Kalaisí. Naʻá ku ʻilo ʻa e meʻa ʻe lava ke u maʻú mo ia naʻe mahuʻinga kiate aú. Ko ha tokotaha fiefia au he taimí ni he ʻoku ou ʻiloʻi ʻa Sīsū Kalaisi.
Naʻe ʻikai haʻaku momoʻi fakakaukau ʻe ʻi ai ha ʻaho ʻe hoko ai ha tangata anga fakamāmani hangē ko aú ko ha mēmipa ʻo e Siasí, ko ha tokotaha maʻu lakanga fakataulaʻeiki, pea ko ha palesiteni fakakolo. Ko ha meʻaʻofa maʻongoʻonga ia kiate au ke u tauhi kia Sīsū Kalaisi, ko hotau Fakamoʻuí.