Mainampuong Personal nga Kauswagan
Sa dihang ako mibalhin og eskwelahan, ako nahimong maayong higala sa usa ka batang babaye nga dili miyembro sa Simbahan. Apan human nga nahimong higala sulod sa pipila ka mga tuig, siya misugod sa pagbati og pangigi sa Simbahan tungod kay ako kanunay moadto sa mga kalihokan ug walay daghang panahon nga makig-uban kaniya. Ang sitwasyon nagkagrabe ug nagkagrabe—bisan tuod ako gusto nga iyang mahimong higala.
Usa ka adlaw samtang ako nagtrabaho sa akong Personal nga Kauswagan, ako misugod sa pagbuhat sa kasinatian nga naglakip sa pag-ampo sa kanunay sulod sa duha ka semana. Usa sa mga butang nga ako nakahukom sa pag-ampo mao nga ang akong higala morespeto kanako ug mosabut nga ang Simbahan importante kaayo alang kanako. Duha ka semana ang milabay, sa diha nga ang kasinatian nahuman, ako mipadayon sa pag-ampo sa sama nga butang.
Sa wala madugay sa dihang ako nagtan-aw og balik sa akong Personal nga Kauswagan, ako nakahinumdom sa akong kasinatian uban sa pag-ampo. Samtang ako nagsige og hunahuna kabahin niini, ako nakaamgo nga ang Langitnong Amahan mitubag sa akong mga pag-ampo kabahin sa akong higala. Ang akong higala nausab sa hingpit, siya wala na maghunahuna kabahin kanako sama sa una, ug siya misugod sa paghunahuna kabahin sa Simbahan sa maayong paagi.
Ako nakahinuklog pag-ayo tungod kay ako karon aduna nay pagpamatuod kabahin sa kinasingkasing nga pag-ampo. Ako nasayud nga ang akong Amahan sa Langit miusab sa kasingkasing sa akong higala. Ako nasayud usab nga Siya motabang kanato ug mohimo og mga milagro kon atong buhaton ang atong bahin.
Gi-frame ni Scott Snow; paghulagway sa litrato PINAAGI NI Matthew Reier