Ko Hono Hikinimaʻi ‘o e Kau ʻŌfisa ʻo e Siasí
Siʻi ngaahi tokoua mo e tuofāfine, kuo kole mai ʻa Palesiteni Monisoni ke u fakahoko atu ʻa e pisinisi ʻo e fakatahaʻanga molumalu ʻoku tau fakahokó. Ko ha meʻa mahuʻinga fau ʻeni ki he kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
Talu mei he ʻaho 10 ʻo ʻOkatopa 1880, ʻi he taimi naʻe hikinimaʻi ai ʻa Sione Teila ke ne fetongi ʻa Pilikihami ʻIongi ʻi heʻene hoko ko ha palōfita, tangata kikite mo ha tangata maʻu fakahā mo e Palesiteni ʻo e Siasí, mo hono vaheʻi ʻo e ngaahi taimi pehení ke hoko ko ha fakatahaʻanga molumalu ʻa e Siasí, ke fakahaaʻi ai e leʻo ʻo e Siasí.
Te tau hikinima fakakōlomu mo fakakulupu. Ko e fē pē ʻa e feituʻu ʻokú ke ʻi aí, ʻoku fakaafeʻi atu ke ke tuʻu ki ʻolunga he taimi ʻe kole atu aí peá ke fakahaaʻi ʻi hano hiki hake ho nimá, pe ʻokú ke loto ke ke poupouʻi ʻa e ngaahi hingoa ʻe fakalau atú. ʻOku totonu ke ke toki hikinima pē he taimi ʻe kole atu ai ke ke tuʻu ki ʻolungá.
ʻE tokangaʻi ʻe he Kau Taki Māʻolunga kuo vahe ki he Tāpanekalé mo e Fale Fakatahaʻanga ʻi he Temipale Sikueá, ʻa hono fakahoko ʻo e hikinimá ʻi he ngaahi fakatahaʻanga ko iá. ʻI he ngaahi senitā fakasiteikí, ʻe tokangaʻi ʻe ha mēmipa ʻo e kau palesitenisī fakasiteikí ʻa hono fakahoko ʻo e hikinimá. Kapau ʻe ʻi ai ha ngaahi hikinima taʻeloto, ʻoku mau kole atu ke fakahoko mai kiate kimautolu. Te tau hoko atu he taimí ni ki he pisinisi ʻo e fakatahaʻanga molumalú ni.
Kātaki ʻa e Kau Palesitenisī ʻUluakí ʻo meʻa hake ki ʻolunga.
ʻOku fokotuʻu atu ki he Kau Palesitenisī ʻUluakí ke nau poupouʻi ʻa Thomas Spencer Monson ko e palōfita, tangata kikite mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní.
Ko ia ʻoku loto ki aí, kātaki ʻo fakahā mai.
ʻOku fokotuʻu atu ki he Kau Palesitenisī ʻUluakí ke nau poupouʻi ʻa Henry Bennion Eyring ko e Tokoni ʻUluaki pea mo Dieter Friedrich Uchtdorf ko e Tokoni Ua ʻi he Kau Palesitenisī ʻUluaki ʻo e Siasí.
Ko ia ʻoku loto ki aí pea fakahā mai.
ʻOku fokotuʻu atu ki he Kau Palesitenisī ʻUluakí ʻa Boyd Kenneth Packer ko e Palesiteni ʻo e Kōlomu ʻo e Kau ʻAposetolo ʻe Toko Hongofulu Mā Uá.
Ko ia ʻoku loto ki aí pea fakahā mai.
ʻOku fokotuʻu atu ki he Kau Palesitenisī ʻUluakí ke nau poupouʻi e kau mēmipa ko ʻeni ʻo e Kōlomu ʻo e Kau ʻAposetolo ʻe Toko Hongofulu Mā Uá: Boyd K. Packer, L. Tom Perry, Russell M. Nelson, Dallin H. Oaks, M. Russell Ballard, Joseph B. Wirthlin, Richard G. Scott, Robert D. Hales, Jeffrey R. Holland, David A. Bednar, Quentin L. Cook, pea mo D. Todd Christofferson.
Ko kinautolu ʻoku loto ki aí pea kātaki ʻo fakahā mai.
ʻOku fokotuʻu atu ki he Kau Palesitenisī ʻUluakí ke nau poupouʻi ʻa e ongo tokoni ʻi he Kau Palesitenisī ʻUluakí mo e Kau ʻAposetolo ʻe Toko Hongofulu Mā Ua ʻo e Siasí ko ha kau palōfita, kau tangata kikite mo ha kau tangata maʻu fakahā.
Kātaki ʻo fakahā mai.
Meʻa hifo ā ki lalo ʻa e Kau Palesitenisī ʻUluakí.
ʻOku tau fakaafeʻi ʻa ʻEletā Kulisitofāsoni ke meʻa mai ki hono nofoʻanga ʻi he Kōlomu ʻo e Toko Hongofulu Mā Uá.
Kātaki ʻa e kau mēmipa ʻo e Kau ʻAposetolo ʻe Toko Hongofulu Mā Uá, ʻo meʻa hake ki ʻolunga.
ʻOku fokotuʻu atu ki he Kōlomu ʻo e Toko Hongofulu Mā Uá, ke nau poupouʻi ʻa Thomas Spencer Monson ko e palōfita, tangata kikite mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono ongo tokoní pea mo e kau mēmipa ʻo e Kōlomu ʻo e Toko Hongofulu Mā Uá, ʻo hangē ko ia ne fakalau atu pea hikinimaʻi ʻe he Kau Palesitenisī ʻUluakí.
Ko ia ʻoku loto ki aí, kātaki ʻo fakahā mai.
Mou meʻa hifo ā ki lalo.
Kātaki kae meʻa hake ki ʻolunga ʻa e kau mēmipa ʻo e Kōlomu ʻUluakí mo e Kōlomu Hono Ua ʻo e Kau Fitungofulú pea mo e Kau Pīsopeliki Pulé.
ʻOku fokotuʻu atu ki he Ongo Kōlomu ʻo e Kau Fitungofulú pea mo e Kau Pīsopeliki Pulé ke nau poupouʻi ʻa Thomas Spencer Monson ko e palōfita, tangata kikite mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono ongo tokoní pea mo e kau mēmipa ʻo e Kōlomu ʻo e Toko Hongofulu Mā Uá, ʻo hangē ko ia ne fakalau atu pea hikinimaʻi ʻe he Kau Palesitenisī ʻUluakí.
Ko kimoutolu ʻoku loto ki aí, kātaki ʻo fakahā mai.
Mou meʻa hifo ā ki lalo.
Kātaki ʻa e niʻihi ko ʻení ʻo meʻa hake ki ʻolunga ʻi ha feituʻu pē ʻokú ke mamata mai mei ai ʻi he funga ʻo e māmaní: Kau Fitungofulu Fakaʻēlia kotoa pē, kau pēteliake kotoa pē kuo ʻosi fakanofo pea mo e kau mēmipa kotoa pē ʻo e ongo kōlomu ʻo e kau taulaʻeiki lahí pea mo e kaumātuʻá.
ʻOku fokotuʻu atu ke mou poupouʻi ʻa Thomas Spencer Monson ko e palōfita, tangata kikite mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono tokoní pea mo e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻo hangē ko ia kuo fakalau atu pea hikinimaʻí.
Ko kimoutolu kotoa pē ʻoku loto ki aí pea fakahā mai.
Ka ʻoku ʻi ai ha taʻeloto pea fakahā mai.
Kātaki ka mou meʻa hifo ki lalo.
Kātaki kae meʻa hake ki ʻolunga ʻa e kau maʻu Lakanga Taulaʻeiki Faka-ʻĒlone kotoa pē—ʻa ia ko e kau taulaʻeiki, akonaki mo e kau tīkoni kotoa pē kuo ʻosi fakanofó. ʻOku fokotuʻu atu ke mou poupouʻi ʻa Thomas S. Monson ko e palōfita, tangata kikite mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono ongo tokoní pea mo e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻa ia kuo fakalau atu ki muʻa pea hikinimaʻí.
Ko kimoutolu kotoa pē ʻoku loto ki aí pea fakahā mai ʻaki hono hiki hake homou nimá ki ʻolunga.
Ka ʻoku ʻi ai ha taʻeloto pea fakahā mai.
Mou meʻa hifo ā.
Kātaki kae meʻa hake ki ʻolunga ʻa e kau mēmipa kotoa pē ʻo e Fineʻofá—ʻa ia ko e houʻeiki fafine kotoa pē ʻoku ʻi he vahaʻa ʻo e taʻu 18 ki he motuʻa ange.
ʻOku fokotuʻu atu ke mou poupouʻi ʻa Thomas Spencer Monson ko e palōfita, tangata kikite mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono ongo tokoní pea mo e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻo hangē ko ia kuo fakalau atu ki muʻa pea hikinimaʻí.
Ko kimoutolu kotoa pē ʻoku loto ki aí pea kātaki ʻo fakahā mai ʻaki hono hiki hake ho nimá ki ʻolunga.
Ka ʻoku ʻi ai ha taʻeloto pea fakahā mai.
Mou meʻa hifo ā.
Kātaki kae meʻa hake ki ʻolunga ʻa e kau finemuí—ʻa ia ko e kau finemui kotoa pē ʻi he vahaʻa ʻo e taʻu 12 ki he 18.
ʻOku fokotuʻu atu ke mou poupouʻi ʻa Thomas Spencer Monson ko e palōfita, tangata kikite mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono ongo tokoní pea mo e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá ʻo hangē ko ia kuo fakalau atu ki muʻa pea hikinimaʻí.
Ko kimoutolu kotoa pē ʻoku loto ki aí, kātaki ʻo fakahā ʻaki hono hiki hake homou nimá ki ʻolunga.
Ka ʻoku ʻi ai ha taʻeloto pea fakahā mai.
Mou meʻa hifo ā.
Sai, kātaki ʻa e kāingalotu kotoa pē ʻo e Siasí ʻo meʻa hake ki ʻolunga, ʻo tatau ai pē pe ko e fē feituʻu ʻoku mou fakataha hake ki aí, ʻo kau ai ʻa kinautolu kotoa pē ne ʻosi tuʻu hake ki ʻolunga ʻanenaí. ʻOku fokotuʻu atu ke tau poupouʻi ʻa Thomas Spencer Monson ko e palōfita, tangata kikite mo e tangata maʻu fakahā pea mo e Palesiteni ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní, fakataha mo hono ongo tokoní pea mo e kau mēmipa ʻo e Kōlomu ʻo e Kau ʻAposetolo ʻe Toko Hongofulu Mā Uá, ʻo hangē ko ia ne fakalau atu ki muʻa pea hikinimaʻí.
Ko kimoutolu ʻoku loto ki aí pea fakahā mai ʻaki hono hiki hake homou nimá ki ʻolunga.
Ka ʻoku ʻi ai ha taʻeloto pea fakahā mai.
Mou meʻa kotoa hifo ā.
Te tau tangutu pē lolotonga ko ia hono tukuange mo hikinimaʻi ʻa e kau Taki Māʻolunga kehe, Fitungofulu fakaʻēliá mo e kau palesitenisī lahi ʻo e ngaahi houalotu ʻo e Siasí.
ʻOku fokotuʻu atu ke tau tukuange ʻa ʻEletā D. Todd Christofferson mei heʻene hoko ko ha mēmipa ʻo e kau Palesitenisī ʻo e Kōlomu ʻo Kau Fitungofulú.
Ko kinautolu te nau lava ʻo kau fakataha mo kimautolu ʻi hono fakahaaʻi ha fakamālō, kātaki ʻo fakahā mai ia.
ʻOku fokotuʻu atu ke tau tukuange ʻa e kau Fitungofulu Fakaʻēlia ko ʻení ʻo kamata mei he ʻaho 1 ʻo Mē, 2008: A. Venâncio Caleira, Marco A. Cardenas, José A. Castro, Gérald Caussé, Luis G. Chaverri, Timothy J. Dyches, Jaime Ferreira, José A. García, Francisco I. Gímenez, Carlos A. Godoy, James J. Hamula, Frederick C. Ihesiene, Glen O. Jenson, Robert Koch, Kuen (Tony) Ling, Richard D. May, Ross H. McEachran, Yasuo Niiyama, Timothy M. Olson, Fernando D. Ortega, Luigi S. Peloni, Rafael E. Pino, Gelson Pizzirani, Alejandro M. Robles, Gerold Roth, M. Gonzalo Sepúlveda, Su Kiong Tan, Anthony R. Temple, Larry Y. Wilson, Tsung Ting (Jared) Yang, Willy F. Zuzunaga.
Ko kinautolu ʻoku nau loto ke kau fakataha mo kimautolu ʻi hono fakahaaʻi ha loto houngaʻia ʻi he ngāue lelei kuo nau fakahokó, kātaki ʻo fakahā mai ia.
ʻOku fokotuʻu atu ke tau tukuange ʻa Sisitā Susan W. Tanner, Elaine S. Dalton mo Mary N. Cook ko e kau palesitenisī lahi ʻo e Kau Finemuí. ʻOku mau tukuange foki mo e kau mēmipa kotoa ʻo e poate lahi ʻa e Kau Finemuí.
Ko kinautolu ʻoku loto ke kau fakataha mo kimautolu ʻi hono fakahaaʻi ʻo ha fakamālō koeʻuhí ko ʻenau ngāue lelei mo mateakí, kātaki kae fakahā mai ia.
ʻOku fokotuʻu atu ke tau hikinimaʻi ʻa ʻEletā L. Whitney Clayton ko ha mēmipa ʻo e Kau Palesitenisī ʻo e Kau Fitungofulú.
Ko kimoutolu ʻoku loto ki aí, kātaki ʻo fakahā mai ia.
Ka ʻoku ʻi ai ha taʻeloto pea fakahā mai mo ia.
ʻOku fokotuʻu atu ke tau hikinimaʻi ke hoko ko ha kau mēmipa ʻo e Kōlomu ʻUluaki ʻo e Kau Fitungofulú, ko William R. Walker, Craig C. Christensen, Marcos A. Aidukaitis, Gérald Caussé, Lawrence E. Corbridge, Eduardo Gavarret, Carlos A. Godoy, James J. Hamula, Allan F. Packer, Kevin W. Pearson, Rafael E. Pino, Gary E. Stevenson, José A. Teixeira, F. Michael Watson, and Jorge F. Zeballos; pea mo Tad R. Callister pea mo Kent D. Watson, ke hoko ko e kau mēmipa foʻou ʻo e Kōlomu Hono Ua ʻo e kau Fitungofulú.
Ko kimoutolu ʻoku loto ki aí, kātaki ʻo fakahā mai ia.
Ka ʻoku ʻi ai ha taʻeloto, kātaki ʻo fakahā mai ʻi he founga tatau.
ʻOku fokotuʻu atu ke tau hikinimaʻi ʻa e niʻihi ko ʻení ko ha kau Fitungofulu Fakaʻēlia foʻou: Pedro E. Abularach, Koichi Aoyagi, Juan C. Barros, Colin H. Bricknell, Victor Kah Keng Chen, Kuo Chiang Chung, J. Devn Cornish, Wynn R. Dewsnup, Matthew J. Eyring, G. Guillermo Garcia, Robert C. Gay, Alfredo L. Gessati, James B. Gibson, Julio C. González, Paulo H. Itinose, Douglas W. Jessop, Faustino López, Declan O. Madu, Per G. Malm, Fernando Maluenda, James B. Martino, Sergiy N. Mikulin, Abelardo Morales, W. T. David Murray, Satoshi Nishihara, Norbert K. Ounleu, Michael D. Pickerd, Anatoly K. Reshetnikov, William F. Reynolds, Michael A. Roberts, Fernando A. R. Da Rocha, A. Ricardo Sant’Ana, Robert B. Smith, Ysrael A. Tolentino, Ruben D. Torres, J. Romeo, Villarreal, Louis Weidmann, Chi Hong (Sam) Wong.
Ko kimoutolu ʻoku loto ki aí, kātaki ʻo fakahā mai.
Ka ʻoku ʻi ai ha taʻeloto.
ʻOku fokotuʻu atu ke tau poupouʻi ʻa Elaine S. Dalton ko e palesiteni lahi foʻou ʻo e Kau Finemuí mo Mary N Cook ko e tokoni ʻuluaki pea mo Ann M. Dibb ko e tokoni ua.
Ko kimoutolu ʻoku loto ki aí pea fakahā mai.
Ka ʻoku ʻi ai ha taʻeloto pea fakahā mai.
ʻOku fokotuʻu atu ke tau poupouʻi ʻa e toenga ʻo e Kau Taki Māʻolungá, Kau Fitungofulu Fakaʻēliá mo e kau palesitenisī lahi ʻo e ngaahi houalotú, ʻo hangē ko ʻenau tuʻu ʻi he lolotonga ní.
Ko kimoutolu ʻoku loto ki aí pea kātaki ʻo fakahā mai.
Ka ʻoku ʻi ai ha taʻeloto pea fakahā mai.
ʻE Palesiteni Monisoni, mei he meʻa kotoa pē kuó u lava ʻo mamata ki aí, kuo lototaha ʻa kinautolu ʻi he Senitā Konifelenisí ki he ngaahi fokotuʻu ne fakahokó.
ʻE kāinga ʻofeina, ʻoku mau fakamālō atu ʻi hoʻomou hikinima ʻo fakahaaʻi hoʻomou poupoú, tuí mo e mateakí pea pehē ki hoʻomou ngaahi lotú.
ʻOku mau fakaafeʻi atu ʻa e kau mēmipa ne toki uiuiʻi foʻou ki he Kau Fitungofulú mo e kau palesitenisī lahi ʻo e Kau Finemuí, ke nau meʻa mai ki muʻá ni ki honau nofoʻangá.