komentaryo

Lakaw Ngari sa Templo

Salamat sa labing nindot nga tema sa Oktubre 2007 Liahona kabahin sa family history ug sa pagtambong sa templo. Human sa usa ka semana nga ang mga miyembro midawat sa Liahona, ang kalihokan sa sentro sa family history dinhi katulo pil-a. Ako nasayud nga kini nahitabo tungod sa artikulo sa Liahona niadtong buwana. Usahay ang mga miyembro kinahanglan lamang nga pahinumduman sa pagpahigayon sa mga ordinansa sa templo alang sa ilang mga katigulangan. Daghang salamat, kay ang Liahona mitabang kanako ug sa uban sa pag-alagad sa Ginoo nga mas may kalagsik.

Anderson Nascimento, Brazil

Gikan sa Gagmay nga mga Butang

Kita nagsunod sa tambag ni Bishop Keith B. McMullin nga gihatag niadtong Abril 2007 nga komperensya, “Pagtipig alang sa Umaabut,” pinaagi sa pagtipig og pipila ka kwarta, bisan tuod og kini diyutay nga sensiyo matag semana. Kita nasayud nga ang saad sa Dios, ingon nga gisulti ngari kanato sa atong mga lider, matuman—nga “gikan sa gagmay nga mga butang magagikan ang mga dagko” (D&P 64:33).

Ricardo ug Mireya Merchan, Colombia