Mei he Moʻui ʻa e Palōfita ko Siosefa Sāmitá

Ko Ha ʻAho ʻo e Mālohi ʻo e ʻOtuá

Mei he Ngaahi Akonaki ʻa e Kau Palesiteni ʻo e Siasí: Siosefa Sāmita (Tohi Lēsoni ʻa e Lakanga Taulaʻeiki Faka-Melekisētekí mo e Fineʻofá, 2007), 440{en)41.

ʻI he fuofua hiki atu ʻa e Kāingalotú ki he feituʻu naʻe hoko ko Nāvuú, naʻe anoano mo namua ia. Naʻe puke ʻo mate ha kāingalotu tokolahi. Naʻe ʻave ʻe Siosefa mo ʻEma ʻa e kakai naʻe puké ki hona ʻapí pea aʻu ʻo na ʻoange hona mohengá ke nau ngāue ʻaki. Naʻá na mohe pē ʻi ha tēniti ʻi tuʻa.

Naʻe ʻi ai ha ʻaho ʻe taha naʻe ui ia ʻe Uilifooti Utalafi “ko ha ʻaho ʻo e mālohi ʻo e ʻOtuá.” Hili e lotu pongipongí, naʻe tāpuakiʻi ʻe Siosefa ʻa e kakai naʻe puké.

Pilikihami, ʻoku feʻunga hoʻo tuí ke fakamoʻui koe?

ʻIo, Siosefa.

Naʻe ʻalu ʻa Siosefa mo Pilikihami ʻo ʻaʻahi kia ʻIlaisiā Footihemi ʻa ia naʻe meimei mate. Naʻa nau pehē ʻe lau momeniti pē pea mate.

Naʻe puke ʻe Siosefa ʻa e nima ʻo ʻIlaisiaá. Naʻe ʻikai ke tali hake ʻe ʻIlaisiā, ka naʻe lava ʻa e tokotaha kotoa ʻi he lokí ʻo mamata ki he mālohi ʻo e Laumālie ʻo e ʻOtuá heʻene nofoʻia iá.

ʻE Misa Footihemi, ʻokú ke ʻiloʻi au?

“Ilaisiā, ʻokú ke ʻiloʻi au?

ʻIo!

ʻOkú ke tui ʻe fakamoʻui koe?

Meʻapango pē he kuo fuʻu tōmui. Kapau naʻá ke toe vave ange …

ʻOkú ke tui ko e Kalaisí ʻa Sīsū?

ʻOku ou tui ki ai, Siosefa.

ʻIlaisiā, ʻoku ou fekauʻi koe ʻi he huafa ʻo Sīsū ʻo Nāsaletí, ke ke tuʻu peá ke moʻui!

Naʻe hangē e ngaahi lea ʻa Siosefá ko e leʻo ʻo e ʻOtuá. Hangē naʻá ne luluʻi e falé, pea tupu ai mo e puna hake ʻa ʻIlaisiā mei hono mohengá.

Ne foki mai e lanu moʻuí ki he mata ʻo ʻIlaisiaá, pea hāsino e moʻuí ʻiate ia. Naʻá ne ui ke ʻomi hono valá, kai ha poulu mā mo e huʻakau, pea tui hono tataá. Naʻá ne ʻalu leva mo Siosefa ke tāpuakiʻi e kāingalotu lotu kehe naʻe puké.

Ngaahi tā fakatātā ʻa Sal Velluto mo Eugenio Mattozzi