Pagpundok og Kahoy sa Kuopio
Sa kaulahian sa ting-init sa 1968 ang akong kauban nga misyonaryo, si Elder Ken Heaton, ug ako mibisita og part-member nga pamilya sa Kuopio, Finland. Ang inahan ug anak nga babaye mga miyembro sa Simbahan, apan ang ilang amahan dili.
Sa hangyo sa asawa, kami mitudlo kaniya ug sa iyang anak nga babaye sa mga panaghisgutan—sa kusog nga tingog igo alang sa bana nga makadungog diin siya anaa sa tupad nga lawak. Sa dihang kami misulay sa pagdapit kaniya nga moapil kanamo, siya miingon nga siya walay panahon. Sa usa ka higayon ang iyang pasangil mao nga siya adunay daghang mga kahoy sa luyo sa balay nga kinahanglan bughaon ug ipundok alang sa tingtugnaw.
“Kon ang tanang kahoy mabugha ug mapundok, imo ba kaming tugutan nga motudlo kanimo?” kami nangutana.
“Oo, siya mitubag. Apan dihay daghan kaayo nga mga kahoy, siya midugang, nga kini nagkinahanglan kaniya og taas nga panahon una niya mahuman ang trabaho.
Pipila ka mga adlaw ang milabay, human nagpaabut sa amahan nga mobiya paingon sa trabaho, ang akong kauban ug ako mibalik sa ilang panimalay. Uban sa pagtugot sa asawa, among gigugol ang tibuok adlaw sa pagputol ug pagpundok sa kahoy. Kami nahuman sa 5:00 sa hapon, igo lamang nga wala pa siya moabut sa panimalay. Kami dili makapaabut nga makakita sa iyang nawong, apan kami nagdali-dali sa paglakaw sa dili pa kami niya masakpan. Human sa pagsakay sa among mga bisikleta pauli ug panglimpyo, kami nagbisekleta og balik sa ilang panimalay sa mga 7:00 sa gabii.
“OK, ang mga kahoy nabugha na!” kami mipahibalo. “Karon, motugot ka nga kami motudlo kanimo?”
Siya igo lamang nga mipahiyom, miyango, ug miapil kanamo diha sa atubangang lawak. Pipila ka mga semana ang milabay, human makadungog sa mga panaghisgutan sa mga misyonaryo, kining buotan nga brother nabunyagan ug nakumpirmahan.
“Ang kahoy nabugha nang tanan!” kami mipahibalo. “ Karon, motugot ka nga kami motudlo kanimo?”