Aoaoga Mo O Tatou Taimi

O faatonuga nei mo lesona o Aso Sa lona fa a le Au Perisitua Mekisateko ma le Aualofa, e sui ai faatonuga o loo i le O Faamatalaga mo Taitai o le Perisitua ma Ausilali e uiga i Mataupu e Aoaoina, 2005 e oo i le 2008.

O sauniga a le Perisitua Mekisateko ma le Aualofa i Aso Sa lona fa o masina taitasi, o le a taulai i “Aoaoga mo O Tatou Taimi.” O lesona uma o le “Aoaoga mo O Tatou Taimi” o le a aoaoina mai lauga i le konafesi aoao aupito lata mai o le Liahona. O nei lomiga e lomiaina ia Me ma Novema. O loo maua foi lauga i le initoneti (i le tele o gagana) i le www.lds.org.

E mafai ona saunia lesona taitasi mai se lauga se tasi pe sili atu foi. E mafai e peresitene o siteki ma itu ona filifili pe o a lauga e tatau ona faaaoga, a le o lena, e mafai ona latou tuuina atu lenei matafaioi i epikopo ma peresitene o paranesi. E ao i nei taitai perisitua ona faamamafa atu i uso o le Au Perisitua Mekisateko ma tuafafine o le Aualofa le taua o le tutusa o lesona latou te suesueina i Aso Sa foi na. E tatau i faiaoga ona saili se fautuaga mai o latou taitai e uiga i se mea e faapitoa ona faamamafa.

O i latou e auai atu i lesona o le Aso Sa lona fa ua uuna’ia ina ia suesue ma aumai i le vasega le mekasini o le konafesi aupito lata mai. E tatau i taitai o uarota ma paranesi ona mautinoa e mafai ona maua e tagata uma mekasini a le Ekalesia.

Fautuaga mo le Sauniaina o se Lesona mai Lauga

Tatalo ina ia faatasi le Agaga Paia ma oe a o e suesue ma aoao atu ia lauga. Atonu e i ai taimi e faaosoosoina ai oe e taatiaese lauga o le konafesi ae faaaoga nisi mea e sauni ai lau lesona. Peitai o lauga o le konafesi o mataupu na ua faamaonia mo le aoaoina. O lou tofiga o le fesoasoani lea i isi e aoao ma ola i le talalelei, e pei ona aoaoina mai i le konafesi aoao aupito lata mai a le Ekalesia.
Toe faamanatu lauga, ma vaavaai mo mataupu ma aoaoga faavae e fetaui ma manaoga o tagata o le vasega. Ia vaavaai foi mo tala, o mau e faatatau i ai, ma faamatalaga mai lauga o le a fesoasoani ia te oe, e aoao atu ai mataupu ma aoaoga faavae.
Fai se otootoga o le auala e te manao e aoao atu ai ia mataupu ma aoaoga faavae. E tatau ona aofia i lau otootoga ni fesili e fesoasoani ai i tagata o le vasega [e]:
- – Vaavaai mo mataupu ma aoaoga faavae o loo i le lauga o loo e aoaoina atu.
- – Mafaufau i uiga o mataupu ma aoaoga faavae.
- – Fefaasoaai le malamalama, manatu, aafiaga, ma molimau e uiga i mataupu ma aoaoga faavae.
- – Faaaoga nei mataupu ma aoaoga faavae i o latou olaga.
Toe faamanatu mataupu e 31–32 o le Aoao Atu, E Leai Se Isi Valaauga E Sili Ai.

“O le mea e aupito taua, o le mauaina lea e tagata o le uunaiga a le Agaga, faateleina lo latou malamalama i le talalelei, iloa faaaoga mataupu faavae o le talalelei i o latou olaga, ma faamalosi a latou tautinoga e ola ai i le talalelei” (Tusitaulima Faafaiaoga [2001], 12).

Faamolemole auina mai manatu faaalia e uiga i le “Aoaoga mo O Tatou Taimi” i le Curriculum Development, 50 East North Temple Street, Room 2420, Salt Lake City, UT 84150-3220, USA; i-meli: cur-development@ ldschurch.org.

Masina	O Mea e Faaaoga mo Lesona o Aso Sa Lona Fa
Novema 2008–Aperila 2009	O Lauga o loo lolomiina i le Liahona* o Novema 2008
Me 2009–Oketopa 2009	O Lauga o loo lolomiina i le Liahona* o Me 2009